Отбасы тақырыбындағы тәрбие сағаты 3 сынып

Мақсаты: Отбасы - тәрбиенің бастауы, бала өміріндегі маңызды – өнеге баспалдағы екендігін ескере отырып, отбасымыздағы өнегелі тәлім-тәрбие арқылы бала бойында адамгершілік, сыйластық, ата-анаға, қоршаған ортаға, қоғамға деген сүйіспеншіліктерін, халқымыздың салт- дәстүр, әдет-ғұрып үлгілері, тәрбие тәсіл, тәжірибелелері арқылы сіңіру, тәрбиелеу.

Көрнекілігі: Нақыл сөздер плакаты, гүлдер, шарлар, дастархан, отбасылық фотоальбомдар, ас мәзірі, сайыс шарттары.

Іс – шара жабдығы:

Музыкалық аспап, баян, арқан, магнит тақтасы, сайысқа қатысушылардың мерекелік әр түрлі киімдері, салт-дәстүр қойылымдарының жабдығы.

Өтілу орны: Акт залы

Сайыстың барысы:

1. Залда әуен ойнайды.

2. Кіріспе сөз.

Адамның жеке басының алғашқы қалыптасуы отбасынан басталады. Оның ер жетіп өсуі, бойындағы алғашқы адамгершілік белгілері отбасында қалыптасады, сондықтан да, туған үйдің жылуы есінде жүреді. Ақын сөзімен айтқанда «Отбасы – табиғат сыйлаған кереметтердің бірі». Жеке адамды басқа адамдармен қарым-қатынасқа, мәдениеттілікке тәрбиелеуде отбасы – алғашқы қадам. Сондықтан да ол өте қажетті, басқа еш нәрсемен ауыстыруға болмайтын баспалдақ. Отбасы сыйластық, жарастық орнаған орта. Баланың тәрбиелі болып өсуіне берекелі отбасының әсері мол. Отбасының басты қазығы, алтын діңгегі – бала.

Атаң – дана қорғаның.

Әжең – асыл ардағың,

Әкең – өмір тірегің.

Анаң – күнің, жүрегің,

Ағаң – қамқор асқарың.

Інің – мөлдір аспаның – демекші,

Құрметті қонақтар! «Үлгі болар отбасы,

Қазағымның айнасы»

атты отбасылық сайысымызға қош келдіңіздер!

- Сайыс болғаннан кейін, сайыс төрелігін беретін әділқазыларымыз бар. Әділқазылар алқасымен таныстыру. Сайыс шарттарын түсіндіру.

Бұл сайыста үзеңгі қағыстырып,

Көрейік «Үлгі болар отбасын» жарыстырып.

Осы залда білетін бар, білмейтін бар.

Әр отбасы көрсін өзін таныстырып.

3. а) Сайысымыздың бірінші шарты «Таныстыру»

- Ортаға бірінші сайыскер отбасымызды құрметпен шақырамыз (әр отбасы мүшелері: әкесі, анасы, баласы бір стильде киінген, отбасылық эмблемасымен, фотоальбомымен және өздерінің ерекше үлгіде таныстыруларымен ортаға шығады. Төрт отбасы кезек-кезек ортаға шығып, танысқаннан кейін, өз дастархандарының басына жайғасады).

ә) Сайыстың екінші шарты «Отбасылық мерекелерді атап өту»

Ынтымақ, бірлік, ақ ниет,

Береке, бірлік болсын – деп.

Бір дастархан басында,

Бір шаңырақ астында.

Бір ұядан ұшқандай.

Мерекені тойлаймыз біз, жараса.

- Ендеше әр отбасы өздерінің отбасылық мерекелерін қалай тойлайтындарын айтып өтсін (Жаңа жыл, Наурыз, айт, туған күндерге арналған мерекелердің үйлерінде қалай өтетінін әңгімелеп, сол мерекедегі ас мәзіріндегі басты тағамның түрін ұсынып, неден жасалатынын айту).

- Қандай той әнсіз, бисіз, ойынсыз