Ормандағы үйшік ашық сабаққа арналған материал

№ 58 «Өркен» балабақшасы МКҚК

Ұйымдастырылған ашық оқу іс - әрекеті

Тақырыбы: «Ормандағы үйшік» ертегісін сахналау

Дайындаған: «Аққу» тобының

тәрбиешісі Ұ.Ж.Бекеева.

Астана 2015ж.

Ортаңғы тобының ұйымдастырылған ашық оқу іс - әрекетінің

технологиялық картасы

Білім беру oблыстары: Қатынас, Шығармашылық, Таным. Күні:

Бөлімі: Тіл дамыту

Тақырыбы: «Ормандағы үйшік» ертегісін сахналау.

Мақсаты: Мақсаты: балалардың сөздік қорын молайта отырып, дұрыс әрі мәнерлі сөйлеуге үйрету. Ертегілерді сахналау барысында мінез құлқын жеткізе білуге , ертегідегі кейіпкерлердің сөз мәнерін, қимыл – қозғалысын келтіріп ойнауға дағдыландыру. Сөздерді ашық айтуға, есте сақтау қабілетін дамыту. Мақал – мәтелдер арқылы балаларды ұйымшылдыққа, бір – бірін сыйлай білуге тәрбиелеу.

Сөздік жұмысы: үйшік, сыйқырлы.

Қолданылатын көрнекі – құралдар: ертегі кейіпкерлерінің қуыршақтары, слайд, орман, үй жануарларының муляждары.

Іс – әрекеті кезеңдері

Тәрбиешінің әрекеті

Балалардың әрекеті

Мотивациялық қозғаушылық

Шаттық шеңбері:

Балалар, бүгін бізге қонақтар келіпті. Балалар бізге шуағын төккен «күнмен», «қайырымды жер анамен», «мейірімді таспан атамен» және бізге келеген қонақтармен амандасайық.

Енді балалар отыра қойыңдар?

-Балалар жылдың қазір қай мезгілі?

-Көктемде қандай ерекшеліктер болады?

-Көктем мезгілінің қазір қандай айы?

-Көктем мезгілі туралы мақал – мәтелдерді есімізге түсірейікші?

-Көктем мезгілі туралы кім өлең

шумақтарын біледі?

Армысыз қайырлы – күн!

Армысыз мейірімді – жер Ана!

Армысыз қайырымды аспан Ата!

Сәлеметсіздерме апайлар!

Көктем.

Қар ериді, күннің шуағы мол болады, жылғалалардан су ағады, ағаштар бүршік жарады, құстар ұшып келеді.

Бақдәурен.

«Сәуірдегі жауын сауып тұрған сауын»

Дәулет.

«Сәуір болмай, жауын болмас,

Сәуір болмай тәуір болмас»

Мұстафа.

«Сәуір болмаса күн күркірер,

Күн күркіресе көк дүркірер»

Жәмиля.

«Қысына қарай көктемі,

Диқанына қарай кетпені»

Жәмиля:

Бәйшешектен білеміз,

Көктем келіп қалғанын.

Мәз, боламыз күлеміз

Көрсек гүлін жарғанын.

Қараторғай келіпті,

үйшік жасап берейін.

Алғашқы гүл көрікті,

Бәйшешекті терейін.

Нұрлан:

Қарды ерітіп жылғасы,

Наурыз келді – жылбасы.

Шуақ төкті жарық күн,

Мейрамында халықтың.

Дария:

Көктем келді бүгін,

Күнім төкті нұрын.

Сайрап барлық құстар,

Ән салуға құштар.

Әділет:

Алақай – ау балалар,

Қандай жақсы еді көктемгі – ай.

Гүлге оранды кең дала,

Келді ауылға көп торғай.

Ұйымдастыру -іздестіру

-Балалар бүгінгі біз оқу іс – әрекетіміздің тақырыбы «Ормандағы үйшік» ертегісін сахналау.

-Есімізге түсіріп кетейік біз қандай ертегілерді білеміз?

Слайд арқылы ертегі суреттерін көрсету арқылы еске түсіріп айтқызу.

-Ол үлкен болып өсіп кетеді, ата тартып шығара алмай көмекке әжені шақырады, әже немересін шақырады, ол қай ертегі?

-Ол үй сыпырып жүріп мейіз тауып алады да, досын шақырады досы келмейді, сөйтіп мейізді өзі жеп қояды.

-Мен атамнан қаштым, мен әжемнен қаштым, қоян сенен де қашып кетемін. Бұл ертегі қалай аталады?

Олай болса, біз үйшік ертегісін сахналап көрсетейік.

Жазық далада бір үйшік тұр еді. Шиқылдақ тышқан тоқтай қалып сұрайды.

-Үйшік, - үйшік, -үйшік!

Кім үйшікте тұрады.

Ешкім үн қатпады,

Тышқан үйшікке кіріп өмір сүреді. Бақылдап бақа келеді.

-Үйшік! Кім үйшікте тұрады?

-Мен шиқылдауық тышқанмын.

Ал, мен бақылдаған бақамын.

Мен сенімен бірге тұруға болады ма?

-Тышқан: менің тапсырмамды орындасаң мен сені кіргіземін.

Сен санамақ білесің бе?

-Кел бірге тұрайық! Деп бақамен тышқан үйшікте бірге өмір сүреді.

Секеңдеп қоян келеді. Тоқтай қалып сұрайды.

-Тық, тық бұл кімнің тұрағы,