Мың бала тұжырымдамасы бойынша материал 9 сынып

23.04.2018-ғы № 1-3-1/1408 шығыс хаты

Жобаның қорытындысы келесі бағыттар бойынша жүзеге асырылады:

1. Жобаның мақсаты мен міндеттері Жобаның мақсаты: Мемлекеттік тілді үйрету арқылы қазақстандық бірегейлікті қалыптастыру, қоғамдық келісім мен ел бірлігін нығайту.

Жобаның міндеттері: 1) Қазақстан халқын топтастырушы фактор ретінде мемлекеттік тілдің рөлін нығайту;

2) этнос топтарының балалары мен жастарының бойына қазақстандық патриотизмді сіңіру;

3) мемлекеттік тілді білу арқылы балалардың қоғамдық белсенділігін арттыру;

4) инновациялық әдістемелер мен озық тіл үйрету құралдары арқылы Қазақстандағы этнос өкілдерінің балалары мен жастарына мемлекеттік тілді үйрету;

5) мемлекеттік тілді оқытатын әдістемелердің сапасын арттыру және үйретудің жаңа форматтарын табу.

2. Жобаның бағдарламасы мен іс-шаралары 1. «Тіл мектебі» қазақ тілін оқытудың авторлық бағдарламалары:

- мемлекеттік тілді жеделдете оқытудың инновациялық әдістемелік кешендері арқылы этнос өкілдерінің балалары мен жастарына қазақ тілін үйретудің авторлық курстары;

- 2015-2017 жылдары жоба аясында мемлекеттік тілді меңгерген балалардың деңгейлерін арттырып, ниет білдірушілерді оқыту жыл бойы жалғасады. 2. Еліміздің барлық облыстарында жалпықазақстандық ашық диктант өткізу: - 2018 жылғы 21 қыркүйекте еліміздің барлық деңгейдегі кітапханалары мен оқу орындары ( мектептер) бірлесе отырып, бір мезгілде ашық диктант өткізу.

3. «Асыл сөз» мектебі: этностық топтардың балалары мен жастарына қазақ халқының дәстүрін бойына сіңіру

арқылы сөйлеу мәдениетін жетілдіретін, шешендік өнердің негіздеріне баулитын және қарым-қатынас шеберлігін шыңдайтын тиімді курстар мен коммуникативтік тренингтер ұйымдастыру.

4. «Тиімді тілдік орта» ойын алаңы: балабақшаларда, мектептерде және жазғы демалыс лагерлерінде демалыспен ұштастырылған қазақ тілін оқыту алаңдары, ұлттық және спорттық ойындар, байқаулар өткізу;

5. Этнос топтарының балалары мен жастары арасында мемлекеттік тілді насихаттайтын #ЕркінSóɪle бейне роликтер эстафетасы ұйымдастырылады. (инстаграм, фейсбук әлеуметтік желілерде жарияланады);

6. Викторина «Тапқырлар алаңы»: салтанатты марапаттау рәсіміне келген өңірлік жеңімпаздар арасында ұйымдастырылады. Викторина топтық деңгейде өтеді. Викторина тілді меңгеру деңгейін анықтаумен қатар, ауызбіршілікке, татулыққа баулиды. Тақырып Астана қаласының 20 жылдығы аясында болады.

3. Тұжырымдаманы іске асыру тетіктері және

ресурстық қамтамасыз ету Қазақстан халқы ассамблеяларының өңірлік хатшылықтары жергілікті бұқаралық ақпарат құралдарында, әлеуметтік желілерде жобаның шаралары туралы ақпарат таратуды, «Қоғамдық келісім» республикалық мемлекеттік мекемесіне ( 2018 жылғы 15 қарашаға дейін) қоса берілетін кестеге сәйкес ақпарат беруді қамтамасыз етеді.

Жобаны іске асыру республикалық және жергілікті бюджеттерде көзделген қаражат шегінде, сондай-ақ Қазақстан Республикасының заңнамасында тыйым салынбаған басқа да көздер есебінен жүзеге асырылады.

Жергілікті атқарушы органдардың балаларға мемлекеттік тілді үйрету бағдарламалары, сонымен қатар, Қазақстан Республикасында білім беруді дамытудың 2011-2020 жылдарға арналған мемлекеттік бағдарламасы және Қазақстан Республикасында тілдерді дамыту мен қолданудың

2011 - 2020 жылдарға арналған мемлекеттік бағдарламасы аясында өткізілетін шараларды қамтиды.

Жоба туралы бұқаралық ақпарат құралдарында, әлеуметтік желілерде ақпарат тарату көзделген. Қазақстан халқы Ассамблеясының www.assembly.kz ресми сайтында «Мың бала» жобасының жаңалықтары, оқытушыларымен, қатысушыларымен, әріптестермен жүргізілген сұхбаттар орналастырылады.

4.Тұжырымдаманы іске асырудан күтілетін нәтижелер

Жобаны іске асыру нәтижесінде: 1) мемлекеттік тілдің қолданылу аясын кеңейту және оның қоғамдық маңызын арттыру;

2) тұрақтылықты, қазақстандық бірегейлік пен бірлікті нығайту;

3) мыңдаған балалар мен жастарды қазақ тілінде еркін сөйлейтіндердің және мемлекеттік тілді үйретуді насихаттайтын еріктілердің қатарына қосу;

4) этнос топтарының мемлекеттік тілді меңгеруге деген құштарлығын арттыру арқылы қазақстандық қоғамнан өз орнын табу, әлеуметтену мәселелерін шешу.