Отбасы туралы ашық сабақ мектепалды даярлыққа

Білім беру саласы: «Әлеуметтік орта»

Бөлімдері: Көркем әдебиет

Тақырыбы: № 5 «Отбасы»

Мақсаты: Баланың қоғамдық қарым- қатынастар жүйесіне енуге қажетті маңызды адамгершілік қасиеттерін дамыту, еңбек дағдыларын, жалпы адамдық құндылықтардың нормаларын білу, салт- дәстүрлер мен ережелер негізінде әлеуметтік – мәдени тәжірибесін қалыптастыру.

Білімділік: Отбасы мүшелерін дұрыс атауға, сәлемдесіп, қоштасуға үйрету.

Дамытушылық:Алған білімдерін есте сақтай отырып, сөздік қорларын дамыту.

Тәрбиелік:. Отбасындағы үлкенге құрмет, кішіге қамқорлық керектігін айтқызу арқылы инабаттылыққа тәрбиеле

Қолданылатын көрнекіліктер: Отбасы туралы үлкен суреттер (тамақтанып отырған, қыдырып жүргенде, табиғатта, т.б.)

Әдіс-тәсілдер: түсіндіру, әңгімелесу, сұрақ-жауап.

Қостілділік: отбасы-семья, ата-дедушка, әже-бабушка.

Іс-әрекет кезеңдері

Тәрбиешінің іс-әрекеті

Балалардың

іс-ірекеті

Мотивациялық-

оятушылық

Шаттық шеңбер:

Дөңгеленіп төбеден,

Сәулесін күн төгеді.

Жарқын жаздың не деген,

Жасыл түсі көп еді.

-Мынау не?

-Бақшада не бар?

-Бақшада кімдер жұмыс істейді?

-Ал үйдің отбасы мүшелерін атайық.

-Жарайсыңдар, балалар!

Балалар шаттық шеңберіне тұрып, таңғы сергіту жаттығуын орындайды.

Отбасының бақшада отырған суреті бойынша сұрақтарға жауап береді.

Ұйымдастырушылық-

Ізденушілік

Суреттерді көрсетіп, «Мынау кім?» дидактикалық ойынын ойнау. Төмендегідей сұрақтар қойылады:

-Атың кім?

-Сенің ағаң бар ма?

-Сенің әпкең бар ма?

-Нешінші сыныпта оқиды?

«Отбасы» бөліміндегі «Біздің отбасы», «Ата», «Әже» атты өлеңдері оқылады. «Біздің отбасы» өлеңі жаттатылады.

Ойын: «Қай бөлме?»

Ойынның шарты: Ас бөлмесі, қонақ бөлмесі, ұйықтайтын бөлме, балалар бөлмесінің айырмашыдықтарын толық атай білу.

Әр бала суретке қарап, өз отбасы туралы әңгімелейді.

Қойылған сұрақтарға жауап береді.

Балалар тәрбиешінің соңынан қайталап, өлеңді жаттайды.

Айырмашылықтарын атайды.

Рефлекциялық-

түзетушілік

-Өлеңдегі отбасы мүшелерін атаңдар?

-Әже туралы не дейді?

-Әжең үйге қандай көмек береді?

-Анаң үйде қандай шаруамен айналысады?

-Өзің үйде кімге көмектесесің?

-Енді, балалар, отбасы мүшелеріне арнап, өзіміздің тілегімізді айтайық.

Мысалы: Отбасы тату болсын, аман болсын, сыйластық болсын; т.б.

Сұрақтарға толық жауап береді.

Тілектерін айтады.

Күтілетін нәтижелер:

Нені білді: Отбасы мүшелерін дұрыс атауды, сыйлауды, сыпайы қарым-қатынас жасауды.

Нені меңгерді: Үйдегі бөлмелердің айырмашылықтарын толық атауды.

Нені жасай алады: Отбасы мүшелеріне деген тілектерін білдіре алады.