Өнер әлеміне саяхат сабақ жоспары мектепке дейінгі топқа

"Атбасар ауданының білім бөлімі Сергеевка орта мектебі" ММ

Білім беру саласы: «Шығармашылық» Оқу іс-әрекеті:Музыка сабағы Өтетін топ: «Күншуақ» шағын орталығы /4-5 жас/ ортаңғы тобы

Тақырыбы: Өнер әлеміне саяхат

(мәдениет үйі, мұражай)

Музыка жетекшісі: Амантаева А.К.

2013-2014оқу жылы

Ұйымдастырылған оқу іс-әрекетінің технологиялық картасы

Айы,күні,жылы: 04.02. 2013-2014 оқу жылы Өтілетін топ аты: «Күншуақ» шағын орталығы (4жас-5жас)ортаңғы тобы. Білім беру саласы: «Шығармашылық» Оқу іс-әрекеті: «Ән сабағы» Сабақ ұзақтығы: 25-30мин Қатысқан бала саны: 8 Ән-күй жетекшісі: Амантаева А.К.

Сабақтың тақырыбы: Өнер әлеміне саяхат (Мәдениет үйі,Мұражай). Бекіту сабағы. Сабақ түрі:Саяхат (сабақ),түрінде.Алдын –ала ауылдық «Мәдениет үйіне»,«Мұражайға»саяхат.

Сабақтың мақсаты:

 Білімділік мақсаты: Музыкалық сауат ашу,ән-сабағында балаларға өнер иелері әнші,ақын,күйші туралы қысқаша түсінік беру,балалардың өнерге деген ынталарын арттыру.Мұражай,мәдениет үйлері сияқты мәдени орындарға саяхат жасай отырып,музыкалық аспаптар туралы білімдерін бекіту.  Дамытушылық мақсаты: Балаларды мәдени орындармен таныстыра отырып,бір-бірінен айырмашылығын,ерекшеліктерін ажырата білуге үйрету.Ұлттық аспаптарында ойналған музыка әуенін сүйсіне тыңдап,сәйкес қимыл жасауға,ән,би өнерілерін көңілді орындауға және аспаптарды,аспаптардың үнін тани білу ынтасын дамыту.

 Тәрбиелік мақсаты: Ұлттық өнерге деген қызығушылықтарын арттыру. Ән-әуен сауатына бағыт беру,ән өнерінде мәнерлік шеберлікке , қазақ халқының ұлттық мәдениетіне бейімдей отырып,ұлттық намысқа,үлкендерге деген сүйіспеншілік,қайырымдылық сезімдерін тәрбиелеу.Бастаған істі аяғына дейін жетеізе білу сезімін ояту.

Әдіс-тәсілдер: Сұрақ-жауап,түсіндіру және әңгімелеу,жеке жұмыс,қайталау,би қимылы,ойнату.мадақтау. Техникалық құрал:Үнтаспа,Баян, Ақпараттық құралдар:таспа.компютьер,проектор. Пайдаланылатын құрал:Мәдениет үйі,мұражай мекемелерінің суреттері. (Құрақтар,ұлттық аспаптар)

Сөздік жұмыс:Мәдениет үйі,мұражай, архиолог,көне заттар,зерттеуші, өнерпаз, көрермен,сахна,тарих,таным,ғылыми, деректер,өнер туындылар, ескерткіштер,т.б.

Жұмыс мазмұны: І-Ұйымдастыру кезеңі.

а)Тренингжүргізу: Әсем әуенмен, И.Нүсіпбаевтың әуеніне жазылған «Достық»әнінің музыкасымен залға балаларды еңгізу,әндете амандасу. Баян аспабымен (Сә-ле-мет-сін-дер-ме? Ба-ла-лар,

Сә-ле-метсіз- бе? мұ-ға-лім ) Шаттық шеңбер құрып тренинг жүргізу. Қандай керемет таң! Бір-бірімізді көңілді әрі үлкен қуанышпен қарсы алу үшін мен сендерді шаттық шеңберіне шақырамын. Өйткені біздің шеңберімізге әрқашан да шынайы достар жиналады. Қане барлығымыз қол ұстасып айтайық

Ән салуға келдік біз, (шеңбер бойымен тұрады)

Досымызды табамыз, (орнымызда тұрамыз)

Сәлемет пе! Міне, мен! (қолдарын екі жаққа сермейді)

Доспын енді сенімен! ( бір-бірімен қол алысады)

б)Ережені еске түсіру:

Енді барлығымыз ән сабағының ережелерін еске түсіре орындарымызға отырамыз.

