Өшпес ерлікке тағзым атты 9-сынып тәрбие сағаты

«Өшпес ерлікке – мәңгі тағзым»

Мақсаты:  оқушыларға Тәжік -Ауған қақтығысының болу себептерін түсіндіру;  Отанын құрметтеуге,еркіндікті бағалай білуге,ұлтжанды,елжанды болуға үйрету;  Бейбітшілік үшін күрескен ерлердің қаһармандығы мен күрескерлік ерліктерін әрқашан есте сақтауға,үлгі ете білуге тәрбиелеу.

1 жүргізуші: Сәлеметсіздер ме құрметті қонақтар,оқушылар! Ұлы жеңістің 77 жылдығына және ҚРҚК 30 жылдығына орай 7 сәуір- 9 мамыр ерлік айлығы деп жарияланды. Біз соғысты, Жеңгеніміз үшін еске алмаймыз, Жамандықты ешуақытта жақтамаймыз. Ұрпаққа айта береміз,қайта айтамыз, Бұндай жағдай ешуақытта болмасын деп. Қайталаймыз ұрпаққа қайталаймыз.

Жаңалықтар тыңдау. https://youtu.be/LbXsKvs34ao

2-жүргізуші Тәжік - Ауған қақтығысының ардагерлері. Бүгінгі «Өшпес ерлікке – мәңгі тағзым» атты кездесу кешімізге қош келдіңіздер! -Тарих көші үнемі жаңаланып отырады.Десе де ұмытылмайтын,ескірмейтін тарихи оқиғалар болды.Соның бірі-әлемді дүр сілкіндірген Тәжік - Ауған соғысы. Бұл соғыс туралы қысқаша шолу жасау үшін сөз кезегі мектептің тарих пәнінің мұғалімі, әскери қызметкер, капитан Медет Ермековичке беріледі. 1 жүргізуші: Сол 1995 ж 7-ші сәуірде Тәжік-ауған шекарасында 17 жауынгеріміз қаза тапты. Олар тек қана тәжік-ауған шекарасын қорғаған жоқ. Олар Орта Азиядағы бес мемлекеттің тәуелсіздігін қорғады деп сенеміз.. Жылма-жыл сәуір айының 7 де біз тәжік ауған соғысында қаза тапқан жауынгерлерді еске алып, олардың рухтарының алдында бас иеміз. Өйткені бұл соғыста 18-19 жасар өрімдей жас жігіттер,ардақты ағалар,аяулы әкелер жазықсыздан -жазықсыз құрбан болды. Бүгінгі жастар

өздеріндей жігіттердің Отан алдындағы борышын адал орындағандарын ұқсын, олардың патриоттық сезімінен тағылым алсын деген ниетпен бүгінгі кездесуді өткізіп отырмыз 2-жүргізуші: Аз емес зар жылаған, егілген жан, Аз емес өшкен өмір, төгілген қан. Кеудеге зілді қасірет салды сол кез, Қирады талай арман көңілге алған. Тұғыры биік заманда, Тамыры терең адамға. Кенде емес мынау ұрпағым, Сіз тұрсыз мәңгі жанымда. Бүгін кездесуге келген , Тәжік -Ауған соғысына қатысқан ардагерлермен таныс болыңыздар: Сакибаев Ержан Серикбаевич Айткалиев Манарбек Берикович Маряхин Алексей Валериевич (ардагерлер таныстырылады) 1 жүргізуші Еске алайық, құрметтейік құрбандардың рухын, Қабірлері нұрға орансын, суық көрде жылынсын Есіл ерлер ескерткішке айналсаңда біз үшін, Мәңгі бақи тірісіңдер, тірісіңдер, тірісің! Осындай ержүрек, қайтпас,қайсар жауынгерлердің арқасында жат жердің болашағы үшін, бейбіт өмірі үшін ,соғыста қаза тапқан батыр ағаларымызбен есіл боздақтарымыздың рухына тағзым етіп, 1 минуттық үнсіздік жариялаймыз. (Ескерткіш тақта фотосын қою) 2- жүргізуші: Бейбіт ел қанат жайып өсер өрлеп, Адамзат адал ойлы бізге сенбек. Жақтаған бейбіт күн мен әділетті, Жолымен ұлы мақсат іздей бермек. 1- жүргі