Оқу жылдамдығын арттыру жолдары, бастауыш сынып, 1 сынып

Бастауыш сынып оқушыларының оқу жылдамдығын қалай арттырамыз?

Жылдам оқу дегеніміз не?

Жылдам оқу дегеніміз- кез- келген мәтінді, мәліметті белгіленген уақытта тез, дұрыс оқу .

Бастауыш сынып оқушыларының оқу жылдамдығын қалай арттырамыз?

Оқушы үлгерімінің негізгі факторы – жылдам оқу. Мәтінді әрі жылдам, әрі дұрыс, әрі мазмұнды түсіне оқи білу – үлкен еңбектің жемісі.

Өзектілігім: Қазіргі таңда оқушылардың оқу жылдамдығы өте төмен, себебі ақпараттар өте көп, оны тез қабылдауға оқушы үлгермейді. Егер жақын болашақта оқушылар жылдам оқып үйренбесе, ой өрісі, сөздік қоры, сөйлеу мәнері, еркін ойын жеткізуі дамуын тоқтатады. Бұған жол бермеу үшін біз мұғалімдер өзімізден бастау керекпіз. Міне, сондықтан өзімінің тәжірибемді әріптестеріме насихатауймын.Зерттеу сұрағым: Нейрогимнастикалық, артикуляциалық жаттығулар, көзге, тыныс алуға арналған жаттығулар арқылы оқушылардың оқу жылдамдығын арттыра алам ба?

Психологтардың пікірі бойынша оқушы үлгеріміне 200-ден артық әртүрлі жағдайлар әсер етеді. Ал осы жағдайлардың ішінде ең күшті орын алатыны балалардың оқу жылдамдығы болып шыққан. Егер оқушы нашар оқыса, мысалы оқу үлгерімі нашар 3-сынып оқушысы минутына 37 сөз оқыса, орта есеппен үй тапсырмасы сол күнгі дайындалатын барлық пән бойынша 4 бет, яғни 3000 сөз болады екен. Сонда 3000-ды 37-ге бөлсек 80 минут мәтінді оқу керек. Ал бір рет оқығанда бала ұға қоймайды. Ол осы мәтінді 3 рет оқыса, оған 4 сағат уақыт керек. Әрине, бұдан кейін баланың оқуға ынтасы өзінен-өзі төмендейді. Әдетте, кім тез оқыса, сол көп оқиды, көп оқыса, көп біледі.

Қазір сіздермен өз тәжірибеммен бөліскім келіп отыр.

Ең алдымен сіздерге талдауды түсіндіріп өтейін сол талдауды жұмыс барысында толықтырып отырсаңыздар.

Оқу жылдамдығын арттыру үшін 5 кезеңге бөліп алдым.

1.Ми қыртысы

2.Көз

3.Жақ, тіл

4.Тыныс алу

5. Оқу жылдамдығы.

1.Ми қыртысы

Нейрогимнастика – бұл ми жаттығуы. Біз күнделікті өмірде қол-аяғымызды сермеп, қарапайым дене жаттығуларын жасаймыз.Біраз уақыт белсенді қозғалыс болмаса, денеміз құрысып-тырысып қалады. Дәл сол сияқты, миды да белсенді «қозғалтып», жақсы жұмыс істеуі үшін қарапайым ми жаттығуларын жасап тұрған абзал.Осыны балаға жақсылап түсіндіріп, бірге гимнастика жасауды қолға алсаңыз болады.

Нейрожаттығулардың пайдасы қандай?

Мидың оң жақ және сол жақ жарты шарларының үйлесімді жұмыс істеуін жақсартады.Ұсақ және ірі моториканы дамытады. Ақпаратты тез қабылдап, қорытуға көмектеседі. Зейінді шоғырландырады.Есте сақтау қабілетін арттырады. Оқу және жазу процесстерін жеңілдетеді. Мидың жұмыс істеу өнімділігін арттырады.

Оқу жылдамдығы артқан сайын, еске сақтау қабілет де, ақыл-ой еңбегіне ынталығы да арта түседі. Олай болса, жылдам оқи білуге үйрету жолдарын, оның мүмкіндіктерін қарастыра жүргізген жұмыстардың негізінде мынадай ұсыныстар жасаймыз. Бұл ұсыныстарды кез келген мектептің жағдайында пайдаланып жұмыс істеуге болады. Оқуға жаттығу жұмыстары бірден ұзақ жүргізілгеннен гөрі жиі жүргізілгені тиімді.

2.Көз.Жалпы, көз бұлшықеттер арқылы жұмыс жасайды. Дәрігерлер сол бұлшықеттерге күн сайын жаттығу жасау керектігін айтады. Әсіресе таңертең және кешкілік уақытта көзді шынықтырған әлдеқайда пайдалы екен. Сонымен қатар жаттығуды алдымен аздан бастап, үйрене келе көзді көбірек шынықтыруға болады.Әдетте бір адамның көзінің қамту аумағы 2,5 градус. Ол деген мәтінге қарағанда көзіне 2 сөз ғана сияды дегенді білдіреді. Көздің көру аумағы кеңейген сайын, оқу сөздерді толық қамтып көре алады.

1.Көзді жеңіл әрі тез-тез ашып-жұмыңыз. Жаттығу 2 минут жасалады. Бұл жаттығу көздің қанайналымын жақсартады.