Ой мен ойын интеллектуалдық ойынының сценарийі

«Ой мен ойын» сайысы

Мақсаты: а)Мектеп жасындағы оқушылардың тәрбиесі жөніндегі ата-аналардың ойларын кеңейту және нығайту .Оқушылардың білімге деген құштарлығын , іздемпаздығын арттыру.

ә)Шығармашылық қабілетін,жақсылық жасай білу іскерлігін,ойлау қабілетін дамыту, өз ойын еркін жеткізе білуге дағдыландыру

б) Ата-ана мен бала арасындағы қарым-қатынасты нығайту.

Түрі: ойын сабақ

Көрнекті құралдар:Интерактивті тақтаға арналған слайдтар, наушник,қима әріптер көріністі суреттер т.б

I Кезең: Ұйымдастыру

1 жүргізуші: Қайырлы күн ,құрметті ата-аналар мен оқушылар!Біз сіздермен кездесіп отырғанымызға қуаныштымыз.

2 Жүргізуші: Уақыт тауып,ойын ойнауға келгендеріңізге рахмет! Балалардың балалық шағы бақытты болуы үшін, олардың өмірінде ойын негізгі орын алады.

1 жүргізуші:Енді сіздер уақытша ересек адам екеніңізді ұмытыңыздар,бала болыңыздар.Сонымен алдарыңызда есейіп кеткен балалар мен өсіп келе жатқан балаларды қарсы алыңыздар.

2 Жүргізуші: Бүгін біздің өтетін ойынымыз «Ой мен ойын» деп аталады. Бұл ойынды ойнамас бұрын әділ қазылар алқасын сайлап алайық.Ойын шартын түсіндірейін.

Ойынды бастамас бұрын суреттер арқылы екі топқа бөліну керек.Және де топ аттарын өздері айтады.

I тур: «Қолтырауын» деп аталады.

Шарты:Әр топтан бір-бір адам шықсын,біз шыққан адамға сөз көрсетеміз. Сол сөздерді сіздер өз топтарыңызда мимикамен түсіндіресіздер.

II тур: «Естіп көр» ойыны

Шарты:Әр топтан бір-бір адамнан шығады. Сол шыққан адам мына наушникті құлақтарына тағады.Біз музыка қосып қоямыз. Командаңыздың адамы сізге бір сөз айтады. Сол сөзді сіз табуыңыз керек. Ол сөздерді сіз табасыз.

III тур: «Ән салшы»

Шарты: Өте оңай. Біз сіздерге музыка қосамыз. Бірақ бұл музыканың сөздері қисық айтылған. Енді сізге тапсырма: Бұл қай өлең екенін табуларыңыз керек?

Жүргізуші: Жануарлар әлеміне саяхат жасайық.

IY тур: «Зообақ»

Шарты: Біз хайуанаттар бағына келдік деген хабарландыру жарияланады. Әр адам жануарлардың аты жазылған қағазды алады да, сол жануарды пантомима арқылы көрсетеді.

Y тур: «Адасқан әріптер»

Шарты: Біз сіздердің көздеріңізді байлап, қолдарыңызға әріп береміз. Сол әріпті анықтайсыз. Сол әріптерге байланысты сұрақ қоямыз. Сіздер сол әріптен сөздер құрауларыңыз керек.

II кезең: Қорытынды: Әділ-қазылар алқасы топтардың ұпайларын айтып, жеңімпаз топты анықтайды.