Өрттен және оттан сақтану ашық сабағы балабақшада

Мақсаты: Балаларға өрттің қаншалықты қауіпті екендігі туралы түсіндіру, оттың тілсіз жау екенін ұқтыру. Өрттен, оттан сақтану жолдарын өрт өшіретін құралды пайдалануды, адам өміріне өрттің зиянды екенін біле отырып сіріңкені, тұрмыстық–техникалық заттарды пайдалану кауіпсіздік ережелерін айтып үйрету. Балаларды өрттің алдын алуға ынталандыру, қоршаған ортаны қорғауға тәрбиелеу.

Ұйымдастыру барысы:

Біз балдырған баламыз,

Біз әдепті боламыз.

Досымызды көргенде,

Біз қуанып қаламыз.

Тәрбиеші: От өмірімізге қуат беріп, бойымызды жылытады. От – өмір сәні. Отсыз тіршілік жоқ. От жағылмаса, тамағымызда піспейді, үйімізде жылымайды. Ал тамақ ішпесек бойымызға қуат бітпейді. Бойымызда қуат болмаса өмірге деген қызығушылығымыз жоғалады. Сонымен от – өміріміз десек те, оның әлемі жайлаған алапаттың бірі – өрт қаупін шығаратынын да естен шығармағанымыз жөн. Өзіміздің ұқыпсыздығымыздан немесе байқампаздығымыздан кейде өрттің қалай күш алып кеткенін де байқамай қаламыз.

Олай болса, бәріміз экранға назар аударайық.

«Мысықтың үйі» туралы ертегіні тамашалайық.

Тәрбиеші: Егер кенет өрт шықса,

Егер кенет от шықса.

Зыр жүгір, тек тұрма

101-ге хабарла.

Ұмытпа сен айтуды,

Мекен – жайды, атыңды.

Тақпақтар:

Перизат: От жақпа, күйерсің,

Өртеніп жүрерсің.

Сіріңкені ұстасаң,

Бәлеге сен түсерсің.

Ирман: Оттың ісі қуырмақ,

Желдің ісі суырмақ.

Қазір жанған жалынды,

Алып – ұшып қуаламақ.

Тәрбиеші: Олай болса, балалар мен сендермен

Д/о: «Жанады - жанбайды» деген ойын ойңағым келеді.

Ойынның шарты: отта жанатын заттарды айтқанда қолды жоғары көтереміз, отта жанбайтын заттар айтылғанда қолымыз төменде болуы шарт.

Сөздер: қағаз, терезе, жапқыш, дәптер, киімдер, жиһаздар, шөптер, бензин, жапырақтар, ағаштар, кітаптар, шеге, әйнек, қасық, металл, мұз, қар, тас, су.

Тәрбиеші: Ас үйге сән беретін газ плитасы (тұрмысқа қажетті заттарды пайдалану ережесімен таныстыру. Газ – плитасын пайдалану). Көгілдір от тұрмыс – тіршілігімізде көп орын атқарады. Десек те, оны ұқыпты ұстап, жаға білуіміз керек. Егер газ плитасынан бір кемшіліктер байқалса, ата – анаңа айтып ескерт. Өйткені ата –анаң газ бөлімшесінің арнаулы мамандарын шақыртады. Тұрмысымызда тағы бір көп қолданатынымыз – электр. Электр – жарық көзі. Бір күн үйімізге электр қуаты келмей қалса, дүниені қараңғы түнек басады. Дегенмен, оны да ұқыпты пайдаланбасақ одан да өрт шығуы мүмкін.

1.Электр приборларын уақытылы өшіру, электр жүйесінен ажыратуды ұмытпау;

2.Рұқсат етілмеген жерге электр жүйесін жүргізбеу;

3.Өрттің алдын алу қауіпсіздігін сақта;

4.Өртті сөндіруге арнайы заттарды даярлап қойған жөн. Оларға құм, су, күрек, киіз, т.б.

5.Өрт жаңадан басталғанда сумен, құм сеуіп өшіреді;

6.Адамның киімі өртенсе суға түскені дұрыс. Су жоқ болса, топыраққа аунап, үстіне құм себу керек. Я болмаса, адамды қалың матамен орап өшіреді.