Музыкалық сауаттылық бойынша әдістемелік презентация

Дайындаған: музыка пәні мұғалімі: Иманалина Нургул Кубаевна

№ 36 қазақ орта мектебі

Музыка пәні мұғалімдеріне әдістемелік көмек

Қазақстан Республикасының жаңашыл даму кезеңінде, жалпы білім беретін мектептердің алдында, ұлттық және әлемдік мәдениеттің жетістіктерін білетін, ой-өрісі дамыған, қоршаған ортамен өзара жағымды, белсенді әрекетке дайын, өз ойын ашық айта алатын, шығармашылық тұлғаны тәрбиелеудің жауапты ісі тұр. Сол тәрбиенің бір бөлігі эстетикалық тәрбие болса, эстетикалық тәрбие беру музыка сабағымен тығыз байланысты екені сөзсіз. Өйткені, әсемдікті көре, түсіне, жасай білу адамның рухани өмірін байытады, қызғылықты етеді және әрлендіре түседі.

Оқу пәнінің мақсаты – оқушылардың музыкалық мәдениетін қалыптастыру, музыка арқылы рухани бай, адамгершілігі мол шығармашыл тұлғаны тәрбиелеу.

Міндеттері: білім алушыларға музыка туралы алғашқы мәліметтерді меңгерту, халық музыкасына құрметпен қарау, ұлттық салт-дәстүріміз және әдет-ғұрпымызды қастерлеуге, туысқан халықтар музыкасына құрметпен қарауға тәрбиелеу, балалардың музыкалық әсерін кеңейту, шығармашылық белсендігін арттыру, музыкаға деген қызығушылығын және сүйіспешілігін тәрбиелеу

Музыка сабағындағы музыкалық сауаттылық- оқушыларда музыка, музыкалық құбылыстар, олардың ерекшеліктері, музыка заңдылықтары, мәнерлеу тәсілдері, композиторлар туралы мәліметтер, нота сауатының негізі туралы т.б алғашқы жүйеленген ұғымды және білімді қалыптастыруды жобалайды.

«Музыка жүрек тілі, ол сезімдер мен көңіл- күй әлемі. Ол дыбыстар арқылы жан сарайы»- деген екен Шестакович.

Олай болса, шын көңілден шыққан сезімдер жүрек арқылы жан сарайына жетіп жатса, біздің тәрбиелеген оқушыларымыз жүрегі таза, пейілі кең, сауатты, шығармашыл тұлға болары сөзсіз.

Музыка сабағының негізгі бөлімдері: музыка тыңдаумен ән орындау болса, музыка сауаттылығы осы негізгі бөлімдерде таңдалған тақырыптар бойынша жүзеге асып, оқушылардың шығармашылық белсенділігін артуына өз септігін тигізеді. Музыка сауаттылық өзімізді қоршаған сан алуан денелердің тербелісінен пайда болған түрлі дыбыстардан басталады. Демек, дыбыс заңдылықтары бір физикалық құбылысқа жатқанмен де, олардың адамға әсер берудегі өзіндік қасиеті әр-түрлі. Міне, осы қасиетке байланысты дыбыстар музыкалық және шулы болып екіге бөлінеді. Музыка сабағындағы музыка сауатылық осы музыкалық дыбыстарды естип, сезуден басталады

К.Д. Ушинский былай дейді: «Балаға өзіне таныс емес бес сөзді үйретіп көріңіз, ол көп уақыт тектен- тек әлгі сөздерді жаттаймын деп әлек болады, ал сондай жиырма сөзді көркемсуреттермен байланыстыра үйретсеңіз, бала оларды тез-ақ үйреніп алады. Сіз балаларға өте қарапайым пікір айтсаңыз да олар сіздің не айтып тұрғаныңызды түсінбейді, ал сол балаларға күрделі көріністі айтып көріңізші, ол тез түсініп алады. Бір оқиғаны қабілеті бірдей екі балаға: біреуіне картинамен, екіншісіне картинасыз сөз жүзінде әңгімелеп айтып беріп байқаңыз, бала үшін картинаның маңызы бар екенін сонда ғана ерекше бағалай аламыз». Демек, музыка сауатын меңгертуде көрнекілік принципін сақтау оқушылардың білімінің терең әрі саналы игеруінің басты құралы болмақ. Техникалық көрнекі құрал (фильмдер, клиптер, магнитафондар т.б), Графикалық көрнекі құрал (схемалар, таблицалар, кеспелер т.б), Бейнелеуші көрнекілік (суреттер, порттер т.б), Көркем сөз арқылы берілетін көрнекілік (музыка мазмұнына байланысты көркем шығармалар, т.б )