Музыка жетекшісіне арналған балалар іс-шарасының сценарийі

«Мен тәрбиешіммен мақтанамын»

Мақсаты: Тәрбиеші мен тәрбиленушінің арасындағы қарым- қатынасты нығайту. Үлгілі тұтар тәрбиеші болып, инабатты да ибалы, парасатты да өнерлі бүлдіршінді қалыптастыру. Балаларды мейірімділікке, тәрбиешілердің өлшеусіз еңбегін бағалай, сыйлай білуге тәрбиелеу.

(Зал әдемі безендірілген. Алдын ала көрермендерге фишкалар таратылады. ) Жүргізуші: Бізге тәртіп үйреткен, Ән салдырып билеткен, Таныстырған ең алғаш, Әріптермен, суретпен- Ол тәрбиеші апайым.- дей отырып, құрметті қонақтар, ата-аналар бүгінгі «Мен тәрбиешіммен мақтанамын» атты тәрбиешілермен, тәрбиеленуші бүлдіршіндердің сайысына қош келдіңіздер. Сайысымызды бастамас бұрын шарттарымен таныстырып өтейін. Бұл сайыстың бір ерекшелігі әділқазы деген болмайды, сайыскерлерімізді көрермендер, яғни сіздер бағалап, қай сайыскерлер ұнады соған дауыс бересіздер. Осы залға келерде сіздерге фишкалар берген болатынбыз. Қазір сайыс соңында өздеріңізге ұнаған сайыскерлерімізге дауыс беріп, мына жерде тұрған ыдыстарға қолдарыңыздағы фишкаларды саласыз. Сайыскерлер қазір өздеріне ұнаған түстерін таңдайды, мұқият түстерін жаттап алыңыз. Жүргізуші: Ортаға бүгінгі сайысқа қатысушы тәрбиеші апайлар мен бүлдіршіндерді шақырайық. (көңілді әуен ойнап сайыскерлер ортаға шығады.)

1. Тәрбиеші- Мақпал Оразқызы, тәрбиеленуші Назерке

Сұңғатқызымен 2. Тәрбиеші-Элеонора Болатқызы, тәрбиеленуші Інжу

Ержанқызымен 3. Тәрбиеші-Сәндеш Дүйсекенқызы, тәрбиеленуші Жанель

Ізімқызымен 4. Тәрбиеші-Жангүлім Сағидоллақызы, тәрбиеленуші Нұрсана

Мұратжанқызымен 5. Тәрбиеші-Құндызай Сейфуллина, тәрбиеленуші Гүлназ

Біржанқызымен

Жүргізуші: Құрметті сайыскерлерлер мына жерден өздеріңіз ұнатқан түсті таңдап алып, артын қараңыздар. Сіздердің реттік нөміріңіз берілген. Сайыс 4 кезеңнен тұрады. І кезең- «Танысып біз алайық» (бірге таныстыру) ІІ кезең- «Үй тапсырмасы» (бірге үйден дайындаған қол өнер немесе тағамның жасалу жолын слайд арқылы көрсету және алып келу ) ІІІ кезең- «Ән шырқайық қосылып» (бірге ән орындау) ІY кезең- «Би билейміз бұралып» (би билеу) Ендеше, сіздерге сәттілік тілеймін. Жүргізуші: Беташарын сайысымның бастайық, Көрерменді бір серпілтіп тастайық. Сайыскерлер таныстырсын өздерін, Сайыскерді ду қол соғып қостайық.- дей келе «Танысып біз алайық» кезеңіне берміз. Сайыскерлер өздерін таныстырсын. (Таныстыру) Жүргізуші: - Бәйге түсіп жарыспай, Жүйріктің бағы жанар ма? Білім мен өнер жарысып, Тәрбие - тәлім табар мән. Бұл кезең істің бәйгесі, Кім жүйрік ғана сол алда – «Үй тапсырмасы» кезеңіне береміз. Үйге тапсырма берілген болатын тағам пісіру, не болмаса қолөнерді екеуі бірге жасап жасаған сәттерін слайд арқылы көрсетіп таныстыру.

Жүргізуші: Ән- көңілдің ажары, Думан тойдың базары. Әнге аусын бір мезет, Көпшілік қауым назары- деп келесі кезекті «Ән шырқайық қосылып» кезеңіне береміз. (Әндерін орындайды.) «От улыбка» әні Орындайтын: Мақпал Оразқызы, Назерке Сұңғатқызымен «Жас дәуірдің түлегіміз» Орындайтын: Элеонора Болатқызы, Інжу Ержанқызымен «Анашым қартаймашы» Орындайтын: Сәндеш Дүйсекенқызы, Жанель Ізімқызымен