Операциялық жүйелер туралы информатика сабақ жоспары

Сабақ жоспары

Күні:_____________________ Тобы:____________________

Сабақтың тақырыбы: Операциялық жүйелер және оның файлдық жүйесі

Білімділік: Оқушыларға операциялық жүйе туралы білім бере отырып оқу қабілеттерін, білім-білік дағдыларын және жаңа технологияны пайдалана білу қабілетін қалыптастыру

Дамытушылық: Есте сақтау қабілетін, танымдық әрекетін қалыптастыру және копьютерге икемділік қабілетін дамыту.

Тәрбиелік: Шапшаңдыққа, тиянақтылыққа, ұқыптылыққа тәрбиелеу

Сабақтың түрі: аралас

Сабақтың әдісі:Түсіндірме, сұрақ-жауап

Сабақтың көрнекілігі:Компьютер, нтерактивті тақта оқулық слайд

Сабақтың барысы:

Ұйымдастыру кезеңі:

- оқушылармен амандасу

- оқушылардың қатысуын тексеру

- сабаққа қажетті оқу-құралдарын тексеру

Үй тапсырмасын тексеру: «Жүйелік бағдарламалар» тақырыбы бойынша сабақ сұрау

Бекіту сұрақтары:

Жүйелік бағдарламалар дегеніміз не?

Жүйелік бағдарламалар неше топқа бөлінеді?

Базалық деңгей дегеніміз не?

Жаңа тақырыпты түсіндіру:

Операциялық жүйе – бұл компьютерді іске қосқанда жүктелетін және оның барлақ құрылғыларының жұмысын басқаратын арнайы бағдарлама оқу құралы).

ОЖ – компьютердің аппараттық бөлігі мен қолданбалы бағдарламаларды, пайдаланушымен өзара әсерді басқаруды қамтамасыз ететін бағдарламалық орталардың жиынтығы

Операциялық жүйелердің басты қызметі – бұл ресурстарды басқару, ол басқаратын негізгі ресурс – компьютер аппаратурасы

Операциялық жүйе құрамы.

базалық модуль (ОЖ ядросы) – файлдық жүйелер мен программа жұмыстарын басқарады, оған жетуге жол ашады және шеткі құрылғылар арасында файл алмасу;

командалық процессор – пернетақта арқылы түсетін қолданушының бұйрықтарын ашып оқиды және орындайды;

шеткі құрылғылар драйверлері – осы құрылғылардың жұмысының процессормен келістілігін программалы қамтамасыз етеді;

қосымша сервистік программалар (утилиттер) – қолданушының компьютермен байланыс үрдісін көпжақты әрі ыңғайлы етеді.

Жаңа тақырыпты бекіту:

Бекіту сұрақтары:

Операциялық жүйе дегеніміз не?

Операциялық жүйенің негізгі қызметі қандай?

Қандай операциялық жүйелер туралы ақпарат білесіздер?

Бағалау

Үйге тапсырма: «Операциялық жүйелер және оның файлдық жүйесі» тақырыбын оқып келу Оқытушы: Сүлейменова Г.А.