Отанды сүю тақырыбындағы сыныптан тыс жұмыс, 4-сынып

Отанды сүю - міндетің, Отанды қорғау - парызың! Тәрбие сағатының тақырыбы: Отанды сүю - міндетің, Отанды қорғау - парызың! Мақсаты: Оқушылардың «Отан», «туған ел» туралы түсініктерін кеңейту, өз елін, туған жерін сүюге, патриоттық сезімге тәрбиелеу, отансүйгіштік сезімін қалыптастыру, рухани адамгершілікке тәрбиелеу. Көрнекілігі: интерактивті тақта, суреттер. Тәрбие сағатының барысы: 1. Ұйымдастыру.Амандасу. 2. Психологиялық дайындық Отан – туған үйіміз. Отан – туған жеріміз. Отан – ортақ үйіміз. Көтеріңкі біздің көңіліміз! 3.Мұғалімнің кіріспе сөзі.- Отан - әр адамның жүрегіне жылы тиер қасиетті сөз. Отан - сенің туған елің, туған жерің, дос - жарандарың, туған - туысқаның. Отан - бұл өзіңнің тұратын, өмір сүретін, қызмет ететін жерің. Осы үлкен Отанның ішінде әр адамның өзі туған, өзіне өте жақын ауылы, қаласы, көшесі бар. Әрбір адам үшін туған ел, туған жер әруақытта да қымбат. Өйткені, сен туған өлке, саған алтын бесік - атамекен болып саналады. Отан адам үшін біреу ғана. Отанды анаға теңейді. Себебі, Отан сендерді анаңдай қорғайды, көмектеседі, күш береді. Біз Отанымызды, елімізді сүйеміз. Туған ел, туған жерсіз адамның күні жоқ. - Балалар, «Туған жерсіз адамның күні жоқ» - де

4.Интерактивті тақтадан Елордамыз Астана қаласына саяхат жасайық. Мұғалім:- Әрбір адам туғаннан - ақ ел бесігінде тербеледі. Өйткені, ол сол жердің топырағында өсіп, суын ішіп, ауасымен тыныстайды, табиғатпен біте қайнасып, адам болып қалыптасады, сол ортадан тәрбие алады. Сол себепті, өз елінің, өз Отанының азаматы ретінде Отанына сүйіспеншілікпен қарайды. Әрбір адам үшін туған жерден ыстық, қадірлі, қымбат ештеңе жоқ. Болуы да мүмкін емес!

5.Отан, туған жер туралы қандай мақал - мәтелдер білеміз? «Жалғасын тап» ойынын ойнайық. 1.Отан — елдің анасы Ел - ердің анасы 2.Туған жердей жер болмас, Туған елдей ел болмас. 3.Отанды сүю — от басынан басталады. 4.Отан оттан да ыстық. 5.Ел іші — алтын бесік. 6.Пәлен жерде алтын бар, Өз жеріңдей кайда бар. 7.Ел-елдің бәрі жақсы, Өз елің бәрінен де жақсы.

8.Туған жердің жуасы да тәтті. 9. Кісі елінде сұлтан болғанша, Өз елінде ұлтан бол. 10. Отансыз адам — Ормансыз бұлбұл. 11. Туған жердің қадірін Шетте жүрсең білерсің. 12. Өз еліңнің қарғасы артық. 13. Туған жердің ауасы да шипа. 14. Егілмеген жер жетім, Елінен айырылған ер жетім. 15. Отанға опасыздық еткенің, Өз түбіңе өзің жеткенің. 17. Сағынған елін аңсайды, Сарыала қаз көлін аңсайды. 18. Ат айналып қазығын табар, Ер айналып елін табар. 19. Елінен безген ер болмас, Көлінен безген қаз болмас. 20. Туған жердің күні де ыстық,түні де ыстық. 21. Туған жерге туыңды тік. 22. Ел іші алтын бесік.

6. Слайдпен жұмыс. Қазақтың салт- дәстүрлері. 7.Сергіту сәті: «Отан» Ортақ мекен – жер шары, Төбемізде бір аспан. Барлық ұлттың баласы, Достығымыз жарасқан.

8.Балалар,енді Қазақстан туралы не білетінімізді тексерейік.Кішігірім сұрақ-жауап өткізіп,сендердің білімдеріңді тексерейік. 1.ҚР рәміздері (Ту,Елтаңба,Әнұран) 2.Ұлттық валюта (теңге) 3.Ақындар жарысы (айтыс) 4.ҚР тұңғыш ғарышкері (Т.Әубәкіров) 5.Қазақ фольклоріндегі әзіл әңгімелер кейіпкері (Алдар көсе) 6. Қазақтың ұлттық ойындарын ата? (Ханталапай, қыз қуу, бәйге, аламан күрес, көкпар, тоғызқұмалақ, асық) 7. Қазағымыздың әйгілі үш данасын кім біледі? (Абай, Шоқан, Ыбырай) 8. Қасиетті киіз үйдің құрылысы (шаңырақ, уық, кереге, иіні, түндік, туырлық т.б.) 9. Қазақтың үш биін ата (Төле би, Қазыбек би, Әйтеке би) 10. Батырлар туралы қандай жырларды білесіз? («Қобыланды батыр», «Алпамыс батыр», «Ертарғын батыр», «Қамбар батыр», «Ертөстік»). 11.Ұлттық сусын (қымыз) 12.ҚР тұңғыш Президенті (Н.Ә.Назарбаев)