Оқушылардың интеллектуалдық қабілетін жетілдіру жолдары

ОҚУШЫЛАРДЫҢ ИНТЕЛЛЕКТУАЛДЫ ҚАБІЛЕТІН ЖЕТІЛДІРУДІҢ ТИІМДІ ТӘСІЛІ

Қазақстанның әлемдік үрдістерге кірігуі, дамыған елдердің стандартына деген ұмтылысы еліміздің жаңа сапалық деңгейге жылдам өту қажеттілігін туындатуда. Қоғамның әлеуметтік – экономикалық және саяси бағыттардағы өрлеуіндегі осындай өзгерістер өмірдің барлық саласындағы тұлға интеллектісінің мәртебесін көтеріп, мерейін үстем етуде.

Бүгінгі таңда зиялы қауымның алдында, жалпы қоғамның алдында тұрған негізгі міндет ұлттық мәдениет пен әлемдік өркениетті өзара сабақтастыра отырып, бүгінгі XXI ғасыр ағымына лайықты интеллектуалды тқлғаны қалыптастыру.

Кез келген ұлттың дамуы ондағы адам капиталының дамуымен тікелей байланысты. Ал, адамның дамуы оның интеллектісінің жоғары болуы, толысуы, қоғам мен заман, бүгінгі мен болшақта қойылар талаптарға сай болуы. Интеллект табиғатын түсіндіруге талас тудырар сұрақтар кездескенімен, оның маңыздылығы қай бағытта да айқын көрсетілген. Әрине, бір жағынан алғанда, саналы көзқарас адам өркениетінің күшті ресурсы болып саналғанымен, екінші бір қырынан қарасақ, «саналы болу» деген сөздің ең нәзік психологиялық қабат екені мәлім. Қолайсыз жағдайда тап келген адам кез-келген уақытта оны «ысырып» тастайды. Саналылықтың психологиялық негізгі интеллект екенін білеміз. Яғни, интеллектінің табиғатын жаңа тұрпатта түсіндіру қазіргі тағда мағызды жағдайлардың бірі болып табылады.

Өркениетті елдермен теңесіп, әлем сахнасында өз орнымызды иелену үшін бізге алдымен білім керек. Олай болса, біздегі білім деңгейін көтеру үшін, ұстаздар қауымы белгілі бір әдіс-тәсілдер мен технологияларды білім беру жүйесіндегі өз тәжірибесінде, оқыту ісінде жүйелі қолдануы тиіс.

Оқытудың деңгейін көтеру тұрмыстың деңгейін көтеруге тікелей әсер ететіндіктен, білім беру ісін жетілдіру оның тиімділігін арттырады. Ал, бұл әртүрлі жаңа технологияларды пайдалану арқылы тұлға интеллектісін дамытуына мүмкіндік береді.

Оқу – тәрбие процесін жаңаша ұйымдастыру оның философиялық, педагогикалық-психологиялық негіздерін, теориясы мен тәжірибесін терең зерделеуді қажет етеді. Соңғы кездері білім беру жүйесінің барлық деңгейлеріне жаңа технологиялар енгізіліп, оқыту мазмұны тұлға интеллектісін дамытуға, оқушының дербес психологиялық ерекшеліктерін, өзіндік қажеттіліктері мен мүмкіндіктерін жетілдіруге бағыт алып отыр.

Оқыту барысында болып жатқан өзгерістер оқушы тұлғасына өте аз дәрежеде ықпал ететіндігін де көрсетті. Алған білімдері мен шеберліктерін балалардың күнделікті өмірде мүлдем қолданбайтындығы байқалды.…