Ойлар, сезімдер, мінез-құлық психологиялық материалы

Тақырыбы: «Ойлар. Сезімдер. Мінез-құлық»

Мақсаты:

Эмоциялы өрісін дамыту, қатысушылардың сезімдерін айта алуы және анықтауға дағдылануды үйрету;

«Ой, «сезім», «мінез-құлық» түсініктерінің жіктелуі(дифференциациялануы);

Топтың ынтымақтастығын көтеру;

«Дос достыққа» сергіту ойыны

Нұсқау: Қазір сіздер өте бір қызық ойынды ойнайсыздар. Ол үшін жасалатын қимылды тез-тез жасау керек. 5 секунттың ішінде өзіңізге серіктес тауып, алыңыз да тез-тез онымен қол алысыңыз. Ал енді бір-бірімізбен «сәлемдесеміз»;Оң қол оң қолмен!Мұрын мұрынмен! «Дос достыққа» деген бұйрықты естігенде жұптарыңызды айырбастайсыздар.

Бүгін біз ой, сезім және мінез-құлық бір-бірімен қалай байланысты екендігін білеміз:

Сезім деген не?

Олар қалай бізге әсер етеді?

«Жеті рет өлшеп, бір рет кес» деген мақалдың мазмұны қандай?

Бір нәрсені жасар алдында, біз ойлануға үлгіреміз бе? Қандай мысал келтіре аласыздар?

«Сүйсінген және ренжіген» ойыны

3-4 рет терең дем алыңыз да көзіңізді жұмыңыз, сүйсінген және ренжіген уақытта не жасайтыныңызды ойланыңызшы. Бірінші сүйсінген сәтіңізді елестетіңіз. Осы тұста сіз не сезіндіңіз? Сүйсінуіңізді денеңіздің қай жерінде сезіндіңіз? Сонда сіз не жасайсыз? Енді ренжіген сәтті елестетіңіз... Не сезіндіңіз? Денеңіздің қай тұсында не пайда болды? Не жасайсыз?

3-4 рет терең дем алыңыз да, көзіңізді ашыңыз, ренжіп жүрмін деп анық та айқын ойлап, бөлмеде ары-бері жүріңіз. Бір минутке тоқтап қалыңыз. Көңіл-күйіңізді өзгертіңіз. Сүйсінген сәтте өзіңізді қалай ұстар едіңіз, еш қысылмай өзіңізді еркін ұстаңыз...

«Жаңбыр жауып тұрғанда мен... туралы ойлаймын» жаттығуы

«Күннің көзі шығып тұрғанда, мен.... туралы ойлаймын»...

Далада жаңбыр жауып тұр деп ойлаңыз. Мұндай күндері сен не туралы ойлайсың? Не сезінесің? Не жасайсың? Енді күннің көзі шығып жайма шуақ тамаша, сен ұнатқан жыл мезгілі деп елестет. Осындай күндері сен не ойлайсың? Не сезіндің? Не жасағың келеді? Осыны бейнеле.

Талдау.

Сабақтың рефлексиясы

Мен бұл сабақтан алған тәлімім...

Маған ұнағаны...

Маған ұнамағаны...

Менің естігім, білгім, жасағым келгені...

Жаттығудың аяқталуы «Шеңбер бойынша қол алысу»

Жаттығудың қорытындысы