Отбасым – алтын бесігім тақырыбындағы жұмыс, 9-сынып

Шеңбертал орта мектебі

ПСИХОЛОГИЯЛЫҚ

ТРЕНИНГ

Тақырыбы: «Отбасым-алтын бесігім»

Сыныбы: 9-10 сыныптар

Уақыты: 23.10.2013 ж.

Өткізген: С.Баймұханов мектеп психологі

2013-2014 оқу жылы

«Отбасым-алтын бесігім» психологиялық тренинг

Мақсаты: Бала тәрбиесіне байланысты түсініктер беру арқылы ата-аналардың білімін көтеру.

Тренинг бағдарламасы:

Есімдер шоғыры

«Арман кемесі» жаттығу

Мақал-мәтелдің маңынасын ашу

«Уақыт шеңбері»

«Сырлы сандықша» жаттығуы

Қорытындылау

Тренинг барысы:

Психолог: Қош келдіңіздер, құрметті әріптестер, ата-аналар, оқушылар! Бүгінгі біздің тренингтің ерекшелігі тәрбие процесінде кездесетін қиындықтарды пікірлесе отырып шешу, ойымызды түйіндеп, күнделікті өмірде қажетіне қарай қолдану. Тәрбиенің қайнар көзі отбасынан басталады. Халқымыз «Ұяда не көрсең, ұшқанда соны ілерсің», «Әке көрген оқ жонар, шеше көрген тон пішер» деп бекер айтпаған. Отбасындағы тәрбиенің негізгі мақсаты-жасөспірімге тәрбие беру. Өйткені, баланың алғашқы өміртану қадамы үйден, отбасы ортасынан басталады.

Бала қанша білім алып, мектеп табалдырығын аттағанымен, өмірінің көп бөлігі әке-шешесінің қасында өтеді. Сондықтан бала тәрбиесі ортақ. Ендеше, білімді, тәрбиелі бала тәрбиелейік десек, бірлесе жұмыс жасай білейік дегім келеді.

І. «Есімдер шоғары». Мақсаты: Ата-аналарды бір-бірімен таныстыру. Көңілді доппен бір-біріне беріп өз есімдерін айту.

ІІ. «Арман кемесі». Нұсқау: Жаздың бір әдемі таңын елестетіңіз, нұрын шашып таң атып келеді. Көгілдір көк теңіздің жағасында шуағын шашып күн көтерілді. Теңіздің көз ұшында ақ желкенін керген ақ кеме. Сол кемемен арманын арқалаған балаңыз «өмір» деген үлкен сапарға аттанып барады. Бала болашағынан қанжай үміт күтесіз? Сол үміт, тіліктеріңізді ақ кеменің желкеніне жазып қойыңыз. (ата-ана алдында жатқан кеменің желкеніне өз үмітін жазады, тақтада теңіз бейнесіне кемелерге іледі.)

ІІІ. Мақал-мәтелдің мағынасын ашу. Ата-ананың балаға қоятын басты талап-тілегі әдепті, иманды болып өсуі. Тәрбиенің басы-әдептілікте.

Ата-аналарға: 1. «Бұтақпен ағаш қымбатты, ұрпақпен адам қымбатты». 2. «Баланы жетіге келгенше тыйма, он төртке келгенше құлыңдай қина, он төрттен кейін құрдасыңдай сыйла». 3. «Баланың жақсысы-қызық, жаманы-күйік». 4. Бес асыл қасиетті жиған адам кісілікті деп танылмақ. Ол: сыпайылық, кеңдік, шыншылдық, зейінділік, мейірбандық.

IV. Баланың күнделікті не істеп, немен айналысатынын, бос уақытын қалай өткізетінін уақытында қадағалап отыру қажет. Сондықтан келесі тапсырма «Уақыт шеңбері» деп аталады. Бір парақ қағазға екі сағат бейнеленген. Бір сағат ата-ана өзінің уақытын қалай өткізетіндегін, екіншісіне баланың уақыты қалай өтетіндігін сағатқа бөлек жазу.

Ата-ана: Ұйқыға. Үй шаруашылығына. Ас әзірлеу. Жұмысқа. Баланың сабаққа дайындалуы, т.б.