Өмір тамаша психологиялық материал, 9 сынып

«Бейнеу орта мектебі» КММ

«Өмір тамаша!»

2018 жыл

Қазіргі таңда өз өмірін бағаламау, саналы түрде одан бас тарту әрекеті бүкіл жаһандық қоғамдық мәселеге айналып отыр. Бала психикасы өте нәзік, жаралы болып келетіндіктен кішкентай нәрсенің өзін ауқымды проблема ретінде қабылдайды. Сондықтан, оларға қашанда ата-ананың түсіністігі мен арнайы маманның көмегі қажет. Өзіне-өзі қол салуға қатысты әрекет – мінез-құлықтың бұзылу формасының ең шегі. Соның ішінде 9-10 сыныптармен жүргізілген ойын-тренингті назарларыңызға ұсынып отырмын.

Тренингтің мақсаты:

1. Өмір адам баласына бір-ақ рет берілетін өте қымбат сый екенін түсінуге, асыл қасиет адам бойында болатынын түсінуге ықпал ету;

2. Жақсы қасиетке үйретіп, жаман қасиеттен жиренту арқылы адамгершілік сезімдерін дамыту;

3. Оқушылардың өздерін жан-жақты тереңірек ашуына бағыт бағдар беру, оқушы көзқарасын қалыптастыру.

Тренинг түрі: психологиялық ойын-тренинг.

Тренинг әдісі: пікір алмасу, ой бөлісу, сөз жарыстыру, ойын жаттығуларын орындау.

Көрнекіліктер: « Өмір қымбат сый», «...әрбір қиын мәселенің шешілетін жолы бар». Слайд.

Психологтың сөзі.

Адамның өзін-өзі тәрбиелеуде асқан шыдамдылық, қиыншылықтарға төзімділік, ерекше ұстамдылыққа машықтануы керек. Ата – ананың тілегі – баласының жақсы адам болуы, еңбексүйгіштігі, оқу мен еңбектегі табыстары. Өмір дегеніміз – арнасы кең өзен. Сол өзеннен өз арнаңды тауып ағу – басты мақсат.

«Сын түзелмей, мін түзелмейді» жаттығуы.

Бұл ойында оқушы алдында екі орындық тұрады. Оқушы өз сыныбындағы бір оқушының немесе ұстазының бойындағы жақсы-жаман қасиеттерін «Алтын орындыққа» немесе «Қара орындыққа» отыру арқылы айтады.

Психолог: Ойын барысында оқушылар «Дос жылатып, дұшпан күлдіріп айтады»,»Егер сені ешкім қадір тұтпаса, мұның себебі өзіңде», «Қызғаншақтық-таяз ақылдың белгісі» деген мақалдарды ұстанды. Адам бойындағы сан түрлі ізгілік қасиеттерді адамгершілік қасиеттермен толықтырып отырсақ, қоғам алдындағы борышымызды ақтаған, өмірге бағыт-бағдар алған болар едік.

«Сөйлемді жалғастыр» жаттығуы

Жақсы өмір – бұл......

Бақытты адам – ол.......

Мен адамдардың ....... жоғары бағалаймын.

Менің өмірімнің маңызы мынада.....

Менің өмірім – ол ...

Менің көңіл-күйім көбінесе ...

Менде нашар көңіл-күй пайда болады, егер...

Айналадағы әлем-ол...

Менің достарыма деген қарым – қатынасым...