Отбасы тәрбиесіне арналған шығармашылық жиналыс

Ата-аналар жиналысының жоспары

Мектеп: № 169 мектеп-лицей Мерзімі: Ата-аналар саны:

Мұғалім: Нурахунова Кундыз

Ата-аналар жиналысының тақырыбы: Отбасылық тәрбие

Мақсаты:

Жалпыадамзаттық рухани-адамгершілік құндылығын арттыру мақсатында, ата-аналардың балаларымен толыққанды, үйлесімді әрекет етуіне ықпал жасау.

Міндеттері:

Бала тәрбиесінде ата-ананың алатын орнының ерекше екенін түсіндіру

Ата-ананың балаға деген сүйіспеншілігін, көз-қарасын, балаға деген махаббатын нығайту;

Баланы бұлтарыссыз қабылдауын, отбасында балаға деген тәрбиенің маңыздылығын айқындау;

Ресурстар:

интерактивті тақта, слайд, түрлі түсті жүрекшелер, рефлексияға арналған сұрақ парақшалар. т.б. ватман қағазға салынған суреттер.

Жоспар:

Кіріспе

Отбасы тәрбиесінің маңыздылығы

Отбасындағы балаға деген махаббат

Үй тапсырмасы

Қорытынды

Жиналыс барысы:

Ұйымдастыру кезеңі: Жиналыс басталғанға дейін,ата налар жиналғанша, жұмыс проблемаларынан демалып, семинрдың тақырыбына бағытталуы үшін ақырын баяу әуен жүріп тұрады және презентация слайдтар көрсетіледі.

Кіріспе сөз. Сіздермен бас қосып пікір алысудағы мақсатымыз отбасындағы бала тәрбиесін дұрыс жолға қою, білімге деген ынтасын арттыру. Сонымен қатар ата-аналардың бала тәрбиесіндегі шешуі табылмай жүрген мәселелер болса, ойымызды ортаға салайық деп отырмыз.

Отбасы тәрбиесінің маңыздылығы. «Отбасы ұлттың, мемлекеттің, әлемнің, адамзаттың негізі» сондықтан оны нығайту керек.«Отбасында тыныштық болса, үйде тыныштық болады;

Үйде тыныштық болса, мемлекетте тыныштық болады.

Мемлекетте тыныштық болса әлемде тыныштық болады». Адамға нағыз бақытты – тәрбиелі ұрпағы ғана сыйлай алады. «Адам ұрпағымен мың жасайды» деген сөз тегін айтылмаса керек. Олай болса адам өмірінің мәні өз ұрпағы.

Шыр етіп сәби дүниеге келген сәттен бастап ата-ана алдында нәзік те қиын, қыр-сыры мол үлкен қоғамдық міндет тұрады. Ол – бала тәрбиесі. Бала тәрбиесінде алғашқы ұстаз – ата-ана. Бала үшін үй ішінен, ата-анадан артық тәрбиеші жоқ. Адамгершілік, бауырмалдық, татулық, қайырымдылық, әдептілік, инабаттылық сияқты қасиеттер жанұяда балаға сөзбен, теориямен дамымайды, үлкендердің үлгісімен сіңеді. «Әкеге қарап ұл өсер, шешеге қарап қыз өсер» дейді халық даналығы. Бала кішкентай кезінен-ақ әр нәрсеге әуестеніп үлкендерге көмектескісі келеді.

Балалардың махабаты таза, риясыз. Олар өздерінің ата-аналарын бар жан-тәнімен жақсы көреді және оларға еліктейді. (кейбір келеңсіз мінез-құлықтарына да).

Кей-кейде балалар ата-аналарының тілін алмайды. Бірақ-та олардың мінез-құлықтарын, іс-әрекеттерін зер сала бақылайды. Бұл балаларға үлкен әсер етіп, ықпалын тигізеді. Олар ата-аналары өтірік айтып, алдап тұрса, екіжүзділік танытса, оны байқап қояды.

