Наурыз мерекесіне арналған ашық тәрбие сағаты, 5-сынып

АҚТӨБЕ ҚАЛАСЫНДАҒЫ «№17 ГИМНАЗИЯ» ҚММ

АШЫҚ ТӘРБИЕ САҒАТЫ:

«НАУРЫЗ МЕЙРАМЫ»

Құрастырған: Өтегенова Нұргүл Өмірбайқызы Класс: 5 «Е»

2022-2023 оқу жылы

Сабақтың тақырыбы: «Наурыз мейрамы»

Мақсаты:

Қазақтың мейрамдары - Наурыз мейрамы туралы оқушыларға түсінік беру;

ұлтжандылыққа, дәстүрлерді қастерлей білуге тәрбиелеу; ұйымшылдылыққа, өнерге баулу.

Көрнекілігі: Ұлттық бұйымдар, ұлттық тағамдар, нақыл сөздер, «Наурыз мейрамы» туралы презентация, фото-суреттер.

Барысы:

1-жүргізуші:Наурыз мерекесін тойлау дәстүрі адамның ізгі қасиеттерін — ашық мінезділікті, мейірбандылықты, ілтипаттылықты, жанашырлықты өркендетуге бағытталған.

2-жүргізуші:21 наурыз – көктемгі күн мен түннің теңелу күні. Қытымыр аяз бен қара суықтың орнына көктемгі жайма-шуақ ауа райы орнап, мыңдаған шақырымды еңсерген құстар аяулы ұяларына қайтып оралатын, тіршілік атаулы жанданып, мұз құрсауында қалған өзен-көлдер еріп, қуаттана түсетін осынау берекелі маусым – түркі халықтарының ғасырлар бойы тойлап келе жатқан басты қуанышы – Наурыз мейрамы.

1-жүргізуші: Армысыздар, ардақты, қазыларым,Сайыскерлер сайыста сынар бағын.Кетейік біз өзімізді таныстырып,Қазылар қошеметпен қабылдасын.

Жырдың дүлдүл ақыны, Қош келдіңіз, Мұқағали ауылына. Наурыз тойын тойлап жатқан бетіміз Қошеметпен қарсы алайық бәріміз.

Досқа құшақ ашайық. Өлең-жырға басайық. Қазақтың бір салты деп Тойға шашу шашайық(Оқушылар келген қонақтарға шашу шашып, қарсы алады)

1-жүргізуші:Бақтияр:

Армысыздар, құрметті ұстаздар мен оқушылар! Қош келдіңіздер, Мұқағали аулына!

Наурыз мерекесінде аулымыздың атауы - Мұқағали Мақатаевтың атымен аталу себебі: Ақын «Наурыз» атты өлеңін керемет тіл байлығымен, әдебиеттің көркем сөздері арқылы сөзбен салып, суреттеп бізге бай қазынасын қалдырып кеткен. Ақын табиғатқа, өмірге деген құштарлық адам рухын жандандырып, сезімін сілкіп оятатындай рухани күш беріп тұрғандай. Ақынның «Наурыз» өлеңінде айтайын деген ойы табиғаттың көктем мен қыс мезгілдерінің ерке мінездерін дәріптеп, көктем мезгілінің тіршілік көзі екенін айқын көрсеткен. Ақынның «Наурыз» өлеңін негізге ала отырып, аулымыздың атауын «Мұқағали ауылы» деп алуды жөн санадық.

2-жүргізуші:

Ақиық ақын – Мұқағали данамыз,

Ақпанның боранды күнінде,

Алматының тауында, Райымбек деген ауылда

Келген екен жарық дүние аулына.

Бала кезі қиындықпен өтсе де,

Жастайынан құмар болды өлеңге,

Поэзиясын жанына жолдас қылып,

Арманына қол жеткізуді жөн қылды.

Поэзияның Патшасы деп аталған,

Тым ерекше тұр ақын қатардан.Ойы терең сырға толы өлеңі,Айналайын Мұқағали атамнан.

Өлеңің бар, өзің алыс жырақта,Өлеңдермен ізің қалды бірақта.Алғысым көп Мұқағали атам-ау,Жатқан жерің болсын қазір Жұмақта.

2-жүргізуші: Наурыз мерекесі жайында қаншалықты білетіндерінді анықтау үшін, мына сұрақтарға жауап беріп көріңдер.

Наурыз туралы не білесіңдер? (Оқушылардың жауаптары: Наурыз – парсы сөзі. Нау – жаңа, рыз – күн, «жаңа күн, жыл басы» дегенді білдіреді. Ал қазақшасы – Ұлыстың ұлы күн)

Наурыз жыры деген не? (Оқушылардың жауаптары: Наурыз мерекесінде айтылатын жыр, өлең, мадақтау, тілек, бата).