Отаным – алтын бесігім ашық сабағы

Мұнайлы ауданы №10 «Ақбота» балабақшасы

«Отаным – алтын

бесігім!» «Бәйтерек» МАД тобында ұйымдастырылған оқу

қызметі

Тексерген: Б. Сламғазиева Тәрбиеші: А. Жупбанова

2018-2019 оқу жыл Күні: 30.10.2018ж Білім беру саласы : Коммуникация ҰОҚ: Сөйлеуді дамыту Тақырыбы: «Отаным – алтын бесігім» Мақсаты: Балаларды Отанды сүюге, еліміздің рәміздерін қастерлеуге, бай-қуатты ел екендігін мақтан етуге , туған еліне, жеріне деген сүйіспеншілігін арттыруға тәрбиелеу. Қазақстан Республикасының Мемлекеттік Гимн орындалады.

Тәрбиеші: («Күн астындағы Күнекей Қыз» ертегісін оқи бастайды). Бұрынғы өткен заманда бір жесір кемпір болыпты. Бұл кемпірдің перзент дегенде жалғыз баласы болыпты, мал дегенде, он шақты ешкісі болыпты. Бала ешкілерін бағып жүреді. Бір күндері ешкілерін далада жайып жүріп, бір топ киікті көреді, оның ішінде бір алтын мүйізді киік жүреді. Бала бұл киікті күнде көріп жүріп, бір күндері шешесіне келіп: - Далада бір топ киік көрдім, ішінде алтын мүйізі бір шұбар киік бар. Осы шұбар киікті ұстап алып, ханға тарту қылсам, хан маған сыйлық бере ме еді? – дейді деп сөзін аяқтай бергенде, балалар домалап келе жатқан Қаңбақты көреді.

Тәрбиеші: - О, керемет. Балалар, мынау не болды екен? Иә, иә, ұшарын жел біліп, қонарын сай біліп, сайран салып жүрген қаңбақтың көмегі кімге қажет болды екен? Қане, әперіңдерші, көрейік. Балалар, міне ғажап, қаңбақ ішінде хат бар ғой. Хатта былай делінген: От тауының ар жағында Тасбол хандығында күн астындағы Күнекей қызды тас қапаста ұстап отыр. Жолдағы кездесетін барлық кедергілерден өткенде ғана Күнекей сұлу құтқарылады, хатты «Ербатыр» жолдапты.

Тәрбиеші: - Балалар, Ербатыр ағаларың көмек сұрапты, көмектесеміз бе? Балалар: Ия. Тәрбиеші: Ендеше балалар орманға саяхатқа барайық. Мыстан кемпір: - А-ха,-ха-ха, тоқтаңдар. Менің рұқсатымсыз қайда барасыңдар? Тәрбиеші: Орманға. Мыстан кемпір: Мендер сендерді жібермеймін. Балалар: Әже біз орманға барайықшы. Мыстан кемпір: Не дейді мына балалар, мені осы уақытқа дейін ешкім әже» деп көрмеп«еді.(жылайды)