Мұзда жанған алау тақырыбындағы тәрбие сағаты, 4-сынып

Қ.Қалыбеков атындағы орта мектеп

Тәрбие сағаты

Тақырыбы: Мұзда жанған алау

Сыныбы: 4 «Б»

Дайындаған: Қарағойшиева Ш.М.

2015-2016 оқу жылы

Күні: 8.12.2015 ж. Сыныбы: 4 «Б»

Тақырыбы: Мұзда жанған алау

Мақсаты: Желтоқсан оқиғасы арқылы жүздеген жылдар бойы бабаларымыздың армандаған егемендігіне қол жеткізгендігімізді, осы тәуелсіздікке жету жолында талай боздақтарымыздың жалған айыппен шейіт болғандарын көрерменге жете ұғындыру, оқушылардың дүниетанымын кеңейту; Отанды сүюге, құрметтеуге,желтоқсандықтарға әрдайым құрмет көрсетуге, адамгершілікке, әділеттікке, ел мен жердің қадір- қасиетін ұғынуға тәрбиелеу.

Көрнекілігі: слайд, нақыл сөздер, шарлар, жалаушалар.

1-жүргізуші: Құрметті ұстаздар, қонақтар, оқушылар. Сіздерді еліміздің ең атаулы мерекесі 16 желтоқсан – Тәуелсіздік күнімен құттықтаймыз! Дендеріңізге саулық, отбастарыңызға амандық тілейміз!

Тарихымызда алтын әріптермен жазылып қалған Тәуелсіздік күні мерекесіне арналған 4- «б» сынып оқушыларының дайындаған «Мұзда жанған алау» атты тәрбие шарамызды назарларыңызға ұсынамыз. Қош келдіңіздер!

2-жүргізуші: Қанша жыл, қанша ғасыр өтсе де ұмытылмайтын оқиғалар болады. Ұмытылмайтыны – оның тағдырмен байланыстылығында.1986 жылғы Желтоқсан көтерілісі де ауыл - үйдің әңгімесі емес, алып құрлықты аралап кеткен тарихи оқиғалардың бірі.

1-жүргізуші: Ия, осыдан 29 жыл бұрын, яғни 1986 жылы Алматының бас алаңында Желтоқсан оқиғасы болды. Бұл оқиға дүниені дүр сілкіндірді. Қазақ жастары наразылық білдіріп шеруге шықты. Олар «Қазақ елінің өз көсемі сайлансын» деген тілек білдірді. Сол кездегі үкімет басшыларының бұйрығымен күш көрсетілді. Өз елінің құқын талап етіп шеруге шыққан жастарға «бұзақылар», «ұлтшылдар», «нашақорлар» деген кінә тағылды.

(Тақпақтар 1,2,3,4)

2-жүргізуші: 16 Желтоқсан. Бұл қаралы да қасіретті күні Асанқызы Ләззат, Сыпатайұлы Ербол, Мұхамеджанқызы Сабира, Ноғайбайұлы Қайрат сынды жүздеген тіпті мыңдаған аға-әпкелеріміздің қанатын қиып түскен озбырлық күні еді. Ендеше сол Желтоқсан ызғарында қаза болған аға-апаларымыздың рухын орнымыздан тұрып бір сәт үнсіздікпен еске алайық... (Рахмет)

Көрініс. 1986 жыл. 16 желтоқсан. Қайрат Рысқұлбеков өз курстасы Жанармен кездеседі.

Ән «Желтоқсан желі» Орындайтын: Нұрсәт пен Гүлфайрус.

1-жүргізуші: Тегеурінді соққылары жарақтан,

Ақша қарға судай ақты қайнап қан.

Қайдан білсін қызбаланған ерлерім,

Айрыларын Ләззат, Ербол, Сәбирадан, Қайраттан.