Ортасынан ойы озған елбасы туралы мақала

Ортасынан ойы озған, қатарынан қалпы озған Елбасы

Бүгін Тұңғыш Президент күні

Біздің халқымыздың тарихында ұлтымыз небір киямет-қиындықтарды бастан кешіріп, сан рет қирап,сан рет бой түзеді. Ерлеріміз ат үстінде жүріп, ауыздықпен су ішіп, етігімен су кешіп, елін жерін қорғаумен жүрді, рухымен жүрегінін,білегінің күшінің арқасында осыншама ұлан ғайыр жерге ие болды.Тарихымыз басынан аяғына дейін Исатай мен Махамбет сияқты батырларға толы болғанын ешкім жоққа шығара алмайды. Тарыққанда жол, камыққанда акыл тауып,елдіктің туын жықпай,қалың елдің көшін бастаған Елтұтқалар кай заманда да біздің елде аз болған жоқ.Солар елді ұлт қып ұйыстырып,казак деген елді қалыптастырды, елдігімізбен кеңдігімізді сақтап калды. Абылайхан мен Төле, Қазбекпен Әйтеке билердің орны бір төбе. Бұлар қазақтың төрт кемеңгері, елдігіміздің төрт құбыласы, төрт тіреуі, билікпен шешендіктің жығылмайтын төрт туы. Бүгінде іргелі ел болып отырғанымыз осы ұлы төрт тұлғаның арқасы дер едім.

Ресейге бодан болған үш ғасырда тарихымыз, ар ожданымыз табанға тапталды. Кеңпейіл аңқау халқымыздың мал-жаны тәркіленіп, қолдан жасалған ашаршылыққа ұшырады. Хандарымызбен билеріміз,бектеріміз бен батырларымыз-әжуа,келекеге,тарихымыз саясат құралына, Алаш арыстары өз халқының жауына айналып,ата дәстүріміз күйреп,халық жадынан айрылды.Қазақтың ақылымен санасын түгел абақтыға жапты. Сөйтіп халқымыздың көсемдерімен игі жақсылары әділетсіздікпен қатыгездіктің құрбаны болды.

КСРО елінде «Мен Қазақпын» , «Менің ана тілім - қазақ тілі» деп те айта алмадық, айтқызбады,Тіл де,дін де,тарих та,мәдениет те –бәрі аяқ асты боп күйреп,мансұқ болды. Бүгінде оларды орнына қайтып келтіре алмасақ та жойылған ұлттар қатарында кетпегенімізге шүкір дедік.

Ал бүгінгі ұрпақтың өмірі- дәуір мен дәуір, ғасыр мен ғасыр алмасып жатқан тұсқа тура келді. Біз осы күнге арып-ашып, жадап-жүдеп әрең жеттік. Басымыздан бақ тайған зар заманымыз артта қалып жаңа дәуірдің есігін аштық. Кемеңгер үш биде, ұлы Абылайхан да Алаштың арыстары басын бәйгеге тіккен егемендікке қол жеткіздік. Еліміз есін жиып, еңсесін көтерді. Сөйтіп тарихта Егемен Қазақстан мемлекеті көш түзеді. Бұл Ұлы көшті Н.Ә .Назарбаев бастады. Ол ел тізгінін қолына алып, ел бірлігін ту етіп көтеріп, халқын небір алмағайып, аумалы-төкпелі, қиын кезеңдерден тарихтың да тағдырдың да сынынан абыроймен өтіп алып шықты.

Н Ә Назарбаев- түп ата-тегінен батырлық, шешендік үзілмеген тектілердің ұрпағы. Оның бабасы Қарасай батыр, атасы Назарбай би, әкесі Әбішпен анасы Ұлжан оны әулиелердің басына түнеп жүріп Құдайдан тілеп алған. Болашақ Президент Қаскелеңдегі орта мектепте 1957 ж жоғары сыныптарда оқып жүргеннен ақ жүзі жайнап, екі көзі оттай жанып, сол кездердің өзінде жұрттың аузында жастардың көшін бастап, әр істің басында жалындап жүрген екен. Ол кезде әрине Нұрсұлтанның Президент боларын ешкім болжамаған болар, бірақ оның түбінде бір жерді жарып шығарына жұрт сезеді екен.

Сөйтіп елдің тілегімен ,халқының қолдауымен Нұрсұлтан Назарбаев 1991жылдың бірінші желтоқсанында Қазақстан Республикасының Тұңғыш Президенті болып сайланды. Мемлекет орнату оны баянды ету, өз тағдырын елдің тағдырымен жалғау, оның бар жауапкершілігін өз мойнына арту- кез келген адам, азамат үшін қиынның қиыны екені рас. Егемендіктің алғашқы жылдары аласапыран қиын кезеңдерге толы болды. Өйткені ел үшін өгіз де өлмейтін, арба да сынбайтын шешімдер қабылдау қажет кездер көп болды. Н.Назарбаев кандай қиын кезеңдер болса да…