Мұқағали Мақатаевтың өлеңіне арналған тәрбие сағаты

Тақырыбы : «Пай-пай өмір....»

3-4 сыныптар арсында ұйымдастырылған кешМақсаты : Ақиық ақын М.Мақатаев өмірі,шығармашылығымен таныстыру.Жырларының мазмұнын ұғындыру, ақын талантын шәкірт жүрегіне ұялату,поэзияға деген қызығушылығын арттыру,өлеңдерін мәнерлеп оқуға дағдыландыру.Өлеңдерінің тәрбиелік мәнін түсіндіру.Отанға, тілге деген сүйіспеншілік сезімдерін арттыру.Көрнекілігі : Ақын портреті,ақын өлеңдерінен үзінді,буклет,кітап көрмесі,техникалық құралдар,слайд.Жүргізуші:Қош келіпсіздер, өлеңсүйер, өнерсүйер қауым! Ақпан айы – ақиық ақын Мұқағали Мақатаевтың дүниеге келген айы. Тума талант бұл күнде өмірден өтсе де, барша қазақтың жүрегінде берік орныққан.

«Ақынмын деп мен қалай айта аламын,

Халқымның өз айтқанын қайталадым.

Күпі киген қазақтың қара өлеңін,

Шекпен жауып өзіңе қайтарамын»- деп жүрегінің түбінен қайнап шыққан асыл жырларымен қалың көпшіліктің махаббатына бөленген Мұқағали Мақатаевтың поэзиясына арналған «Пай-пай өмір....»атты Мұқағали оқуларына қош келдіңіздер!Мұқағали - ақын, аудармашы, драматург, прозашы. Оның жауһар жырлары - мәңгілік. Олай болса, ақынның өлеңдерін жаттап, сусындап өсіп келе жатқан өлеңге құмар мектебіміздің сайысқа қатысушы оқушыларын ортаға шақырайық.(Ортаға қатысушы сайыскерлеріміз шақырылады)Жүргізуші:Мұқағали оқуларының шарттарымен таныстырып өтейін:1. «Жазылар естеліктер мен туралы» ақынның өмір жолы.Слайдтан көрсету

2. Таныстыру.3. «Қарасаз қарашалғын өлеңде өстім» ақын өлеңдерінен үзінді4. «Білімді бірді жығады,Білікті мыңды жығады» сұрақ-жауап

5. «Ақын өлеңдері жүрегімізді әнмен тербейді» әні мен өлең үзінділерін тыңдату арқылы табу.

1кезең «Жазылар естеліктер мен туралы»Жүргізуші : Қарасаз,кіндік қаным саған тамған,Жолдасым бірге келген сенде қалғанШыбықтан ат қып мініп,балық аулап,Өзен мен ормандарда асыр салғамӘне тұр менің туған жаман тамым,Сол тамда көрген тұңғыш өмір шамынЕсігін өмірімнің сонда ашып,Іңгалап мен де өмірге ұмтылғаным- дегендей М.Мақатаевтың өмір жолымен таныстыру. ( слайдтан көрсету)

2 кезең Таныстыру.

Жүргізуші : Бүгінгі кеште сіздермен бірге өмірге іңкәр,өмірді жанындай сүйіп,жырлап өткен сыршыл да сезімтал ақын жайлы сыр шертіп,ақын әлеміне,өлең атты құдіретіне бас иеміз.3 кезеңЖүргізуші : Қарасаз , қара шалғын өлеңде өстім,Жыр жазсам,соған жұртым елеңдестіңӨлсе өлер Мұқағали Мақатаев,Өлтіре алмас алайда өлеңді ешкім, - деп ақынның өзі айтқандай оның өлеңі өмірден өзі кетсе де ұрпақтан ұрпаққа жалғасып келеді.Ендеше , ақын өлеңдерінен үзінді Сайыскерлерімізді ортаға шақырайық. (Ортаға кезек бойынша қатысушылар ортаға шығады)Осы орайда Мұқағали атамыздың өз дауысымен оқыған өлеңдеріне кезек берсек.(Мұқағалидың дауысымен айтылған өлеңін тыңдату)

4. кезең «Білімді бірді жығар,білікті мыңды жығар»демекші сұраққа жауап береміз1. Мұқағали Мақатаевтың анасының аты? (Нағиман)2. Ақынның азан шақырып қойылған аты? (Мұқаметқали)3. Мұқағали қай жерде дүниеге келген?( Алматы обл. Райымбек ауд. Қарасаз ауылы)4. Жарының аты? (Лашын)5. 1972 жылы “Жазушы”баспасынан жарық көрген өлеңдер жинағы. Бұл жинақ – ақынның көзі тірісінде оқырманның қолына тиген бесінші кітабы. (Дариға - жүрек)6. Өмірден ерте кеткен қызы? (Майгүл)7. Ақынның әкесінің аты кім? (Сүлеймен)8.…