Наурыз жыл басы 3-сыныпқа арналған тәрбие сағаты

Жүргізуші: Сәлеметсіздер ме,құрметті қонақтар,ата-аналар,балалар!

Ұлыстың ұлы күні наурыз тойы

Жыл басы қазағымның ұлы тойы.

Бақыт пен берекеңді алып келе бер.

Қуантып бар қазақты жылда ұдайы.

Ағаштар бүршік атып,бала шулап

Мал төлдеп қорадағы,тауда тулап.

Азан,қазан тіршілік жандануда.

Қуанып қалың қазақ той жасауда.

Мінекей,көптен күткен Наурыз мейрамы да келіп жетті.Наурыз күні күн мен түннің теңелген ,яғни бір тәуліктегі күн мен түннің ұзақтығы бірдей болған.Бұл күні жер шуаққа кенеледі,тіршілік көзін ашады.Сондықтан халқымыз Наурызды қастерлеп,қасиетті күнге теңеген.Ұлыстың ұлы күні құтты болсын деп,кезекті балалардың тақпақтарына жолдаймыз.

Балалар тақпағы:

Би: «Шашу»

(Ішке Алдар көсе кіреді)

Алдар:Мен Алдармын,Алдармын,

Досымын адал жандардың,

Жақсыларға серік боп

Жаманды талай алдадым.

(Балалармен амандасады,кеудесіне қолын қойып басын иеді)

Алдар көсе:Сәлеметсіңдер ме,балалар!Мында не болып жатыр?

Балалар; Наурыз тойы.

Алдар көсе:Наурыз тойларың құтты болсын! Ой тоңып тұрғаным-ай.Анау жақта атпен шауып біреу келе жатырған сияқты.Ол кім екен?

(сөйтіп тұрғанда бай келеді)

Алдар көсе: Е, Байеке ,ассаламағалейкум!Қалыныз қалай?Ұлыстың ұлы күні құтты болсын!Жолыныз болсын,қайда шауып барасыз?

Байеке: Амансыңдар ма, балаларым!Сендер Наурыз тойын тойлап жатыр деп естідім.Наурыз тойларың құтты болсын.Амансың ба,Алдар көсе?Осы сен Алдар көсе мына шұрық,тесік шапаныңнан тоңбайсың ба?

Алдар көсе: Е,байеке,неге тоңады екенмін.Керісінше бұл үстімдегі шапаным маған жылу беріп тұрады.

Байеке: Ол қалай сонда,қалай жылу береді?

Алдар көсе: Бұның ешқандай құпиясы жоқ.Мына жақтан кірген жел мына жағынан шығып кетеді,жылу ішінде қалады.Сондықтан тоңбаймын.Бұл шапанымды мен ешкімге бермеймін.

Бай:(ойланып тұрады)Алдар көсе екеуміз шапанымызды ауыстырсақ қайтеді?Мен саған өзімнің үстіндегі шапанымды беремін,ал сен маған өзіңнің үстіңдегі шапаныңды бер!

Алдар көсе:

Ойланып көрейін.Байеке сен маған онда үстіңдегі шапаныңмен қоса астыңдағы атыңды бересің.Менің шапаным қымбат тұрады.Ауыстырсаң өкінбейсің.(ойланады)

Рахмет,байеке,сау болыңыз! Ай,байеке,байеке.Балалар мен байды алдап шапаны мен атын алдым.Аңқау бай маған алданып қалды ғой.-деп атына мініп шауып кетеді.

Байеке:Е, қу Алдар,мына шапаннан тоңбайсың деп еді,тоңып тұрғаным-ай.Е-е-е енді түсіндім,мені алдап соқтың ба!Үстімдегі шапанымды,астымдағы тұлпарымды алдап алып кеттің бе?Енді не істесем екен?