Отаным асыл қазынам, 2-сынып тәрбие сағаты

Тақырыбы: Отаным –асыл қазынам.

Мақсаты: 1. Білімділік: Оқушыларды Отанды сүюге, қазақ елінің рәміздерін қастерлеуге, туған жеріне деген сүйіспеншілігін арттыру, үйрету.2. Дамытушылық: Оқушылардың ой - өрісін, сана - сезімін дамыту. Туған ел, Отан туралы оқушылардың сөйлеу дағдыларын қалыптастыру, сөздік қорын молайту, есте сақтау қабілеттерін арттыру.3. Тәрбиелік: Оқушылардың бойында Отансүйгіштік қасиеттерін, өз еліміздің тәуелсіздігін қадірлей білуге, оны өз бетінше қорғай білуге тәрбиелеу.Сабақтың түрі: аралас сабақСабақтың әдіс - тәсілдері: сұрақ - жауап, топпен жұмысСабақтың көрнекілігі: Қима қағаздар, мақалдар, үлестірме қағаздар, интерактивті тақта, т. бСабақтың барысы:- Сәлеметсіңдер ме, оқушылар! Балалар, біздің бүгінгі сабағымыз жай сабақ емес, ерекше сабақ. Себебі, бүгін бізге сабағымызды тамашалауға қонақтар келіп отыр. Қане, қонақтарымызбен сәлемдесейік

Білгір қазақ баласы,

Сәлем сөздің- анасы.

Алдыменен сіздермен

Сәлемдесіп алайық.

Олай болса, балалар, қонақтарға сыныбымызда білімді, үлгілі, тәртіпті, алғыр балалар бар екенін бүгінгі сабағымызда көрсетейік. Ендеше сабағымызды бастайық. Ой қозғау.Мұғалім: Балалар, мен өлең жолдарын оқимын, мұқият тыңдаңдар.Мен оның түнін сүйем, күнін сүйем,Ағынды өзен, асқар тау, гүлін сүйем.Мен оның қасиетті тілін сүйем,Мен оның құдіретті үнін сүйем.- Бұл өлең не туралы?- Отан туралы.- Ендеше, балалар бүгінгі жаңа сабағымыздың тақырыбы: Отаным – асыл қазынам!

Қызығушылықты ояту. Отан дегеніміз не? Отан туралы не білеміз? (оқушылар әріптер сөйлейді әдісімен сөздер жазады, мұғалім толықтырады )

1-топ: Отаным

О-

Т-

А-

Н-

Ы-

М-

2-топ: Асыл

А-

С-

Ы-

Л-

3-топ: Қазынам

Қ-

А-

З-

Ы-

Н-

А-

М-

Миға шабуыл

1.- Балалар Отанымыз қай мемлекет?

2. Қазақстанның бас қаласы қай қала?3. Қазақстанның тұңғыш президенті кім?4.Қазақстанның рәміздерін атаңдар?5. Біздің мемлекеттік тіліміз қай тіл?

6.Отан сөзін басқаша қалай айтуға болады?

Мұғалімнің түсіндірмесі. Отан дегеніміз - адамның туып өскен жері, туған - туысқандарымен, жақындарымен бірге тұратын атамекені. Қазақ елінде тұратын адамдардың Отаны - Қазақстан Республикасы.Біздің еліміз тәуелсіз, егеменді мемлекет. Біз тәуелсіздігімізді 1991 жылы 16 желтоқсанда алып, биыл тәуелсіздігіміздің 25 жылдығын тойлағалы отырмыз. Кең байтақ Отанымыздың қалалары, байлықтары өте көп. Қазақстанда алтын, мұнай, көмір, түрлі - түсті металдар өндіріледі. Алматы, Астана, Шымкент, Маңғыстау, Қостанай, Қарағанды, Семей, Тараз сынды үлкен қалалары бар. Туған жеріміздің табиғаты өте керемет. Өзен - көлдеріміз де көп.. Бірақ Қазақстанның көп бөлігін далалы жер алып жатқандықтан оны далалы өлке деп атайды. Қазақстан жері батыстан шығысқа қарай 3 000 шақырымға, солтүстіктен оңтүстікке қарай 1700 шақырымға созылып жатыр. . Қазақстан жер көлемі жөнінен дүниежүзі бойынша

9 орынды иеленеді. Қазақстан мемлекетімен шекаралас елдер: Ресей, Түрікменстан, Өзбекстан, Қырғызстан, Қытай. Біздің еліміз - жерінің кеңдігімен қатар, табиғи байлығы да мол мемлекет. Өріс толы малы, тайдай тулаған балығы, теңіздей толқыған егіні, дала толы аң - құсы, таусылмас кен байлығы да жеткілікті, мол.Қазақстан көп ұлтты мемлекет. Сонымен қатар, өзіміздің президентіміз, әнұранымыз, туымыз, валютамыз, елтаңбамыз бар. Біздің Отанымыздан ұлы адамдары да өте көп.. Мысалы: А. Құнанбаев, Ы. Алтынсарин, А. Байтұрсынұлы, Ш. Құдайбердіұлы, Ж.Жабаев, т. б. Отан туралы ақындар көп жырлаған.- Қане, сендердің араларыңда Отан туралы өлең шумақтарын білетіндерің бар ма? Оқушылардың әдеби монтажы…