Өлкетану арқылы рухани-патриоттық тәрбие беру мақаласы

Алматы облысы, Жамбыл ауданы, Ұзынағаш ауылы

С.Бердіқұлов атындағы орта мектеп

қазақ тілі мен әдебиет пәні мұғалімі: Мәжит Жанна Мәжитқызы

Өлкетану пәні бойынша өз өлкеміздің ерекшеліктері,

құндылықтары арқылы оқушыларға рухани-патриоттық тәрбие беру

Тақырыбы: «Мұрағат туралы не білеміз? «Алматы облыстық мемлекеттік мұрағаты. Ұзынағаш филиалы» . Туған өлке – туған шежіре»»

Мақсаты: Мұрағат тарихы, атқаратын қызметі, қоғамдағы маңызы. Мұрағат туралы мағлұмат бере отырып өз тарихын қастерлеу.

Мұрағат туралы не білеміз?

Мұрағат немесе Архив (лат. archіvum) – тарихи маңызы бар құжаттар сақталатын мемлекет арнаулы мекеме. Мекемелердің ескі құжаттарын сақтайтын бөлімі немесе жеке тұлғаның өмірі мен қызметіне байланысты жинақталған жәдігерлер жиынтығы да архив делінеді.

Қазіргі архивтерде дәстүрлі қағаз құжаттардың түпнұсқаларымен және көшірмелерімен қатар фото-киноматериалдар, дыбыстық және бейнежазбалар, ақпараттың барлық жәдігерлер түрлері сақталады. Архивтерде мәңгілік мерзімге сақталып, қорғалатын тарихи деректер – мемлекеттің ішкі-сыртқы жағдайы, экономика, саяси-идеология қатынастары туралы құжаттар Ұлттық байлықтың бір бөлігі болып табылады.

Алматы облыстық мемлекеттік архивінің Ұзынағаш филиалы

Алматы облыстық мемлекеттік мұрағатының филиалдарының ішіндегі ең ірісі Талдықорған филиалы, бұл филиал 1944 жылы аудандық мұрағат болып құрылған.

Ал, Алматы облыстық мемлекеттік мұрағатының Ұзынағаш филиалы 1981 жылы құрылды. Филиал Қарасай және Жамбыл аудандарының құжаттарын сақтайды. Бұл филиал 1981 жылы халық депутаттарының Алматы облыстық советі атқару комитетінің шешімімен Жамбыл, Қаскелең, Күрті аудандарының мекемелері, ұйымдары, кәсіпорындарының құжаттарының сақталуын қамтамасыз ету мақсатында 1981 жылы 1 тамызда Ұзынағаш ауылында Алматы облысының мемлекеттік архивінің Ұзынағаш филиалы болып ашылған.

Мұрағатта 1930 жылдан бергі кезеңді қамтитын құжаттар сақтаулы. 1988 жылға дейін филиалда 12 қор, 1945 іс сақтауда болған. Қазіргі кезеңде 117 қор, 29332 іс сақтауда – басқарма құжаттары 122 қор, оның ішінде 4 қор, 821 іс жеке қор құжаттары сақтаулы. 5 қоймада. Басқарма құжаттары ішінде ауылдық, совет, совхоз, колхоз, мекемекелер, аурухана, нотариалдық кеңес, сот прокуратура құжаттары, ал жеке қор ішінде Д.Бабажанов, М.Хабиев, Б.Күренбековтің – соғыс ардагерлеріның құжаттары сақталуда.