Өнерлі өрге жүзер: бастауышқа арналған тәрбие материалы

Тақырыбы: Өнерлі өрге жүзер

Мақсаты: ұлттық өнерге деген қызығушылығын арттырып,қазақ өнері туралы түсіндіру.

Көрнекілік: балалардың қолдан жасаған заттары,суреттер.

1-жүргізуші

Құрметті оқушылар! Бүгінгі біздің тәрбие сағатымыздың тақырыбы «Өнерлі өрге жүзер» деп аталады.

Өнер-халық тарихының шежіресі.

Өнерде өмір,тіршілік құбылыстары,адамның күйініш-сүйініші,қуанышы мен қайғысы бейнеленеді.

Құрбым, жалпы өнер туралы не айтасың?

2-жүргізуші

Әрине, өнердің түрі көп.Ән өнері,би өнері,күй өнері,сурет өнері.Осы өнердің әрқайсысына тоқталып өтсек. Ендеше би өнері туралы білетінімізді ортаға салайық.

1-жүргізуші

Билеу деген ол жай кез-келген қимыл жасау емес.Әр халықтың биіне қарап сол ұлттың тұрмысын,салт-дәстүрін,тіршілігін,жалпы өмірін,тіпті мінез-құлқын білуге болады дейді өнер адамдары.

2-жүргізуші

Елімізде би өнерінің негізін қалаушы-Шара Жиенқұлова.Ол кісі «Би халық өнерінен туындайды»,- деген.

1-жүргізуші

Ал енді біз би өнеріндегі қуанышты жаңалықты естіп едік қой...

2-жүргізуші

Иә, «Қара жорға» биі туралы.

1-жүргізуші

Жорға-бұл аттың жүрісі емес пе?Көшпелі қазақ үшін жылқы қасиетті жануар болып есептеген.Сонда бұл биде жылқының жорғалап келе жатқанын,жылқы тұяғының сыртылы,сол жорғаға мініп келе жатқан адамның барлық буындары қозғалысқа түскенін көруге болады.

2-жүргізуші

13288 адам бір уақытта,бірлікте ұлттық биіміз қара жорғаны билеп шығып,Гиннес рекордтар кітабына «Қара жорға биімен қатар,ҚАЗАҚ ұлтының атында алтын әріппен жазып қойды.

1-жүргізуші

Осы биді Қытай елінде ауданындағы мектептерде радио арқылы әр оқушы жаттығу ретінде орындайды екен.

Сонымен қатар дене шынықтыру сабақтарында жаттығу ретінде пайдаланады.

«Қаражорға» биі

1-жүргізуші

Біздің сыныпта да би өнеріне қызығып,биге қатысатын оқушылар да баршылық.

2-жүргізуші

Енді балалар «Өнерлі бала» деген ойын ойнайық.Ойынның шарты: музыка біткенде шар кімнің қолында қалып қойса сол бала өз өнерін көрсетеді.Ойынды партада отырып ойнайсыңдар.Дайын болсаңдар ойынымызды бастайық.

1-жүргізуші

Біздің сынып өнерлі екен ғой. Ойын сәтті шықты.

Енді әншілік өнер жайында айтайық.

Қазақтың домбыраға немесе басқа аспапқа қосылып айтатын әншілік дәстүрін ән айту өнері дейміз.Атадан балаға ауысып келе жатқанән айту өнері ғасырлар бойы қалыптасып,дамып,ән айту шеберлігі барынша жетіліп,классикалық үлгіге дейін жетті.

2-жүргізуші