Отан деп соқсын жүрегі тақырыбындағы 1 сынып мақаласы

Отан деп соқсын жүрегі ...

Халқымыздың азаттық жолындағы сан ғасырлық тарихы бар. Ерлік пен елдіктің талай үлгісін көрсете білген ата – бабамыздың табанды күресінің арқасында бірлігін сақтап отырып, «қазақ» деген іргілі еліміздің шаңырағы көтерілді. Пешенесіне талайлы тағдыр батпаңдап қайғы мен қасірет жазған халқымыздың азаттық үшін туылған ақтық бұлқынысы желтоқсан жаңғырығына айналып, әлемді дүр сілкіндірді. Сол сілкіністен бастау алған азаттық күресі 1991 жылы Тәуелсіздік болып салтанат құрды. Бұл қазақ халқы үшін үлкен оқиға, зор қуаныш. Ендігі жерде біздің бір ғана Отанымыз бар, ол – Тәуелсіз Қазақстан.

Тәуелсіз елдің тілегі – бейбітшілік, тыныштық, келешегі – білімді ұрпақ.

«Білім – өмір шырағы» дегендей қазіргі заман – білім мен ғылым заманы. Ақыл мен сананың, білім мен біліктің бәсекеге түсер ғасыры. Ертеңін ойлайтын, болашаққа үмітпен қарайтын ел болғандықтан Елбасымыз шәкірт біліміне ерекше көңіл бөліп отыр. Ертеңгі күннің бүгіннен де нұрлы болуына ықпал етіп, адамзат қоғамына алға апаратын құдіретті күш тек білімге ғана тән. Еліміздің келешегі бүгінгі біздің алдымызда отырған шәкірттеріміз болғандықтан, бізге үлкен жауапкершілік артылып тұр. Әрбір баланың санасына өз Отанын, жерін сүю керектігін, еліміздің рәміздерін қастерлеуге үйрету – басты міндетіміз.

Қазірден «Отанды сүю от басынан басталады», «Отан – менің үйім, ата-анам, жерім, елім. Отаным менің кең байтақ ...» деп бастайды кішкентай ғана бүлдіршін өз әңгімесін. Міне, сондай шәкірттерімнің бірі – Қалыбек Нарұл. Ол таяуда атап өтілген президент күніне арналған бейнероликке түсіп, онда өз Отаны, оның елбасы Н.Ә. Назарбаев жайлы толғана айтады. Өзінің осындай білім ордасында білім мен тәрбие алып жатқанына, бүгінгі бақытты балалық шағының шат-шадыман, бейбітшілік заманда өтіп жатқанына қуанады, бір жағынан мақтанады. Елбасына рахметін айтады.

...Білімдіден шыққан сөз-

Талаптыға болсын кез.

Нұрын, сырын көруге

Көкірегінде болсы көз, – деп Абай атамыз жырлағандай талапты, көкірегі ояу, білімді де еңбекқор ұрпақтарымыз – еліміздің ертеңгі болашағы осындай шәкірттеріміз көбейе берсін. Тәуелсіз еліміздің іргесі мықты болсын!