Мың түрлі мамандық тәрбие сағаты 9 сынып

Тақырыбы: Мың түрлі мамандық

Мақсаты: оқушыларға мамандықтың түрлері, олардың адам өміріндегі маңызы туралы түсінік бере отырып, өз бейіміне сәйкес мамандық таңдай білуіне ықпал жасау; оқушылардың қоғамға деген азаматтық позициясын қалыптастыра отырып, отансүйгіштікке тәрбиелеу, кәсіби бағдар беру; түрлі жаттығулар арқылы таным процестерін дамыту, өз пікірін еркін айтып, өзгенің пікірін сыйлай білуге, жүйелі ойлауға баулу.

Сабақтың барысы:

І. Ұйымдастыру бөлімі

ІІ. Негізгі бөлім

Мұғалім: Әр адам ерте ме, кеш пе өз өмірінде «Қандай мамандық иесі боламын?» деген сұраққа жауап іздейді. Мамандық таңдау – өте жауапты іс. Өйткені, таңдаған мамандығың ертеңгі сенің өмірің, болашағың, қоғамның болашағы, елдің ертеңі. Ел президенті Нұрсұлтан Назарбаев айтқандай «Отанның болашағы, мемлекеттің келешегі жастардың қолында, оларың өрісті ойы, өркенді ісі, табанды тіршілігі тек біліммен ұштасқан біліктің арқасында биік белестерге жетеді». Жақын арада әрқайсыңыз мамандық таңдау мәселесіне тап боласыздар, бүгін сабақта бізер осы маңызды тақырыптарға тоқталамыз.

«Мектеп бітіргеннен кейін кім боласың?» деген сұрақтарға мектеп оқушыларының көбісі нақты жауап бере алмайды. Шындығына келгенде мамандық таңдау мәселесі әсіресе біздің қоғамымыз нарықтық қатынасқа көшіп отырған жағдайда өте күрделі мәселе. Бүгін бізге өз ойларымен бөлісіп, өз пікірлері мен ақыл-кеңесін айтуға шақырулы қонақтарымыз келіп отыр. Сол қонақтармен таныстырып өтейін.

- Кеш қонақтарын таныстыру:

1. мектеп психологі

2. дефектолог маман

3. медбике

4. жас маман

5. тарих пәні мұғалімі мектебіміздің директордың тәрбие ісі жөніндегі орынбасары

6. теміржол саласынан келген маман

7. мектеп инспекторы

8. Банк қызметкері:

9. Халыққа қызмет көрсеті орталығының қызметкері:

Ендеше, қонақтарымызға «Қош келдіңіздер!» дей отырып, бүгінгі кешімізді бастаймыз.

Сұрақ: Мамандықтың қанша түрі бар деп ойлайсыңдар?

Оқушылар жауабы.

Американдық кәсіптер сөздігінің мәліметтері бойынша 22 қызмет саласы бойынша 114 топқа бөлінген 40 мыңға жуық мамандық түрі бар екен.Статистердің зерттеуі бойынша

жыл сайын 25 млн адам өзінің жұмыс орнын ауыстырып, оның 12%-ы қайтадан өз орнына қайтып оралады екен. Қазақстанда осы мамандықтардың 300-ге жуық түрі кездеседі.

Сұрақ: Мамандық таңдауда әр адам неге сүйену керек?

Оқушылар жауабы.

Мамандық таңдауда әр адам өзінің қызығушылығына, қабілетіне, бейімділігіне, қалауына сүйену керек. Сондай - ақ өз мамандығының 10 - 20 жылға дейін өз сұранысын жоғалтпауына көңіл бөледі. Бұл мамандықтарға деген бірқалыпты тұрақты сұраныс деп аталады.

Сұрақ: Сұранысын жоймаған кай мамандықтарды білесіздер?

Оқушылар жауабы.

Өзінің сұранысын, қызығушылығын жоймаған кең тараған мамандықтарға дәрігер, мұғалім және құрылысшы мамандықтарын атап өтуге болады. Ал, өзекті мамандықтар қатарына жоғары технология, байланыс, коммуникация, әлеуметтік орта, экономиканы басқару мамандықтары және еңбек сұранысына қажетті жаңа мамандықтары жатады.

Мұғалім: «Адам өзінің ыңғайымен , еркімен қызмет ететін зат. Іштен туғаннан-ақ, белгілі бір өнерге, қызметке икемді болып туады . Басқаша айтқанда, әр адамда бір нәрсе- талап, ыңғай, қабілет, яғни зеректік болады.Біреуі бала оқытуға, біреуі әкім болуға, біреуі дәрігерлікке берілуге, біреуі саудаға, біреуі сөзге ыңғайланып жаралады. Кейде кім өзіне біткен ыңғайына қарай өз жолымен жүріп қызмет етсе, өз басына, әлеуметке де көп пайда келтірмек»- деген Жүсіпбек Аймауытовтың мұралы сөзі әлі күнге маңызын жойған жоқ.

Енді өзі қалаған мамандыққа кім қалай жетеді?

Өзі қалаған мамандыққа әркім әр түрлі жолмен келеді. Біреулер осы мамандықтың иесі болуды бала кезден армандайды, оны орындау үшін аянбай тер төгеді, ал екінші біреулер – отбасы дәстүрін алғастырушы, үшінші біреулер жаңалыққа, дербестікке талпынып, заман ағымына сай мамандық таңдаса, келесі біреулер әйтеуір бір мамандық алу керек болған соң таңдайды. Мамандық таңдауда адам өзінің жеке дара қасиеттеріне назар аударуы керек. Адам өз бойындағы жетістік пен кемшілікті, икем мен қабілетті, күш-қуатты, мінезіндегі ұнамды, ұнамсыз жақтарын білгені дұрыс. Мамандық таңдауда бос қиялға берілмей, өзінің бейімділігі мен білім даярлығына, денсаулығы мен мінез- құлқына көңіл бөліп, мамандық туралы ақпаратты жақсы білген дұрыс.

Сыныпта 15 оқушы бар.

Таңдаған мамандықтары:

Дәрігер –6 Дизайнер – 1 мұғалім – 2

аудармашы -1 автоматика-1 психолог-1 автоэлектрик-2 журналист-1

Мұғалім. Сыныбымызда болашақта журналист боламын деп отырған оқушымыз бар. Соның дайындаған сюжетіне назар аударайық! (Оқушылар, мектеп мұғалімдері, маман иелері таңдаған мамандықтары туралы айтады) (видео ролик)

Постер қорғау 1 топ Қазіргі заманда зор сұранысқа ие болып отырған мамандық түрлері

2 топ Мамандықтың жаңа түрлері

Қазіргі заманда зор сұранысқа ие болып отырған мамандық түрлері

Дәрігер

Механик

Электрик

Слесарь

Зор сұранысқа ие болып отырған мамандықтар

Дәнекерлеуші

Геолог

Металлург

Технолог

Инженер

Мамандықтың жаңа түрлері

Қазіргі заманға сай жаңа мамандықтар

Менеджер

Заңгер

Банкир

Дизайнер

Маркетинг

Мұнай-газ ісі

Стандарттау,

сертификаттау

Нотариус

Бизнес

Қазіргі заманға сай жаңа мамандықтар

Менеджер

Заңгер

Банкир

Дизайнер

Маркетинг