Өмір қымбатсың маған психологиялық тренингі

Тақырыбы: «Өмір қымбатсың маған!» тренинг.

Мақсаты: Оқушыларға «өмір», «бақыт» ұғымдарына жалпы түсініктер беру. Өмірге құштарлықтарын арттыру. Адамзат баласына бір –ақ рет берілетін өмірді бағалай білуге үйрету .

Қатысушылар: 8 сынып оқушылары.

Көрнекілігі: ватман, түрлі қарандаш, фломастер, шарлар. Барысы.Ұйымдастыру кезеңі:Оқушылармен сәлемдесу, Көңіл - күйлерін сұрау.

Ережелер

Біз тыныштықты сақтаймыз

Бір – бірімізді тыңдаймыз

Өз ойларымызбен бөлісеміз

Сезімдерімізді сыйлаймыз

Сұрақ жауап

- Өмір дегеніміз не , қалай түсінесің ?

- Өмірдің мәні не деп ойлайсыңдар?

- Өмір адамға несімен қымбат?

- Сіздер өмірде өздеріңді бақыттымын деп санайсыңдарма ?

- Келешекте сіздер өз өмірлеріңізді қалай құрар едіңіздер ?

Өмір –өзен, адамның көңіл күй сезімі де-өзен, уақыт та –өзен, тағдыр да –өзен. Сол бір өзенде сансыз қасірет пен қуаныш қатар ағып жатады, онда мұрат та, жауапкершілік те, өмірдің ащысы мен тұщысы да бар. Өмір. Бұл ұзақ жол. Бұл жолда әркім әртүрлі қиындықтар мен қызықтарға, бар мен жоққа, аштық пен тоқтыққа, қуаныш пен қайғыға кездесіп отырады. өмірде барлық адам бір жолмен жүрмейді, олар бірдей емес. Әркімнің өмір жолы әртүрлі. Десе де, әркімге өз өмірі қымбат.

«Өмірдің мәні» Балалар қима қағаздарды тақтаға іледі.

Ең бастысы - жүрегің таза болсын;

Өмір – сенің мүмкіндігің, пайдалана біл;

Өмір - сұлулық,сүйсіне біл;

Өмір - арман,жүзеге асыр;

Өмір - парыз,орындай біл;

Өмір - ойын,ойнай біл;

Өмір - байлық,бағалай біл;

Өмір - махаббат,ләззат ала біл;

Өмір - құпия,сырын аш;

Өмір - қайғы,көтере біл;

Өмір - күрес,жеңе біл;

Өмір - бақыт,баянды ете біл.

Арттерапия «Менің болашақтағы өмірім» / Әуен жайлап орындалады/

Оқушылар А 4 парағыны немесе жарты ватманға өздерінің қиялдарындағы өмірлерін бейнелейді.

Талқылау: Әр қатысушы өз салған суреттерін таныстырып, өз ойларын айтады.

Сергіту сәті.

Шар үріп бойымызда жүрген жаман әдет қылықтардан арылып ішімізді тазартып ауаға ұшырамыз, енді өмірдегі жақсы қасиеттерді бойымызға жинап тек жақсылық ойлаймыз.

«Жақсы қасиеттер» ойыны