Екі қолды тіземізге қойып,

Денемізді тік ұстап, Аяғымызды түзу,жинап отырамыз. в)Дауыс ашу:

Әнімізді айтпас бұрын не істеуші едік?(ия,балалар,дұрыс айтасыңдар,бірінші дауысымызды ашып аламыз.)Балалар біз дауысымызды «ДО-РЕ-МИ»әнімен ашайық

«ДО-РЕ-МИ» өлеңі мен музыкасын жазған:Ө.Байділдаев. 1.До-ре-ми, до-ре-ми, 2. До-ре-ми, до-ре-ми, Үйреніп аламын. Нотаның аттарын, Фа-соль-ля,соль-ля-си, Фа-соль-ля,соль-ля-си, До-до-до, До-до-до, Деп әнге саламын. Деп күнде жаттадым. Жақсы балалар дауысымызды ашып алдық енді өткен әнімізді хормен қайталайық. г)Өткен тақырыпты еске түсіру:

Балалар сендер музыка залына кіргенде,қандай әуен естідіңдер?Ия балалр,өткен сабағымызда үйренген «Достық»әнінің әуенін естідіңдер,осы әніміздің авторы кім деп едім,ия ,балалар Ибрагим Нүсіпбаев ағамыз екен.

Баян аспабының сүйемелдеуімен,әнімізді хормен,орнымыздан тұрып орындайық.

«ДОСТЫҚ»

Өлеңін жазған: Е.Елубаев

Әнін жазған: И.Нүсіпбаев 1.Ортақ мекен жер шары, Төбемізде бір аспан. Барлық ұлттың баласы Достығымыз жарасқан. 2.Ортақ бізге бір Отан, Ортақ жердің байлығы. Еңбек ортақ, жер ортақ Ортақ бізге барлығы Сендер тамаша , әнді жақсы үйреніп жаттап алыпсыңдар.

Ал балалар,біз алдында сендермен бірнеше мәдени орындарға саяхатқа шыққан болатынбыз міне сол саяхатымыздан көрген – білгенімізді еске түсіріп,бүгінгі сабағымызда сол білімімізді ортаға салайық.

ІІ-негізгі бөлім

Балалар кәзір сендерге сөз жұмбақ жасырамын, мына менің сөздерімнен не туралы айтқанымды табуларың керек.

Ішінде әнші,биші,күйшілер,ақындар,тағы басқа өнерпаздары бар және үлкен өнер көрсететін сахнасы бар ,онда жақсы-жақсы мерекелер,концерттер өтеді.Ол жерде сендер де «Балаларды қорғау»күні, өнерлеріңді көрсеткенсіңдер.Өздерің де,ата- аналарың да концерт көруге баратыңсыңдар.

-Ол қандай мәдени орын?

-Дұрыс айтасыңдар,балалар.Өнерпаздар мен көрермендерді бір- бірімен таныстырып,өз өнерлерін сахана төрінде көрсететін,көрермендер өнерпаздардың өнерлерін көріп,тамашалап демалатын мәдени орын-осы Мәдениет үйі .

(Экраннан Мәдениет үйі деген слайд ашылады)

Балалар, осы мәдениет үйінің үлкен сахнасында өнер көрсететін өнерпаздарды әнші,күйші,биші,әртістер дейміз,бір сөзбен айтқанда өнерлі адамдар дейміз.Ендеше қазір өзіміздің мәдениет үйіміздің ішінде,сахна төрінде балабақшадағы апайларымыз өнерлерін көрсетіп би билеп жатқандарын,басқада өнерпаздарымыздың өнерлерін көріп,тамашалайық.

(Жергілікті мәдениет үйіндегі концерттен үзінді)

Ал мына бейнеде көрермендер өздерінің ризашылықтарын қол соғып,шапалақтау арқылы білдіріп жатыр екен.