Отбасым және мен отбасылық аялдамалар сайысы

«ОТБАСЫМ ЖӘНЕ МЕН» отбасылық аялдамалар сайысы

Сайыс мақсаты: Ата-аналар мен балаларды сайысқа қатыстыра отырып, олардың отбасылық тәрбие туралы білімдерін кеңейту, тәрбиенің үздік үлгілерін насихаттау.

Ата-аналардың мектеппен, мұғаліммен, басқа ата-аналармен тұрақты қарым-қатынасын қалыптастыру.

Мектеп — отбасы — бала қарым-қатынастың тиімді модельдерін іздестіру.

Отбасы - Отанның бір бөлшегі екендігін ұғындырып, оқушыларды ынтымақ пен бірлікке, татулық пен ұйымшылдыққа тәрбиелеу.

«Жас Ұлан» ұйымының «Отан» бағыты жұмысының жоспарын іске асыру.

І - Жүргізуші:

Армысыздар құрметті ата-аналар, оқушылар, ұстаздар! Республикалық «Отбасы-бақыт мекені» акциясы аясында ұйымдастырғалы тұрған «Отбасым және мен» отбасылық аялдамалар сайысына қош келдіңіздер!

ІІ- Жүргізуші:

Атамыз қазақ «Бала - адамның бауыр еті», «балалы үй - базар» дейді. Өйткені бала - өмірдің жалғасы, отбасының жеміс берер гүлі. Отбасы – бұл қоғамның негізі. Баланың болашақта жақсы азамат болып өсуі үшін, жан - жақты тәрбиелі болуы отбасында берілетін тәрбиеге тікелей байланысты.

І- Жүргізуші:

Бүгінгі сайыс аналар мен балалардан құралған топтар арасындағы сайыс түрінде өтеді. Олай болса, осы сайысымызға қатысушы отбасыларымызды ортаға шақырайық. (жеребе тасталады)

Кеңшілік отбасы. 2. Ислам отбасы 3. Фархад отбасы

4. Журунтаевтар отбасы. 5. Дүйсанбаевтар отбасы.

6. Мұратбаевтар отбасы. 7. Башановтар отбасыІ, ІІ- Жүргізуші: Сайыс:

«Музыка»- музыка сұрақтары, отбасы тақырыбында ән орындап беру; «Сезімталдық»-көзін байлап жасырынған заттарды атап беру;

«Пантомимо»- әр түрлі іс-қимылдар арқылы жасырынған құбылысты түсіндіру;

«Логика»-логикалық тапсырмаларды орындау мен сұрақтарға жауап беру; «Құрастыру»- пазлдар мен мозайкаларды құрастыру;

«Денсаулық»-тазалық, жеке бастың гигиенасы, спорт туралы сұрақтарға жауап беріп, спорттық жаттығулар жасау;

«Білім»- жұмбақтардың шешімін тауып, отбасы туралы 5 мақал-мәтел айту;

«Бейнелеу»- отбасын ақ қағаз бетіне суретін салу; аялдамаларынан тұрады.

ІІ- Жүргізуші:

Сіздерді қазір әр аялдамада төрешілер күтуде. Аялдаманың аты кабинет ішінде жасырулы тұр,сол жазуды тапқаннан кейін тапсырмалар орындалады. Сіздердің қолдарыңызға берілетін карталар бойынша әрбір аялдамаға, яғни, кабинеттерге кезекпен, түгел кіріп, тапсырма орындап, тиісті ұпайларыңызды алып шығасыздар. Аялдамаға кезексіз және отбасы мүшелері түгел кірмесе, тапсырма берілмейді.

І- Жүргізуші:

Бүгінгі сайысымызға қазылық ететін ұстаздарымызбен таныстырып өтейік.

Мектеп психологы – Айтмухамбетова Н.У.

Ата-аналар комитеті төрайымы- Мелешко Л.В.

Мектеп директорының тәрбие ісі жөніндегі орынбасары Іліяс Г.Ж.

ІІ-Жүргізуші:

Сөз кезегі мектеп директорының тәрбие ісі жөніндегі орынбасары Іліяс Гүлжанат Жайшылыққызына беріледі.

І -Жүргізуші:

Қандай ыстық бауыр деген адамға?Жүре алмассың бауырсыз сен қашанда.Қиналсанда, қуансаңда қашанда,Табылады әркез сенің қасыңда - деп, ортаға 4,5 сынып оқушылары Реймбай Нұрхат пен Мұратбай Асылзатты шақырамыз. «Бауырым» әні. Қошеметпен қарсы алайық!

ІІ-Жүргізуші:

Ойнайық, ойнайық та ойлайық!Қатардан артта қалып қоймайық,Белсенді болайық ортада,Уақытты тектен-тек жоймайық!

І- Жүргізуші: