Не үйрендік не білдік балабақшадағы ашық сабақ

Тақырыбы: Не үйрендік, не білдік

Мақсаты:Балалардың алған білімдерін тиянақтау,1-ден 5-ке дейін тура және кері санау,геометриялық пішіндер,ұзын қысқа ,аз және көп ұғымдарын пысықтау.Буратиноның тапсырмаларын орындау.Балалардың сабаққа деген қызығушылығын арттыру.

Әдіс-тәсілі:Сұрақ жауап,көрсету түсіндіру,мақтау-мадақтау.

Көрнекілігі: Слайд,үлестірмелі құралдар.

Ұйымдастыру кезеңі: Шаттық шеңбер

Арайлап таң атты

Күн шуағын таратты

Сәлеметсізбе апайлар

Сәлеметсізбе балалар

Сабақ барысы:

Тәрбиеші:Балалар бүгін ерекше сабақ, бүгін бізге қонаққа «Буратино» келіпті.Буратиноның қолында сиқырлы кілті бар екен.Бірақ ол кілтті, ормандағы аңшылар алып қойыпты.Сөйтіп аңшылар буратиноға бірнеше тапсырмалар беріпті,егер соларды орындаса ,сиқырлы кілтін қайтіп береді екен.Сол үшін буратиноның көңіл күйі түсіп, бізден көмек сұрай келіпті.Балалар буратиноға көмектесемізбе?

Балалар: Ия көмектесеміз.

1-ші тапсырма:

Жыл мезгілдерін ата?

Тәрбиеші:Балалар жылдың неше мезгілі бар?

Іңкәр:Жылдың тқрт мезгілі бар.

Тәрбиеші:Ал қазір жылдың қай мезгілі?

Заңғар:Қазір жылдың күз мезгілі.

Тәрбиеші:Өте жақсы,осы күз мезгілінде неше ай бар?

Балалар: Үш ай бар,қырқүйек, қазан,қараша.

Тәрбиеші:Күз мезгілінде ауа райында қандай өзгерістер болады:

Балалар:Күз мезгілінде ауа райы салқындап,жапырақтар сарғайып жерге түсе бастайды.

Тәрбиеші: Өте жақсы жарайсыңдар.

2-ші тапсырма:

«Үй жануарларын ата?

Тәрбиеші:Балалар суретте жылдың қай мезгілі, дұрыс күз мезгілі,ал енді қараңдарш осы жерде тағы ненің суреттері бар?

Балалар: Үй жануарлар

Тәрбиеші:Дұрыс айтасыңдар,буратиноның келесі сұрағы қандай үй жануарларын білесіңдер дейді.Ендеше үй жануарларын айтайықшы.

Балалар:Түйе,қой,ешкі,сиыр,ат.

Тәрбиеші:Ал осы үй жануарларының қандай пайдасы бар, біз олардан не аламыз?

Балалар: Сүтін,етін аламыз.Ал сүттен балқаймақ,құрт,шұбат жасайды.

Тәрбиеші:Өте жақсы жарайсыңдар.Балалар суретке қараңдаршы,не істеп жүр?Ия доппен ойнап жүр.Балалар буратиноның келесі тапсырмасы ойыншықтар туралы:

3-ші тапсырма:Ойыншықтар неден жасалады?

Тәрбиеші:Балалар қандай ойыншықтарды білеміз?

Балалар: Доп, қуыршақ,көлік.

Тәрбиеші: Балалар буратино бізге ойыншық салынған дорба ала келіпті.Қане ашып көрейік ішінде не бар екен.Міңе қызық ішінде көптеген ойыншықтар бар екен.Қане осы ойыншықтарды сипаттайықшы.

Инаят: Мынау түйе, ол матадан жасалған.

Тәрбиеші:Жарайсыңдар,өте жақсы,қане Заңғар дорбадан ойыншық алып ,неден жасалғанын айтағой.Сенің қолыңдағы доп,доп неден жасалады

Мадина: Қуыршақ резеңкеден жасалған.Сонымен ойыншықтар неден жасалады екен.

Балалар: Мата, резеңке, пластмас,

Тәрбиеші:Балалар,суретте ненің суретін көріп отырмыз?

Балалар:Бағдаршам

Тәрбиеші:Өте жақсы жарайсыңдар.Балалар бағдаршамның неше түсі бар.