Отбасы тәрбие бастауы тәрбие сағаты

Тақырыбы: «Отбасы - тәрбие бастауы»

Мақсаты: Ата – аналармен тілдесіп, оларды ынталандыру, ортақ шешімді анықтау. Болашақта баламен жұмыс істеу міндетін белгілеу, ата - аналармен бетпе-бет кездесе отырып, бала тәрбиесі туралы пікір алысу. Бала тәрбиесі де ата - ананың алатын орнының ерекше екенін түсіндіру. Баламен дұрыс тіл табысуға, сөйлеу мәдениетін үнемі қолдауға ой салу.

Көрнекілігі: интерактивті тақта, сағат, доп, таратпа материалдар.

Күтілетін нәтиже: бала мен ата - ананың арасында жылылық орнату.

Тәрбие сағатының жоспары:

1. Кіріспе сөз.

2. «Сағат бойынша достар» жаттығуы

3. І кезең «Менің ойымша...»

4. ІІ кезең «Бала ойымен...»

5. ІІІ кезең. Жағдаяттар шешу

6. ІҮ кезең «Жанұя» ойыны.

7. Ү кезең. Топтық жұмыс.

8. ҮІ кезең. Қорытынды

Рефлексия

Барысы:

1. Кіріспе сөз. Адам өмірінің мәні мен сұлулығы, адамның келешегіне сенімділігі - баланың ата - анасын ардақ тұтып, өзінің перзенттік қарызын бір сәтке де есінен шығармауында. Бұл – жас ұрпақтың мәдениеттілігін, әдептілігінің ғана емес, ең алдымен, адамшылығының белгісі.

Бала – ата - ана өмірінің жалғасы. «Баламның табанына кірген шөңге менің маңдайыма кірсін,» деп әлпештеп өсірген перзенті ауырып не басқа бір қатер төнгенде мойындарына бұршағын салып, «Өзімді алып, баламды аман қалдыр!» деп құдайға жалбарынған.

Бала тәрбиесі – қызығы мен қиыншылығы қатар жүретін күрделі процесс.

Ата - аналардың жастығы мен бала тәрбиесіндегі тәжірибенің жоқтығы, болмаса тәрбие жұмыстарында тек қана өз ойлары мен көзқарастарына ғана жүгінуі немесе қажетті педагогикалық білімдерінің жетіспеушілігі салдарынан тәрбие процестері көптеген қателіктерге ұшырап отырады.

Сондықтан да мектеп өміріндегі ата - аналардың педагогикалық білімін жетілдіру, мәдениетін арттыру, бала тәрбиесіне белсене араластыру, соның нәтижесінде ата - ананы баланың алғашқы ұстазына айналдыру мақсатында ұйымдастырылатын тренинг - сабақтардың маңызы орасан зор.

Ашық тәрбие сағатының ережесі:

1. Өз ойын ашық айту.

2. Өзгенің пікірін құрметтеу.

3. Шынайылық көрсету.

4. Белсенді әрекет ету.

5. Өз сезімін басқара білу.

6. Уақытпен санасу.

2. Психологиялық дайындық. «Сағат бойынша достар» ойыны.

Шарты: Оқушыларға сағат макеті беріледі. Сағаттың әр санына өз достарының аттарын жазады және сол бойынша достарына жақсы көңіл-күй сыйлайды.

3. І кезең. «Менің ойымша...»

Шарты: берілген сұрақтарға ата – аналар өз ойларын айтады.

- Баланы еркін тәрбиелеген дұрыс па, әлде қатаң тәрбиелеген дұрыс па?

- Балаларыңыз игілікті іс істесе қалай мадақтайсыз?

- Бала тәрбиесі үшін отбасы жауапкершілігі басым ба, әлде мектептің жуапкершілігі басым ба?