Наурыз мерекесіне арналған тәрбие сағаты мектепалды топқа

Тақырыбы: «Жыл басы басталады-Наурыздан!»

Мақсаты: Ұлыстың ұлы күні наурыз мерекесін тойлау. Ұлттық салт-дәстүр, әдет-ғұрып жайында қарапайым түсінік беру. Ата-бабаларымыздың кейінгі ұрпаққа мирас еткен асыл мұрасын қадірлеп, қастерлеуге, қасиетін түсінуге баулу. Ұлттық дәстүрдің ерекшеліктерімен таныстыру. Қазақ халқының салт-дәстүрлерін балалардың бойына сіңіру. Балаларды ұлттық салт-дәстүрді, мұраларды танып-білуге, сыйлап, түсінуге үйрету. Балалардың ой-қиялының, шығармашылық белсенділігінің және бейнелі ойларының дамуына ықпал ету.

Тәрбиеші:

Наурыз тойым,Наурыз тойым!

Құтты болсын халайық.

Төрлет бізге нұр беріп,

Шуақ шашып ақ жүзің! -дегендей, жаңа жыл құтты болсын! Наурыз тек қана жақсылығын, жаңа жаңалығын әкелсін. Ақ мол болсын, халық тоқ болсын! Наурыз жыл басы. Наурыздың 21-22 –не қараған түні күн менен түн теңеледі екен. Міне сол күні ағаш үйлер тігіліп, қой сойылып ошаққа қазан қойып, тәтті бауырсақ пісіріліп ұлан-асыр той жасаймыз. Адамдар бір-бірімен көрісіп амал, жаңа-жыл құтты болсын деп бір-біріне ізгі жақсы тілек білдіреді.

Ән: «Көктем келді»

Тәрбиеші:Көрші ауылда наурыз тойына арнап киіз үй тіккен екен,Зере әжеміздің үйіне барып қонақ болып қайтайық.

(Алдарынан әжей шығып қарсы алады.Балалар қол алысып амандасады,көрпешеге жайғасып отырады.)

Тәрбиеші: Әр адам келер жылдан үлкен үміт күтіп, оны ақ тілекпен, ақ ниетпен қарсы алады. Ендеше, ақ кимешекті ақ әжеміздің наурыз көжесінендәм татайық.

Әже: Ішілетін,жейтінің,

Бұл көжеде бәрі бар,

Ошақта шоқ көп әлі.

Астың ауыр обалы.

Астан үлкен ешкім жоқ.

Қазан ауызы жоғары.- Амансыздар ма, құрметті қонақтар, балалар, көктемнің тамаша мерекесі, Ұлыстың ұлы күні, Наурыз құтты болсын, әр шаңыраққа береке, бірлік, мәртебе әкелсін. Ұлыс оң болсын, ақ мол болсын! Қайда барса жол болсын!- Балалар, менің қолымдағы не? Онда не бар деп ойлайсыңдар?- Дұрыс айтасыңдар. Бұл Наурыз көже. Наурыз мерекесін наурыз көжесіз елестету мүмкін емес. Сендерге сұрақ- Наурыз көжені неше түрлі тағам қосып дайындайды?- 7 түрлі- Қане атап беріңдерші?- Сүр ет, сүзбе, бидай, құрт, тары, май, тұз- Дұрыс айтасыңдар. Наурыз көже ең дәмді, әрі тойымды, құнарлы тағамдардың бірі. Ерте кезде үлкен тайқазанға пісірген. Наурыз көже қаншама халықты аштықтан аман алып қалған.

Ән: Дастархан.

Темірлан. Бата беріп атамыз,Бата беріп әжемізТәтті болып жасағанКөжеден дәм татамыз

Димаш.Құт бауырсақ шашылып,Наурыз тойы ашылсын.Бір бірімен мына жұрт,Көрімдігін асырсын.

Асия.Ұлыс күні бар халық.бір-біріне жақындап,

Ізгі тілек тілейді.

Ниеттерін айқындап.

Кәусар.Наурыз тойым,

Құтты болсын халайық.

Кәне достар!

Шырқап әнге салайық.

Аружан.Күн мен түн теңелді,

Жер шуаққа боленді.

Соны тойлар ел енді.

Т.Айару.Наурызда оюлы,

Ұлттық киім киеміз.

Бастап ән күй ойынды,

Би билеуді сүйеміз.

Б.Айару.Осыншама жақсылық,

Алып келген Наурызым.

Төрлет бізге нұр беріп,

Шуақ шашып ақ жүзің.

Тәрбиеші: Ой балалар жарайсыңдар, бәрекелді.

Билерге сөз беріледі.

Төле би. Ералы.

Жаңбыр жаумаса,жер жетім,

Басшы болмаса ел жетім.

Ақылсызға айтқан сөз жетім.-демекші,балалалар сөзге тұра біліңдер,үлкенді сыйлаңдар.

Қаз дауысты Қазыбек би.Амирхан.

Кекшіл болма кесапаты тиер еліңе,

Елім өссін десең,

Өршіл болма.

Әйтеке би.Ахан.

Сөз қуған пәлеге жолығар,

Жол қуған олжаға жолығар!-ақылды болыңдар балаларым!