Мың бір мақал, жүз бір жұмбақ тәрбие сағаты, 5-сынып

Тақырыбы:Мың бір мақал, жүз бір жұмбақ.

Мақсаты: Оқушыларды «Сөз мәйегі — мақал» дегендей, ата — бабамыздан қалған өсиет сөздері арқылы адамгершілікке, ойын нақты, дұрыс жеткізуге, тапқыр сөйлеуге үйрету. Сөз өнері арқылы оқушылардың дүниетанымын кеңейту, тапқырлыққа, даналыққа тәрбиелеу.Көрнекілігі: презентация, үлестірмелі карточкалар.

Барысы: 1. Ұйымдастыру.Сайысқа қатысушы топтар ортаға шығады. Әр топта бес оқушыдан. Топ жетекшілері сайланады.

Барысы:Құрметті ұстаздар, оқушылар, қонақтар!Бүгін біздің тобымызда өтетін «Мың бір мақал, жүз бір жұмбақ» ойынына қош келдіңіздер.Бұл сайысқа екі топ қатысады:1. «Сұңқар» тобы.2. «Тұлпар» тобы.

Тәрбиеші: Құрметті ұстаздар сіздердің іштеріңізден әділ қазыларды сайлап алсақ.Әділ – қазылар:-------------------------------

Тәрбиеші: Алдымен мақал — мәтел дегеніміз не? Қысқаша тоқталып өтсек:Мақал — мәтел – ата бабамыздан қалған өшпес мұра. Көлемі жағынан шағын болғанмен, уақыт өткен сайын мағынасы тереңдеп, құны артып, қымбат қазынаға айналып келеді. Мақал — мәтел – тәрбиелік мәні зор, рухани байлық. Осы тұста мен осы мақал мен мәтел айырмашылығын түсіндіріп өткім келіп отыр. Мысалы: Мақалда қорытынды, тұжырымды түйін айтылады. Айтылар ой нақты толық жеткізіледі. Мысалы: «Ер жігіт елі үшін туады, елі үшін өледі» деген мақалда елді қорғау, жерді қорғау нағыз жігіттің ісі екендігі айтылып тұр. Ал, мәтелде ой тікелей білдірілмей тұспалдап, жанамалап айтылады.Мысалы: «Көппен көрген ұлы той». Мұнда не көрсең де халықпен бірге көр, өз басыңның ғана қамын ойлама деген сөз тұспалдап айтылып тұр.Қазақ ауыз әдебиетінен орын алған және ерте заманнан бастап бүгінгі күнге дейін даму, өсу үстінде келе жатқан жанрдың бірі-жұмбақтар. Жұмбақтар заттың өзін айтпай, оның түр, түсін, сыртқы белгілерін, жұмбақ болып отырған затқа ұқсас жақтарын сипаттайды, ал заттың өз атын жасырып ұстайды. Сондықтан да алған нәрсенің өзін айтпай, оның сырт белгілерін қысқаша сипаттауды, солар арқылы жұмбақ етілген затты табуды-ЖҰМБАҚ де

Біздің мақсатымыз, оқушының білімге деген құштарлығын, ізденімпаздығын, оқу деңгейін және ойын нақты дұрыс жеткізуге, тапқыр сөйлеуге салмақты ой айтуға үйрету болып табылады. Ендеше біз бүгінгі сайысымызды бастайық1 — бөлім: «Кім көп біледі?» Қатысушы топтар мақал – мәтел айтудан жарысады.(1 минут уақыт беріледі, сол уақыттың ішінде топтар қанша мақал айтса, ұпай саны да соған қарап қойылады.

2 — бөлім: «Жалғасын тап»(мақал — мәтелдің басы беріледі, қатысушы топтар мақалды жалғастырады)

1 – топқа:1. Кітап – білім бұлағы,…. (білім – өмір шырағы)2. Досы көпті жау алмас,…. (ақылы көпті дау алмас)3. Әркімнің өз…