Нәтижеге бағытталған білім беру туралы баяндама

Нәтижеге бағытталған - «Жаңартылған білім беру мазмұны»

Елбасымыз Н.Ә.Назарбаев «Барлық жаңғырту үрдісіндегі табыстың негізгі факторларының бірі – ұлттық білім беру жүйесін жаңарту болып табылады», - деп атап көрсеткендей, жыл сайын білім беру үдерісі жаңару үстінде. Әлемдік білім беру кеңістігіне кірудің стратегиялық мәселелерінің бірі он екі жылдық оқыту үлгісіне көшу болып табылады. Оның үш бағытта жүзеге асып жатқандығы белгілі. Бірінші бағыт білім беру жүйесі мазмұнын жаңарту. Бірінші бағыт бойынша республика көлемінде «Мектепалды даярлықтың, бастауыш, негізгі орта, жалпы орта білім берудің оқу бағдарламаларын, оқулықтары мен оқу-әдістемелік кешендерін апробациялау бойынша 30 пилоттық мектептің қатарына» көш бастап Баянауыл ауданы №1 Майқайың жалпы орта білім беру мектебі де еніп, 2015-2016 оқу жылынан бастап жаңартылған білім беру мазмұны бойынша бірінші сыныптарында апробациялауды жүзеге асырды.

Эксперимент барысында:

– жаңартылған мазмұнды үлгілік оқу жоспарлары мен оқу бағдарламалары :

– сынама оқулықтары мен оқу-әдістемелік құралдары;

– оқу жетістіктерін критериалды бағалау жүйесі;

– эксперимент режиміндегі оқыту сапасына тұрақты мониторинг жүргізу апробацияланды.

Бастауыш білім беру стандартының басты ерекшелігі - нәтижеге бағытталған, бастауыш мектептің міндеттері кеңейтілген, жаңа идеяларға негізделген.

Жаңартылған оқу бағдарламаларының мазмұндық ерекшелігі пән мазмұнын жобалаудың күрделілік ұстанымы, яғни білім мен біліктердің білім мазұнының тақырыптары біртіндеп күрделеніп келуі. Таным заңдылығы мен пәндік операциялардың неғұрлым маңызды түрлері бойынша ойлау дағдысының деңгейлік жіктелімдеріне негізделген. Пәндер арасында «ортақ тақырыптардың» пәнаралық байланыстарды жүзеге асырылды. Пәннің білім мазмұндары мен тақырыптары уақыт талабына сәйкес. Әлеуметтік дағдылардың қалыптасуына назар аударылды.

Білімін функционалдық тұрғыдан қолдану, АКТ дағдысы, зерттеушілік, коммуникативтік, шығармашылық және сын тұрғысынан ойлауы, топпен және жеке жұмыс істеу дағдылары анықталды. Қоршаған ортаны біртұтас қабылдау үшін пәндер мен мазмұнның кіріктірілуі қарастырылған. Пән бағдарламалары нақты күтілетін нәтижемен қамтамасыз етілген, ол білімін практикада қолдана алатынын зерттеушілік және жобалау жұмыстарын жүргізе алатындығы байқалды. Оқушылардың «білуі», «түсінуі», «қолдануы», «талдауы», «жинақтауы», «бағалауы» арқылы көрініс тапты. Үштілді білім беруді енгізу, тілді оқытуда тілдік дағдылар тыңдалым, айтылым, оқылым, жазылым коммуникативтік аспект күшейтілген.