Отанға деген сүйіспеншілік туралы сабақ жоспары

Мектеп

Ю.Сареми атындағы №107 мектеп-лицейі

Мұғалім

Серикбаева Максат

Сыныбы

6-«А», «В», «Г», «Е», «Ж»

Күні

Бөлім

Қазіргі қазақ ауылы мен қаланың тыныс -тіршілігі

Сабақ тақырыбы

Қазақстандағы қандай тауларды білесің?

Сабақтың мақсаты

6.1.3.1.-Тұрмыстық-әлеуметтік тақырыптарға байланысты жаңа сөздермен тірек сөздердің мағынасын түсіну

Сабақтың барысы

Ұйымдастыру кезеңі

Күнделік кз ке сабақ жоспарын жүктеу

Ватсап арқылы оқушыларға хабарлама беру

Жаңа сөздер

шоқылы, орташа, жота, биіктік, тастақ, нүкте

Тілдік бағдар

Сан есім

Сан есім — заттың санын, мөлшерін, ретін, шамасын білдіретін сөз табы.

Сан есім «Неше?», «Қанша?» деген сұрақтарға жауап береді.

Сан есім өзі анықтайтын сөздің алдында тұрады. Мысалы: екі тау, он екі жота.

Сан есім заттанғанда:

көптеледі (екілер шамасында),

жіктеледі (біз екеуміз),

тәуелденеді (айдың екісі),

септеледі (екеудің ойы).

Сан есіммен тіркесіп тұрған зат есімдерге көптік жалғауы жалғанбайды.

Мысалы: бес оқушы, он мың жолаушы және т.б.

Сан есім мағынасына қарай 6 топқа бөлінеді (кестеге қара).

Оқылым

1-тапсырма Тыңда. Мәтінді оқы. Қою қаріппен берілген сөздердің мағынасын анықта.

Қазақстанда Сарыарқа, Мұғалжар, Маңғыстау, Алтай, Жоңғар Ала- тауы, Тянь-Шань таулары бар. Сарыарқа таулары Орталық Қазақстанда орналасқан. Олар — ұсақ шоқылы аласа таулар. Орташа биіктігі — 500- 600 м. Сарыарқаның ең биік нүктесі — Ақсорған. Ақсорғанның биіктігі — 1565 м.

Мұғалжар — аса биік емес, тастақ таулар тізбегі. Ең биік нүктесі — Боқтыбай тауы. Биіктігі — 657 м.

Маңғыстау тауларына Қаратаудың батыс, шығыс жоталары, Ақтау- дың оңтүстік, солтүстік жоталары кіреді. Маңғыстау тауларының ең биік нүктесі — Қаратау-Бесшоқы. Оның биіктігі — 556 м.

Қазақстанға алып Алтай тауларының бір бөлігі енеді. Алтай таулары Зайсан көлі мен Байкал көлдерінің аралығында жатыр. Алтайдың ең биік шыңы — Мұзтау (Белуха). Оның биіктігі — 4506 м.

Оңтүстік-шығыста Тянь-Шань таулары орналасқан. Орталық, Батыс, Солтүстік Тянь-Шань таулары Қазақстан жерінде жатыр. Ал Орталық Тянь-Шань Қытай, Қазақстан, Қырғызстан шегараларында орналасқан. Қазақстандағы ең биік нүктесі — Хантәңірі. Оның биіктігі — 6995 м.