Отбасы байтақ мекенім тақырыбындағы сабақ жоспары

Тақырыбы: Отбасы-байтақ мекенім!

Мақсаты: Отбасы туралы түсініктерін кеңейту. Отбасылық, туыстық қарым – қатынастың мәнін түсіндіруОқу нәтижелері: Балалар отбасы туралы, туыстық атауларды біледі. Ойлау, сөйлеу қабілеттері дамиды.Түйінді идея: Сурет құрастыру әңгімелеу арқылы отбасында сыйластық қарым – қатынасқа және отбасына деген сүйіспеншіліктерін көрсету.Тапсырмалар мен жаттығулар:

І. Ұйымдастыру кезеңі«Шаттық шеңбері» әдісімен оқушылар бір – біріне әдемі күлкілерін сыйлайды.Кел, балалар, күлейік,Күлкіменен түлейік!Қабақ түйген не керек,Көңілді болып жүрейік!

ІІ. Тыныштық сәті!Баяу музыка ойнап тұрады.- Балалар, бір сәтке көздеріңді жұмып, көз алдарыңа туған үйіңді, отбасы мүшелерін елестетіп көріңдерші. Туған үйіміз сондай ыстық. Отбасы мүшелері қандай сүйкімді, көңіл күйіміз өте жақсы! Ал енді көздеріңді жәймен ашыңдар.

Видеороликпен жұмыс.

- Отбасы-мемлекеттің негізгі буыны.Тәрбие – отбасынан басталады, болашақ ұрпақтың еліне, Отанына деген сүйіспеншілігі алдымен ата-ананың ықпалы мен қалыптасады. «Дәулет есіктен, ақыл бесіктен кіреді» демекші білім бесігі мектептен,тәрбие бесігі отбасынан бастау алады. Отбасының екі тірегі-әлпештеген әке мен аялаған ана. Ата-анаға үлкенге қызмет етіп, әкеңнің еңбегін, анаңның ақ сүтін өтеу-біздің борышымыз. Бүгін біз «Отбасы- байтақ мекенім!» тақырыбындағы тәрбие сағатымызда Бала тәрбиесі, оның жан-жақты дамуы бағытында өз ойымызды ортаға салмақпыз. Отбасы-адам баласының түп қазығы, алтын ұясы. Адам баласы шыр етіп дүние есігін ашқаннан бастап сол ортаның ыстық-суығына бейімделіп, ықпалына көніп, осында ер жетеді. Отбасы мүшелерінің жауапкершілігі толығымен еразаматқа жүктеледі. Баланы өсіріп тәрбиелеу – әйел ананың тікелей міндеті.Отбасының тәрбиелеушілік міндетіне тікелей байланысты оның тағы бір қызметі бар. Оны дамытушы міндет деп атауға болады. Ата-аналар балалардың жеке ерекшеліктерін неғұрлым ертерек байқау керек. Сонда ғана балалар өздерінің ішкі қабілеті мен дарынын тез дамытады. Жас күнінен бастап олардың қабілетін байқап, соған сәйкес тәрбиелеу, бағдар беру қажет.

ІІІ. Балалар өз отбасы туралы әңгімелейді.- Сен не көрдің?- Сенің отбасың қандай?- Сенің отбасыңда неше адам бар?- Олар кімдер?- Отбасыңда сені қалай еркелетіп айтады? Сені ше?- Сен от басыңдағы адамдарды қалай атайсың?