Ортаңғы топқа арналған Қолғап ертегісі сабақ жоспары

Білім беру саласы: Коммуникация.

Бөлімі: Көркем әдебиет.

Тақырыбы: «Қолғап» Ә.Дүйсенбиев.(жаттау)

Мақсаты: а ) Өлең мазмұнын түсіне отырып, жаттауға үйрету

ә) Балалардың ой-өрісін кеңейту;

б) Ұқыптылыққа тәрбиелеу.

Қолданылатын көрнекі құралдар: қолғаптар,қолғаптың әр түрі бейнеленген суреттері.

Сөздік жұмыс:аяз,тоңды,біз.

Билингвальді компонент:қолғап-варежки.

Оқу іс-әрекетінің кезеңдері

Тәрбиешінің іс-әрекеті

Балалардың іс-әрекеті

Мотивациялық – қозғаушылық

Жылулық шеңбері

Амансың ба алтын күн

Амансың ба көк аспан

Амансың ба достарым

Сендерді көрсем ,қуанам

Балалар шеңберге тұрып өлең жолдарын айтады.

Ұйымдастырушылық – ізденістік

Балалар қазір жылдың қай мезгілі?

Көктемде қандай ауа райы құбылыстары болады?

Көктем мезгілінің айларын атайықшы?

Қазір қандай ай?

Аптада неше күн бар?

Қазір аптаның қай күні?

Ертең қай күн?

Сендер қай облыста,қай ауданда тұратындарыңды білесіңдерме?

«Ғажайып сәт»

Топқа хат тасушы келеді.Қолында сыйлығы бар.

Балалармен амандасады.

Мен сендерге сыйлық әкелдім-дейді

Балалар қараңдаршы қандай әдемі сыйлық

Бұл жай сандық емес сиқырлы сандық

Ішінде не бар екенін білу үшін мен сендерге жұмбақ жасырамын

Қане жұмбақты шешіп көрейік.Жұмбақтың жауабы осы сандықтың ішінде болуы мүмкін. Жұмбақ жасырамын.:

Ағайынды бесеуі,

Бірге киінеді, бірге шешінеді.

Ол не?

Дұрыс айтасыңдар,қолғапты қай мезгілде киеміз?

Не үшін киеміз?

Балалар дұрысайтасыңдар қыстық яғни қалың қолғапты күн суықта киеміз.Ал жұқа қолғапты күн жылыда киеміз.ағаш жарғанда үй соққанда неліктен деп ойлайсыңдар?

Дұрыс балалар және қолымызға қатты заттар батып,ойылып кетпес үшін

Қолғапты неден жасайды?

Қандай түрлері бар?

Билингвальді компонент:қолғап-варежки.

Сергіту сәті

Тоңса біздің қолымыз

Қолғап киіп аламыз

Сарт-сарт шапалақты соғамыз

Тоңса біздің аяғымыз

Етікті киіп аламыз

Топ-топ топылдатып билейміз

Кіріспе әңгіме

- Ендеше бүгін біз ақын

Әнуарбек Дүйсенбиевтің

«Қолғап» өлеңімен танысамыз.

Қолғап

Жоғалыпты қолғабым,

Тыз - тыз етті қолдарым,

Сорып аяз тастады,

Естен кетпес тоңғаным.

Қолғаптың жіп шығарып,

Тоқыды әжем біз алып.

Мен отырмын ұяттан

Тоңғандай боп, қызарып.

Сұрақ-жауап арқылы оқылған

Өлең - шумақтың мазмұнын әңгімелеу:

Өлеңнің авторы кім?

Өлеңде не жайлы жазылған?

Бала қолғабын қайтті?

Балаға кім қолғап тоқып берді?

Өлең жолдары сендерге ұнады ма?