Мың бір мақал жүз бір жұмбақ сабақ жоспары 3 сынып

«Мың бір мақал, жүз бір жұмбақ»

Сабақтың мақсаты:

Оқушыларды «Сөз мәйегі-мақал» дегендей,ата-бабамыздан қалған өсиет сөздер арқылы адамгершілікке,ойын нақты,дұрыс жеткізуге,тапқыр сөйлеуге үйрету.

Сөз өнері арқылы оқушылардың дүниетанымын кеңейтуге тәрбиелеу.

Көрнекілігі: қанатты сөздер жазылған плакаттар,шарлар.

Сабақтың барысы:

- Құрметті ұстаздар, оқушылар, «1001 мақал, 101 жұмбақ» атты танымдық сабағымызға қош келдіңіздер!

Бүгін біздің сыныбымыз «Мың бір мақал,жүз бір жұмбақ» ойыны өткелі тұр.

Ата-бабамыздан қалған өшпес мұра, көлемі жағынан шағын болғанымен мазмұны терең қымбат қазынаның бірі- мақал-мәтелдер. Оқушыларға мақал-мәтелдерді үйретіп ұғындыру, баланы көптеген жақсы қасиеттерге адамгершілікке, адалдыққа тәрбиелейді. Мақал-мәтелдер дегеніміз- сөз арқылы ықшамды, жинақталған, өтімді түрде айтылатын күрделі ойдың қорытындысы, бейнелі тіл байлығымыз. Қоғамда болып жатқан елеулі өзгерістер, салт-дәстүріміз, әдет-ғұрпымыз, мақал –мәтелдердің шығуына негіз болған. Мақал- мәтелдердің бала тәрбиесінде маңызы өте зор.Ендеше, «1001 мақал, 101 жұмбақ» сайысымызды бастаймыз.

І тур. «Білгенге маржан» мақал-мәтелдің жалғасын табу.

ІІ тур. «Кім көп біледі?»тапсырмаларды орындау.

ІІІ-тур. «Кім тапқыр?»жұмбақты табу.

ІҮтур. «Біз білмейтін бір мақал».

Ү тур. «Логикалық жұмбақ».

YI тур . Көрермендер көрімдігі.

I тур

"Білгенге маржан"

Шарты:Оқушылар екі топқа бөлінеді.Тақтаға жазылған мақал-мәтелдердің басы беріледі,қатысушы топтар мақал-мәтелді жалғастыру тиіс.

1. Оқу білім бұлағы..... (білім өмір шырағы)

2. Жаңбыр бір жауса,.... (терек екі жауады)

3. Өнерлінің қолы алтын,.... (өлеңшінің сөзі алтын)

4. Атаңның баласы болма,.. (адамның баласы бол)

5. Көп жасаған білмейді....../көп көрген біледі/

6. Қыз өссе елдің көркі,... (гүл өссе жердің көркі)

7. Жері байдың... (елі бай)

8. Досы көпті жау алмайды.... /ақылы көпті дау алмайды/

9.Жауға жаныңды берсең де...... /сырыңды берме/

10.Өз білмегеніңді кісіден сұра.... /кісі болмаса, кішіден сұра/

11. Ер жігіт ел үшін туады... (ел үшін өледі)

12. Әдепті бала – арлы бала,... (әдепсіз бала сорлы бала)

13. Білекті бірді жығады,... (білімді мыңды жығады)

14. Еңбек етсең ерінбей,... (тояды қарның тіленбей)

15. Отан - қуат... (Отбасы - шуақ)

16. Ұланы бар елдің... (ұраны бар)

17. Жақсыдан үйрен,....(жаманнан жирен)

18.Саналы адам сағыңды сындырмас... /жаман адам жағыңды тындырмас/

19.Бейнетің қатты болса.... /Татқаның тәтті болады/

20. Еңбек етпесең, елге өкпелеме...../Егін екпесең жерге өкпелеме/

ІІ тур

«Кім көп біледі?»

Шарты:10,20,30,40 сандарына қарай топтар әр тақырыпқа мақал айтуы керек.

10 ұпай. Ұстаз туралы мақал айту:

Ұстазы жақсының, ұстамы жақсы.

Шәкіртсіз-ұстаз тұл.

20 ұпай. Тіл туралы мақал айту:

«Өнер алды – қызыл тіл!»

«Бас кеспек болсаң да, тіл кеспек жоқ»

«Басқа пәле тілден»

«Бал тамған тілден – у тамар»

30 ұпай.Жақсылық пен жаманшылық туралы мақал айту:

«Жақсы бала - сүйеніш, жаман бала - күйініш»

«Жақсылыққа жақсылық әр кісінің ісі,

Жамандыққа жақсылық ер кісінің ісі»

Жақсылық пен жамандық егіз