Өнер көзі халықта тәрбие сағаты 3 сыныпқа

Атырау облысы Махамбет ауданы Д.Төленов атындағы мектеп-гимназиясының бастауыш сынып мұғалімі Аманғалиева Нургул Сундеткалиевна

Өнер көзі -халықта,

Үйренейік жалықпа.

( Тәрбие сағаты )

Мақсаты:Оқушылардың бойларына ұлттық салт -дәстүрді, ұлттық рухты сіңіру арқылы жақсы қасиеттерді үйреніп,адамгершілік сезімін дамыту.

Көрнекілік: Кесте, тапсырмалар, сандақша, кие тұтқан сандар , т.б(2-слайд)

Бөлім аттары

Өнеге сағатының өтілу түрі мен мазмұны

Уақыты

Кіріспе бөлімі

Модульмен таныстыру.

1.Ұлтжандылық тәрбие

2.Құқықтық ( ұждан) тәрбие

3. Рухани –адамгершілік тәрбие

2 мин

Сұхбат бөлімі

Өнер көзі -халықта,

Үйренейік жалықпа.

Гейм. Мен қазақтың ұрпағымын.

Гейм. Ұлағатты ұлттық ұғымдар.

Гейм. Өнерлі өрге жүзер.

Гейм. Біліп жүргенің жөн.

Гейм.Өнегелі салтың бар, өсер ұрпақ.

40мин

Қорытынды бөлімі

Нені игердім? Нені білдім? Нені түсіндім?

3мин

Даланың терең, жұтсаң ауасы кең,

Танысайық бұл кештің шарасымен.

Өнеге сағатын кешендік бағдарламаның 3 бағыты бойынша жүргіземін. Шара бүгінгі күннің талабына сай топтық жүйемен өткізгенді жөн көріп отырмын.Жарыс түрінде өткізіледі. Жарыс болған соң , әділ баға беретін әділқазы сайлаймыз керек.

Халықтың ізгі дәстүрі –біздің ең асыл мұрамыз. Бауыржан Момышұлы . (3-слайд)

Ұрпағы мен боламын бабалардың

Биікке өнерімен бара аламын.

Қанекей, тыңдайықшы барша халық.

Кім екен түпкі атасы балалардың?

1-Гейм. Мен қазақтың ұрпағымын (4-слайд) (топ жетешілер топтарын таныстырады.)

1-топ -Фатима

Өсиетін ата менен әженің

Ұқ ұрпағым, санаға құй ,дәріпте.

Қабыл алып, орындасаң тілегін,

Тәлім болар ол да үлгі әліппе.

Намысын шар болатқа жанығандар,

Өнер- білім жолында жалындаңдар.

Егеменді елімнің ұрпақтары.

«Өсиет» тобының сәлемін қабылдаңдар.

2- топ-Айдос

Ардақ тұтып аталарды сыйлаймыз,

Абзал әке ақылын да тыңдаймыз.

Кішілерге үнемі қамқор болып,

Бойымызға тек жақсылық жинаймыз.

Өткен тарих сайрап жатқан бір аңыз,

Білімнің ақ парағын ақтарамыз.

«Өнер көзі- халықта» баба сөзі

Өнерді үйренуден жалықпайммыз.

«Дәстүр тобынан » жалынды сәлем.

Жеті атасын білген ұл ,

Жеті жұрттың қамын жер.

-демекші балаларым, жеті атасын біле ме екен?

Әр геймнің қорытындысы есептелінеді. Әділқазы алқасы әрбір гейм сайын бағасын беруі керек. Бағасын беріңіздер.

2-Гейм. Ұлағатты ұлттық ұғымдар ( Халқымыз кие тұтқан сандарды 3,7 сандары туралы не білеміз?) (5-слайд)

Әділқазы алқысына сөз кезегін береміз. Бағасын беріңіздер.

Құлақтан кіріп бойды алар,

Жақсы ән мен тәтті күй.

Жүрекке түрлі ой салар

Әнді сүйсең менше сүй- деп Абай атамыз келесі сайысымыз «Өнерлі өрге жүзер» деп аталады.Екі топтың жанкүйерлері өнер көрсетеді. (6-слайд)

Біреулер сынға түсер- өнерімен

Біреулер жырға түсер өлеңімен.

Не болса да айтады жүрегімен

Би де нағыз өнер деп білемін мен

«Ұлттық ойын дардан » компазициялық қойылым.

Балаларға өнер- білім берілсін.

Сұлу мінез әр өнермен өрілсін.