Нұр себеле, Ұлыстың ұлы күні! тәрбие сағаты

Тақырыбы: «Нұр себеле, Ұлыстың ұлы күні!» Мақсаты: Ұлыстың ұлы Наурыз мерекесін тойлау, халқымыздың салт – дәстүрін, әдет – ғұрпын насихаттау.Көрнекілігі: Нақыл сөздер жазылған плакат, ұлттық киімдер, ұлттық тағамдар, шарлар, суреттер, жалаушалар.Жүрісі :

1- ж О, жарандар, жарандар

Бәрің мұнда қараңдар

Наурыз тойы басталды

Текке қарап тұрмаңдар

2-ж Оятып шың мен асқарды

Ерітіп мұз бен ақ қарды

Нұрландырып даланы

Наурыз- көктем басталды

1- ж Армысыңдар ауылымның асылдары

Жайнаған көңілдердің жасыл бағы

Сіздер үшін ән мен күй, өлең мен би

Сіздер үшін мереке шашулары

2- ж Қош келіпсіз игі жақсы ағалар

Ауылымның ақсақалы аталар

Ақ жаулығы аппақ болған әжелер

Бойжеткендер ізгі ниет аналар

1-ж Құрметті:ауыл түрғындары ! Сіздерді қазақтың ұлттық мерекесі Ұлыстың ұлы күні – Наурыз мерекесімен шын жүректен құттықтаймыз. Бүгінгі болғалы отырған «Нұр себеле, Ұлыстың ұлы күні» атты наурыз тойға қош келдіңіздер! Сіздерді келіп жеткен көктем мерекесімен құттықтай отырып, отбасыларыңызға амандық,дендеріңізге саулық тілейміз !

2- ж Жаңа өмірдің қайта басталатын күн есебінің басы, көктемнің көшбасшысы, қанатына маржан тағып қараторғай жеткенде көктемнің алғашқы жаңбыры себелейді. Сіресіп жатқан қар еріп, көл – көсір су болып ағады. Өсімдік ұйқыдан оянады, бәйшешек қаулайды. Жер әлемді жайнатып, әнші құстарды сайратып, Наурыз тойын тойлайтын Ұлыстың ұлы күні келді. Той құтты болсын, ұлыс оң болсын!

Ән: Наурыз-көктем Аққұс

1-ж Құрметті ағайын мерекелік шараның бағдарламасымен таныстырып өтейін

10.00-12.00Ауыл өнерпаздарының мерекелік шашуы .Әдеби музыкалық монтаж.

Келіндер арасында ұршық иіруден сайыс

Ұлттық биден сайыс

Дәмді наурыз көже номинациясы

12.00-14.00 Мерекелік дастархан

14.00-16.00 Спорттық шаралар

Күрес (балалар арасында)

Кір тасын көтеру 24 кг

Арқан тартыс ( ерлер, әйелдер арасында)

Қол күрес

16.00-17.00 Құнан жарыс

2-ж Көктем жетті көл-көсір шуақ құрып

Мұз көрпесін ақпанның лақтырып

Үй- дастархан, даламыз сахнамыз

Ұлы мейрам наурызға шақырамыз

1-ж Бастаса –елдің көсемі

Сөйлесе елдің шешені

Ақылы асқан абыздай

Бар түйінді шешеді- дей отырып мерекелік құттықтау сөз кезегін Ауыл әкімі: Балапанов Балтабек Қайпыұлына. Мектеп меңгерушісі: Бердібеков Шабай Сырымұлына. Ауданымыздың құрметті азаматы, ауыл ақсақалы: Қарабаев Бақыт мырзаға береміз.

1-ж Уа халайық, халайық

Әсем әнге салайық

Наурыз тойын көңілді

Бірге қарсы алайық

2-ж Уа халайық, халайық Ақ сандықты ашайық. Бұл мереке бұл тойдың Шашуларын шашайық!

Қазақ биі:Шашу биі Меруерт Аружан мен Дариғаш

1-ж Наурыз- көктем мерекесі

2-ж Наурыз- жыл басы!

1-ж Наурыз- жаңа серпін, жаңа леп!

2-ж Наурыз шаруаның берекесі

1-ж Наурыз- бақыт пен шаттықтың мерекесі

Осы тойды өткізуге атсалысқан барлық ауылдың азаматтары мен азаматшаларына алғыс білдіреміз.

Ән:

1-ж: Келіңдер, Наурыз күнін қарсы алайық, Билейік, жыр жырлайық, ән салайық. Қаһарлы қыстан өтіп, Наурыз келді, Арқаңды кеңге созшы, уа халайық.

2-ж: Шығыстың күнтізбесі бойынша күн мен түннің теңескен көктемгі мерекесі жыл сайын асыға күтетін жарқын үміт, жастық пен жаңару мерекесі, бүкіл әлемге береке, бақыт, бейбітшілік дарытатын Ұлыстың ұлы күні – Әз Наурыз құтты болсын!Күншығыстың Наурызы келгенде Самарқанның көк тасы еріп, жылғалардан су ағып, бәйшешек гүл атып, күннің көзі бүкіл әлемге нұрын шашып, үйсізді үйлімен теңестіреді.Наурыз келді, көктем келді ағайын!Жадырайды, жаңғырады маңдайым.Назды, сазды науан Наурыз, армысың!

Би: Оразхан Айтгүл Өзбек биі

1-жАрпа, бидай, тары бар

Қатық, малта ағы бар

Ішілетін жейтіннің

Бұл көжеде бәрі бар дегендей Наурыз көжеден ауыз тиіп бағасын беріңіздер

Азаймасын санымыз

Жана берсін бағымыз

Жаңа жылдың жаршысы

Құтты болсын Наурыз !

2-ж: Күттіріп келген жыл басыБізбен бірге жырлашы.Дастарханға елімнің,Береке, ырыс сыйлашы.Ата – бабам тойлағанӘз – Наурызым, армысың!

1-ж Ертеден ерте Наурыз- жылдың басы

Жарасқан келбетіне нұр тұлғасы

Сыр шертіп, шаттық құйып жүректерге

Сұлу жыр, әсем ән боп сыңғырлашы-деп келесі кезекті әнге берейік.

Ән:Нурик

1- ж:Армысың Наурыз,Қуаныш боп, кір төрлет!Ел болып саған,Көрсетіп жатыр сый – құрмет!

2- ж: Жыл басы - Наурыз, мереке!Ақ нұрға әлем бояндыНаурыз тойы берекеТіршілік жаңа оянды.

1 – ж: Тәуелсіз биік халқымның желбіреп туы шалқысын,Әз Наурыз келіп еліме, Жер – Ана бойы балқысын.Жаңғырар дәстүр - салтымның көсілсін бұлақ жалғасып,Қастерлі менің халқымның мереке Наурыз жыл басы!2-ж: Ұлыс күні кәрі жасҚұшақтасып көріскенЖаңа ағытқан қозыдайЖамырасып өріскен.Сіздердің әділ істеріңізҒасырлар бойы тынбайды.Аңыз, дастан жырлардан,Жастар оқып тынбайды.

Би. Қазақ биі Эльмира

1-ж: Жарқыраған жас нұрлы,Жаса, Наурыз дәстүрлі.Бақытыма шалқыдым,Ашылады нұрымызОсынау байтақ елімдеАйтылады жырымыз