Өмір деген тамаша тәрбие сағаты, 8 сынып

Тақырыбы: «Өмір деген ғажайып, өмір деген тамаша!»

Мақсаты: Өмірді сүюге үйрету, оның әрбір сәтін қадірлеуді түсіндіру. Өмірдің мәні туралы ой-пікірлерін ортаға салдыру, өмірге жақсы көзқараспен қарауға, бағалай білуге тәрбиелеу.

Көрнекілігі: слайд, бейнеролик,өмір туралы нақыл сөздер

Барысы:

І. Ұйымдастыру бөлімі: Топтастыру(топқа бөлініп отыру)

ІІ. Кіріспе сөз: Мұғалім сөзі

ІІІ Бейнеролик

ІV Топтастыру (3 топқа бөліну,топтың аты, спикері, ұраны )

V Постер қорғау

VI Өлең шумақтары оқылады

Психологиялық тренинг.

VII Ситуациялық сұрақтар

Қорытынды

Мұғалім: Сәлеметсіздер ме, балалар! Мен бүгін сендерді көргеніме өте қуаныштымын. Ал бүгінгі тақырыбымыз «Өмір деген ....» қалай аяқтар едіңіздер? (оқушылар өз нұсқаларын айтады) «Өмір деген ғажайып. Өмір деген тамаша!» тақырыбында жұмыс жасаймыз.

«Өмір сүрудің екі тәсілі бар. Біріншісі- ғажайып жоқ деп өмір сүру; екіншісі- бұл өмірде бәрі ғажайып деп өмір сүру»деп Альберт Эйнштейн айтқан болатын.

-Ал іштеріңізде өмірде ғажайып болмайды деген пікірді қолдайтындар бар ма?

-Ал өмірде бәрі ғажайып деп ойлайтындар бар ма?

- көктем келіп айналаның құлпыруы, күннің жарқырауы – ғажайып емес пе?

Мысал келтіріңіздерші, сіздерше ғажайып деген не? (жауап тыңдалады)

Мұғалім: Ғажайып бақытпен байланысты.Ал бақыт байлықпен саналмайды. Мысалы, Наполеон барлығына қол жеткізді- атаққа, байлыққа, мәртебеге, бірақ өмірінің соңында ол «Менің өмірімде тіпті бірде –бір бақытты күн болмапты» деп өкінген екен. Ал,туғаннан соқырмылқау Элен Келлер «Менің өмірім керемет!» деп айтқан екен. Тіпті асүйде ыдыс жуғанның өзі бақыт екені туралы айтқан. Ник Вуйчич аяқ-қолсыз дүниеге келген жарымжан екендігіне қарамастан өн бойынан өмірге деген құштарлық таба білген адам. Ни́к (Ни́колас) Вуйчич(ағылш. Nicholas James Vujicic) – кәсіби мотивациялық оратор, сирек кездесетін синдром тетра-амелия деп аталатын ауру түрімен туылған.

Ол 1982 жылы 4 желтоқсанда Австралияның Брисбене қаласында Борис Вуйчич пен Душка Вуйчич отбасында дүниеге келген. Ол екі қолы және екі аяғы жоқ болғанына қарамастан дені сау бала болып өмір есігін ашқан.Сондықтан да ата-анасының талабы бойынша ол мүгедектерге арналған емес, қарапайым мектепте білім алған. 10 жасқа толған кезінде сыныптастары тарапынан көрген қорлыққа шыдамай суға батып өлмек те болыпты. Алайда оны жақындарының қандай азап тартатыны туралы ой тоқтатқан екен. Ол физикалық тұрғыдан кемістіктеріне қарамастан серфингпен айналысуға, скейтборд тебуге құмар болады. Гольф ойнағанды ұнатады. Ол есепші(бухгалтер) және қаржыгер мамандықтары бойынша екі жоғарғы оқу орнын 21 жасында тәмамдаған. 19 жасынан бастап студенттер, баларлар алдында өз өмірі туралы айтып, жастарды өмірді сүюге тәрбиелей бастаған.

Ал 2005 жылы ол «Ең жас автралиялық азамат» атағын иеленді. БұлАвстралиядаөтемәртебелі атақ болып саналады. Әлемнің елдерін аралап мектептер мен университеттерде өнер көрсетіп, көптеген адамдардың жүрегіне үміт отын ұялата білген Ник Вуйчич жастардың өмір мәнін түсінулеріне түрткі болған атақты тұлға. Аяқжағындағы кішкене саусақтары көмегімен компьютерде 1 минутта 43 сөз теру арқылы өзінің өмірі және мүгедек жандардың жағдайы туралы «Жизнь без ограничений» (LifeWithoutLimits: Inspirationfor a RidiculouslyGoodLife) деген сияқты бірнеше кітап жазып шығарған.Сонымен қатар көптеген телешоуларға қатысқан,2009 жылы «Цирк бабочек» («TheButterflyCircus») деген мүгедек жанның тағдыры туралы фильмге де түскен. Қолыжоқ бола тұра 1 сағатта 1749 адамды құшақтап әлемдік рекорд орнатқан болатын.

Міне, осындай мысалдар арқылы өмірдің әрбір сәтін бағалай білу қажет екенін көресіздер. Көре, ести алатынымызға, дем алғанымызға шүкір ету қажет.

Бейнеролик көрсетіледі.

Постер сұрақтары:

І топ «Өмір» мен «Бақыттың» айырмашылығы неде?

ІІ топ Өмірдің мәні не?…