Отан оттан да ыстық эссе жазуға арналған материал

«Тәуелсіздік - тұғырым!» республикалық байқауы

Эссе Отан оттан да ыстық Бақытым бар үшінші – Отан деген, Құдай деген кім десе, Отан дер ем! Оты сөнген жалғанда жан барсың ба? Ойланбай – ақ кел дағы от ал менен, -деп М. Мақатаев ақынымыз жырлағандай, қазақ елі, қазақ жері мен даласы, ол – менің кең байтақ Отаным! Менің Отаным ол зайырлы, тәуелсіз, ұлан байтақ Қазақстаным! Қазақ елі үшін 1991 жылдың 16 желтоқсаны Тәуелсіздіктің таңы атқан күн!

Шындықтың шыңынан, ақиқаттың асқар тауынан тіл қатып, тарихты ақтарып қарар болсақ, осы аталған Тәуелсіздікке жету қазақ елі үшін оңай болған жоқ. Тәуелсіздікке жету жолында қаншама сайдың тасындай азаматтарымыз бен қырмызыдай жайқалған қаракөз қыздарымыз құрбан болды. Осындай аға – апаларымыздың арқасында 1991 жылы 16 желтоқсанда еліміз үшін құт әкелер, қуаныштың таңы атқан болатын. Еліміз Тәуелсіз Қазақстан Республикасы аталып, өз алдына жеке мемлекет болды. Тұңғыш Елбасы болып қазақтың ұлы перзенті Н.Ә.Назарбаев келді. Ата – баба арманы орындалған күні халық оған үлкен сенім артты. Тұңғыш Елбасымыз 16 желтоқсанды Тәуелсіздік күні деп жариялады. Содан бері, шүкір қазақ елі жан – жақты дамып, әлемге сан қилы жағынан танылып отыр. Өткені қазақ хандығының іргесін құраған Керей мен Жәнібектен бастау алса, бүгінгісі егеменді елдің іргетасын қалап, бабаларымыз бастаған көшті жалғастырып, елімізді сақтау атадан тараған әрбір ұрпақтың парызы деп ойлаймын. Қазақ халқында «Отансыз адам – ормансыз бұлбұл» деген қасиетті сөз бар емес пе? Яғни, орманы жоқ құстың ұясы да, қонар бұтағы болмайды демекші, Отаны жоқ ұлттың өмір сүруі мүмкін емес шығар. Тәуелсіздік қазақ еліне ащы термен жеткен тәт

Биылғы жылы менің Отаным, елім, халқым Тәуелсіздіктің 29 жылдығын тойлайды. Әрбір өткен жылда тәй – тәй басқан жас баладай өсіп, дамып келе жатқан елімізді көру, оны мақтан тұту мен үшін үлкен абырой!

Қабырғасы мықты, керегесі кең мемлекет болу үшін алдымен елін, жерін қорғар әскері, Елтаңбасы, көк аспанда қырандай қалықтаған өз Туы, қалықта шырқап, ел рухын көтеретін Әнұраны болу керек емес пе?! Бұл жағдайда қазақ зиялылары өте ұйымшылдық, зеректік танытып, мұның барлығы да кезінде дереу шешілді. Ұлттық валютамыз – теңге шықты. Ертеден арман болған Сарыарқа жері, қазақ жерінің кіндігі бұрынғы Ақмола қаласы Астана деген атпен еліміздің астанасы болғаны баршамызға белгілі. Ал қазіргі таңда еліміздің тұңғыш президенті Н. Ә. Назарбав еліміздің тұңғыш көшбасшысы болса, Қ.К.Тоқаев еліміздің президенті екендігі, қазақ елінің астанасы тұңғыш көшбасшысы Н.Ә. Назарбаевтың құрметіне Нұрсұлтан деген атпен ауыстырылғанын бүкіл қазақ елі, әлем жұрты білді, таныды. Қай Елбасымызды алмайық, барлығы да қазақ елі үшін аянбай еңбек етіп, қазақ елін әлемге танытып, барлық елдермен тығыз достық, экономикалық қарым – қатынаста жұмыс жасап жатыр. Қазақ елінің жер асты байлықтары игеріліп, мемлекетімізге үлкен пайдасы мен септігін тигізуде. Тағдыр тауқыметімен шетке кеткен бауырларымыз, қандастарымыз өз атажұртына қайтырылды.