Сурет-Метафора «Губка» (қозғалатын мәселе – бала тәрбиесі)

Суретте не берілген?

Губка (ата-ана)

Ал, осы губкаға тән қасиеттерді айтып көрейік.

Ол суды, сұйықтықты жақсы сіңіреді (ата-ана)

Ал енді, елестетіп көрейік осы губкаға көк түсті сұйықтық құйғанда не болады?

Ол көк түсті болады. (ата-ана)

Ал, қызыл түсті сұйықтық құйсақ?

Губка қызыл түсті болады. (ата-ана)

Егер біз бір уақытта бірнеше түсті сұйықтық құйсақ не болмақ?

Губка түсініксіз анық емес түске айналады. (ата-ана)

Бастапқыда біз губкаға тән қасиетті айттық. Ол сіңіргіш. Ал, тәрбие қайдан келеді? Кім береді? Қалай береді? Кім және қалай сіңіреді?

Ата-аналар өз пікірін айтады

Балаға тәрбие беру, көрсету, үйрету кезінде бала оны бірден сіңіреді. Түйсінеді, ұғады. Бала көрген білгенін бірден істейді. Балаға ұзақ уақыт бойы темекі шегу зиян деп айтып, зиян әдеті үшін жазалау, ол ақылға қонымсыз. Егер ол ата-анасының, үлкен бауырларының немесе айналадағы үлкен кісілердің рахаттанып темекі шеккенін көріп жүрсе. Бала осы үлгілерді үлкендерден көре тұра өзіне сіңіреді.

Ал, біз осыны тәрбие берудің дұрыс жолы деп айта аламыз ба? «Көрінген таудың алыстығы жоқ» дейді, ертең-ақ ұл өсіп ер жетеді, қыз өсіп бой жетеді. Сонда арақ пен темекінің зиянын қалай ұқтырамыз? Осы мәселе бойынша алып, қосарларыңыз бар болса, ойларыңызды ортаға салып отырыңыздар!

Жаттығу: ата аналар арасынан бір ерікті қатысушы ортаға шығып, орындыққа отырады. Ал қалған қатысушылар келіп, оған не нәрсені істеуге болмайтынын тыйым салатынын айтыңыз (әдетте өз балаңызға тыйым салатын әс әрекеттерді айтасыз). Айта отырып тыйым салған әрекет қай дене мүшесіне қатысты сол жеріне лента байлау керек. Мысалы: «Айғайлама!» - ауызына байланады. «Жүгірме!» - аяғына байланады. т.б.

Барлық қатысушы тыйым сөздерін айтып болған соң, орындықта отырған қатысушыға орнынан тұру ұсынылады. Ол аяқ қолы байлаулы болғандықтан оны шешу керек болады. Ол үшін әр қатысушы өзі байлаған лентаны шешу керек. Яғни тыйымдарды алып тастайды оның орнына не істеу керек екендігін айтады. Бірақ мынандай жағдайда. «Айғайлама – сабырмен айт»

Кері байланыс:

Баланың ролін сомдаған қатысушының кері байланысы:

Ата аналар сіздің бостандығыңызды шектеп, тұсау қойғанда өзіңізді қалай сезіндіңіз?

Қай дене мүшеңіздің байланған кезде ауыртпалықты сездіңіз?

Орныңыздан тұру керектігін айтқанда өзіңізді қалай сезіндіңіз?

Ең бірінші қай жеріңізді босатуды қаладыңыз?

Қазір қандай сезімдесіз?

Тыйым салушы ересектің ролін сомдаған қатысушылар:

Аяқ қолы тұсауда қозғала алмай отырған баланы көргенде қандай сезімде болдыңыз?

Сіз не істегіңіз келді?

Тыйым салуды жағымды түрде жеткізудің жолдарын табу қиынға соқты ма?

Қазір қандай сезімдесіз?