Мұқағали Мақатаев Отан туралы ашық сабақ 2 сынып

Қысқа мерзімді жоспар

Бөлім:

Мұғалімнің аты-жөні:

Күні:

Сыныбы: 2

Қатысушылар саны:

Қатыспағандар саны:

Сабақтың тақырыбы:

Мұқағали Мақатаев "Отан туралы"

Оқу бағдарламасына сәйкес оқу мақсаты

Сабақтың мақсаты:

Барлық оқушылар: Дереккөздерден қажетті ақпаратты алып, өңдеп, тұжырым жасайды.

Оқушылардың басым бөлігі: Топтық жұмысты бірлесе орындайды, өз бетінше жұмыс жасайды, сұраққа жауап береді, қосымша үлестірме ресурстармен жұмыс жасайды.

Кейбір оқушылар: Оқулықтан тыс берілген қосымша тапсырмаларды орындайды, тақырып бойынша қосымша мәліметтер мен дәлелдер келтіре алады.

Сабақтың барысы:

Сабақ кезеңі/

Уақыты

Педагогтің іс-әрекеті

Оқушының іс-әрекеті

Бағалау

Ресурстар

Сабақтың басы

7 мин

(Ұ). Ұйымдастыру кезеңі:

Жағымды психологиялық ахуал туғызу.

«Жүректен- жүрекке» әдісі. Оқушылар бір-біріне жақсы тілектер айтады.

Үй жұмысын сұрау. «Алтын балық» әдісі

Кейбір оқушылардың кітабының ортасында алтын балық суреті жасырынған. Алтын балық суреті түскен оқушылар үй тапсырмасын айтады, қалған оқушылар мұқият тыңдап, сұрақтар қояды.

Топқа бөлу: «Геометриялық фигуралар» әдісі

Конвертке 3 түрлі геометриялық фигуралар (үшбұрыш, төртбұрыш, тіктөртбұрыш) салынады. Оқушылар фигураларды кездейсоқ алып, сол бойынша топтасады.

1-топ: Туған жер

2-топ: Атамекен

3-топ: Отан

«Миға шабуыл» әдісі

Оқушылар тақтадағы суретке назар аударайық. Суретте не көріп тұрмыз?

Мысалы: ашық аспан, мөлдір бұлақ, биік таулар, төрт түлік жануар, жасыл шөп, қалықтаған құстар, асыр салып ойнаған балалар.

Өте дұрыс, жарайсыңдар! Өздеріңіз айтқандай осы ғажап табиғат біздің Отанымыз. Біз қарапайым сөздермен ғана табиғатымызды сипаттай білдік, ал осы ғажап табиғатты көркемдеп өлеңге сыйғыза білген ақын – жазушыларымыз өте көп. Солардың бірі «ғасыр ақыны» болған Мұқағали Мақатаев. Ендеше бүгін біз Мұқағали Мақатаевтың «Отан туралы» деген өлеңін оқып, танысамыз.

Геометриялық фигуралар

Алтын балық суреттері

Сабақтың ортасы

(30 мин.)

7 мин.

«Спираль» әдісі арқылы ақынның өмірбаянымен таныстыру.

1-топ: Мұқағали Сүлейменұлы Мақатаев Алматы облысы Райымбек ауданы Қарасаз ауылында дүниеге келген. Ақынның азан қойып шақырған аты — Мұхаметқали. Мұқағали жастайынан әдеби шығармаларды сүйіп оқып, 14-15 жасынан өлең жаза бастайды. Қазақ классиктерінен бөлек, Есенин, Пушкин, Гете, Байрон, Шекспир және Лондонды сүйіп оқиды.

2-топ: Алғашқы өлеңдері аудандық газетте жарық көрген. Мұқағали Мақатаевтың алғашқы жыр жинағы 33 жасында шыққан. Бүгінде ақыннан мыңнан астам өлең мен поэма қалды. Мұқағали Мақатаев қаламынан "Қарлығашым, келдің бе?", "Дариға жүрек", "Аққулар ұйықтағанда", "Шуағ ым менің" т.б. жыр жинақтары туған.

3-топ: М.Мақатаев поэзиясы жұмыр жердің барлық мәселесіне араласқан, кең, ауқымды тақырыпты қамтиды. Оның туған жер, адамдар тағдыры, өмір мен өлім, ана мен бала, ақын мен ақындық, соғыс тауқыметі т.б. тақырыптағы лирикасы қайталанбас ұлттық сипатта, ұлттық зермен кестеленген.

Автор туралы мәліметпен танысады және түсінгендерін өзге топқа баяндайды.

Дескриптор: