Отбасы және балабақша ынтымақтастығы баяндама үлгісі

Отбасы және балабақша ынтымақтастығы.

Қазіргі заман талабында отбасы баланың оқу тәрбиесіне араласу қажеттілігі айтылған. Сондықтан ата-ана мен балабақша арасындағы ынтымақтастықты дамыту өзекті мәселе боп отыр. Ата – анамен балабақша ынтымақтастығы, баланы оқыту мен тәрбиелеудегі – баршаның ісі. Отбасының да, балабақшаның да мақсат – мүддесі біреу – ол болашақ ұрпақ тәрбиесі. Болашақ азамат тәрбиеленетін алғашқы ұя – отбасы, ата-ана құшағы. Жас сәбидің алғашқы еститіні анасының мейірбан сөзі; көретіні анасының аялы алақаны.

Елбасы Н.Ә.Назарбаев «Қазіргі жас буын, бүлдіршіндер- мемлекетіміздің мығым тігері» - деп атап көрсеткендей, жас ұрпақтың жан-жақты қалыптасуының негіздері мектепке дейінгі мекемеден бастау алады.

Тәрбиенің басты діңгегі – ата- ана, рухани демеуші – тәрбиеші, педагог, жемісі- бала. Балабақшадағы психологиялық қызметте осы бағытпен жұмыстар жасалады. Осы бағыттардағы жұмыстар нәтижесінде ата-аналар мен балабақша ынтымақтастығы нығаяды, ата-ананың сауаттылығы артады, баланың рухани ойлау қабілеті артады, отбасында тәрбие негіздері қаланады.Баланы тәрбиелеу жауапкершілігі- ата-анада, әлеуметтік институттар тәрбиені толықтырушы.

Болашақ ұрпақ тәрбиесін іске асырып отырған кез – келген мекеме үшін отбасымен жұмысты тиімді дәрежеде ұйымдастырудың маңызы өте зор. Себебі, отбасы баланың түпкі тамыры болмысын қалайтын мекен. Сондықтан да балабақшаның оқу – тәрбие жұмысында ата – аналармен жұмысқа ерекше мән беріледі. Сол себепті мен ата – аналармен жұмысқа үлкен көңіл бөлемін.

Көздеген мақсатым: балабақшамен отбасындағы ынтымақтастықты біріктіре отырып, әр баланы жеке тұлға ретінде қазіргі заман талабына сай рухани жан дүниесін байытып, бойындағы құндылықтарды дамыту. Балабақша мен ата – ана арасындағы ынтымақтастықты құру. Алдыма қойған міндеттерім:

Ата – аналарға балалардың жас ерекшеліктеріне сәйкес педагогикалық, психологиялық кеңес беру.

Балабақшадағы іс – шараларға ата – аналарды қатыстыру.

Ата – аналарды балабақша өмірімен қызықтыру.

Үлгілі ата – аналарды насихаттау.

Ата – аналармен біріге отырып құрылған оқу – тәрбие жоспарын жасау.

Балаларды дамытудың диагностикасын жасау.Жыл соңына ата-аналарға таныстыру.

Күнделікті балабақшадағы жұмыстарға ата – аналарды тару.

ата – аналармен тұрақты байланыс орнату

ата - аналардың педагогикалық білім дәрежесі мен мәдениетін

үнемі арттырып отыру

10.үштік одақ ( бала, ата – ана, тәрбиеші ) жұмысын жандандыру

Ата-анамен жұмыс түрлері: сауалнама, тес алу, кеңес беру, әңгімелесу, ата-аналар жиналысы, пікірталас. Ата-аналардан көбінесе оқу жылының басында тест алынады. Ол әрі қарай жұмыс істеу үшін, қажетті ақпараттар алу үшін керек. Сондай-ақ жеке де, топпен де кеңестер беріледі.

«Баланың балабақшаға бейімделуі»

«Егер сіздің балаңыз дұрыс сөйлей алмаса?»

«Баланы калай мақтаған дұрыс»

Мен баламды білемін бе?

Ата –аналардың әлеуметтік жағдайын анықтау

Менің отбасымдағы эмоционалды ахуал қандай? т.б сауалнама алынды.

«Күйе көбелектерді аулаймыз»

«Балаша қуанайық» т.б тренинг-ойындар ойнатылды.

Бала тәрбиесіне байланысты мәселелерге көңіл аудару мақсатында «Отбасы тәрбие басы», «Бала тәрбиесіндегі ата-ананың жауапкершілігі», ««Ата – ананың бала алдындағы беделі» түрлі тақырыптар ата-аналар арасында қозғалды.

Ата-ананың теориялық білімі болғанымен, оны практикада қолдануға, кейбір тәрбие мәселесінде қинауы мүмкін. Олардың кейбіреуінде тәрбие жөнінде арнайы білімі болмауы мүмкін, яғни педагогикалық сауатсыздығынан және оларда тәрбие жұмысын жүргізуге қажетті тәржірибенің жоқтығынан болады.Балаларды тәрбиелеудің дұрыс жолын табу үшін ата -аналарға көмектесу педагогтардың міндеті. .