Отаным тағдырым тақырыбындағы эссе 9 сынып

Отаным-тағдырым

Отан... Осы бір ұлы сөзді естігенде бойымды ерекше бір сезім билейді.Туып өскен жерім,кіндік қаным тамған жерім, балалық шақтан бүгінгі күніме дейін ауасынан тіршілікке нәр алып, бақытты ғұмыр кешкен жерім мен үшін аса қымбат.Бұл тек менің ғана емес әрбір жанның баға жетпес байлығы.Отан, туған жер туралы жазу үшін қолыма қалам алғанда, «Ұлтарақтай болса да, туып өскен жер қымбат,ат төбеліндей болса да, ата қоныс ел қымбат» деген халқымыздың даналық сөзі ойыма еріксіз оралады.

Менің Отаным- сонау Каспийден Алтайға дейін созылып жатқан қасиетті өлке-Қазақстан.Еліміздің көгінде тәуелсіздік туы желбірегеннен бері өшкеніміз жанып,өлгеніміз қайта тірілді,ата-баба дәстүрі қайта оралды,халқымыз еңсесін тіктеп жарқын болашаққа қол созды. Содан бері ауыз толтырып айтарлықтай елеулі оқиғалар, ерен жетістіктер орын алуда. Десекте,тәуелсіздікке оңайлықпен қол жеткізе алмадық. Ата-бабамыздың азаттық жолындағы ерен ерлігінің арқасында осынау арман еткен заманға қан төгіп, тер төгіп, күш жұмсап жеткенімізді ұмытпағанымыз абзал. Ұзақ жылдардағы қанды соғыс,ұлы дүбір дүрбелеңнен кейін азаттық таңы атты,еркіндік пен теңдік есігін айқара ашты.Тәуелсіздік жолында еліміздің арыстары талай жылдар басын тау мен тасқа ұрып, тар жол тайғақ кеше жүріп, еліміздің болашағы, келер ұрпақтың тағдыры үшін аянбай күресіп табандылық пен қайсарлық, шыдамдылық пен беріктік танытты.Барлық саналы ғұмырын ұлт мүддесіне арнаған бес арыс, ұлы Отан соғысында елім деп жанын пида еткен қайтпас қыран алаш азаматтары, жүректері оттай жалындаған желтоқсан қаһармандары... Бәрі, бәрі ел есінде, тарихта сақтаулы.

Елбасымыз Нұрсұлтан Назарбаевтың тәуелсіздігіміздің тұғырын бекітіп, қазақ елін әлемдік деңгейге алып шығуы, дүние жүзілік өркениетке мойындатып, олардың азат мемлекетімізге құрметпен қарап,экономикада, саясатта, халықаралық деңгейлердегі терезесі тең сенімді әріптес ретінде санасуына қол жеткізуі- тұңғыш Президентіміздің қайраткерлігінің, қай істерде болсын алдын болжай алатын көрегендігінің дәлелі. Мұндайда «Ел үмітін ер ақтар, ер атағын ел сақтар»-десек артық айтқанымыз болмас. Біздің Қазақстан-көп ұлтты мемлекет.150-ден астам өзге ұлт өкілдері бар. Бейбітшілік пен достастықта, татулықта бірге жұмыла отырып, қызметтің әр түрлі саласында қазақтар мен орыстар, татарлар мен немістер, украиндер мен кәрістер... еңбек етуде. Бірлік пен ұлтаралық келісім…