Наурыз мерекесі тәрбие сағаты балабақшаға арналған

1 - жүргізуші: Көргенде қуанасың таза әуені, Құлаққа естілгендей жаз әуені. Жыл сайын тойланатын мәңгі – бақи, Наурызың құтты болсын, қазақ елі.

2 - жүргізуші: Жақсылық жүрегіне жыр еселер, Биікке шарықтатар киелі өнер, Наурызың құтты болсын, апа - әкелер, Наурызың құтты болсын, ата - әжелер.

1 - жүргізуші: Уа, халайық, халайық! Мұнда назар салайық. Мерекесі халықтың Наурыз тойын бастайық! Құтты болсын мереке, Болсын думан береке!- дей келе наурыз мерексіне арналған ертеңгілігімізге қош келдіңіздер.

2 - жүргізуші: Балалар біздер Ұлыстың Ұлы күні ақ бата алып, шашу шашатын кім екенін білесіңдер ме!

Балалар: Қыдыр Ата! Наурыз Әже!

1-Жүргізуші: Ендеше ортаға ақ батасын беруге Қыдыр атамызды шашуын шашуға Наурыз әжемізді шақырайық! Әже:

"Наурыз келсе, құт келгені, халайық!" Есік ашып, шашу шашып, Ел боп қарсы алайық (отырған қонақтарға шашу шашу)

2-Жүргізуші: Қыдыр ата! Наурыз Әже! Ортаға жайғасыңдар бүгін біздің балабақшада үлкен той болғалы жатыр бізбен бірге тойлатыңыздар! Қыдыр Ата: Жарайды құрметтеп бізді төрге шақырсаңдар ешқандай қарсылығымыз жоқ. (Ортаға барып отырады) 1-жүргізуші: Ән қосылсын әніңе Сән қосылсын сәніңе Ырысты болып жаңа жыл, Бақ дарысын бәріңе деп «Наурыз келді» әнін қабылалыңыздар Ән «Наурыз келді»

2-Жүргізуші:

Жаңғыртып дәстүрімді рахмет елім,

Тербетсін шаттық әні қазақ жерін

Той бастаған қадамың құтты болсын

Жалғайтын дәстүрімді бөбектерім – ендеше балалардың тақпағына кезек берейік.

Тақпақтар:

2-Жүргізуші:

Сені тойлап қарсы алып,

Бар әлемге жар салып

Сәлем бердік біз сізге

Ән мен жырмен қарсы алып – демекші балалардың наурыз әжемізге арналған « Әжемнің шайы » әнін қабыл алыңыздар!

Ән «Әжемнің шайы »

1-Жүргізуші: Біз қазақ халқы салт-дәстүрді қастерлеп, дәстүрлік мұраларды насихаттап жүрген халықпыз. Ендеше ата-бабамыздан бізге мұра болып жеткен салт–дәстүріміздің – «Ат қою» және«Бесікке салу» рәсімдерін қабыл алыңыздар.

Кішкентай бала қолында қамшы бар “Сүйінші, сүйінші” сәби дүниеге келді.

Қыдыр Ата: Сәбилерің құтты болсын! Баланың бауы берік болсын! Кішкентай сәбиді әкеліңдер азан шақырып атын қояйық! Ана Құндақталған сәбиді алып келеді! Қыдыр Ата: Сен наурыз мерекесі күні дүниеге келгесін сенің атыңды Наурызбай қоямыз деп Сенің атың “Наурызбай” Сенің атың

“Наурызбай” Сенің атың “Наурызбай” үш рет құлағына айқайлайды. Әже: Енді дүниеге келген сәбиді бесікке салайық! Бұл - бесік. Бесіктің жабдықтарын айтып өтейін. Көрпесі, жастықшасы, баулары, аяқбауы, жөргегі, түбегі, шүмегі болады. - Ал енді бесікті дайындап, бөбегімізді жатқызайық. - Бесікке баланы салмас бұрын, аластап алған дұрыс. - Шырпыны жағып, отпен аластайды. (сіріңкені көрсетеді) Алас - алас, алас, Бар пәледен алас. Барлық пәле желмен кетсін, Ағынды сумен кетсін. Алас - алас, алас. Бесік жырын айту 2-Жүргізуші: Наурыз шаттық әніміз Салтанаттты сәніміз Ән салып жас пен кәріміз Би билейік бәріміз – демекші ортаға мың бұралған қыздарымызды шақырайық

Би «Қамажай» Әндетіп Алдар келеді (Мен Алдармын, Алдармын) Ән айтып жатқан балалардың даусын естіп келдім. Бұл жерде мереке болып жатыр ма? Жүргізуші: Иә, Алдар көңіл - күйің жақсы екен, амансың ба?