Отбасымен ынтымақтастық жұмыс түрлері туралы баяндама

Жумалиева Ардак Елеусизовна

Орал қаласы, №40 «Болашақ» бөбекжайының әдіскері

Мектепке дейінгі ұйымда отбасымен ынтымақтастықта

жүргізілітін жұмыс түрлері.

Педагогикалық әңгімелесулер. Педагогқа отбасымен байланыс жасау үшін ыңғайлы жұмыс түрі. Педагогикалық әңгімелесулер аталмыш түрінде жүреді немесе бұл жұмыс түрін келесі түрлердің құрамында да жүргізуге болады: ата – аналар жиналысы, кеңес беру. Мақсаты: ата – аналарға дер кезінде бала тәрбиесі бойынша көмек көрсету, ата – аналармен тәрбие мәселелері бойынша бір көзден қарау. Негізгі міндет бұл жұмыста тәрбиешіге жүктеледі, ол әңгімелесудің тақырыбын және жүргізу барысын алдын – ала жоспарлайды.Әңгімелесуді өткізу барысында үйлесімді жағдай туғызу және әңгімелесуді бейтарап сұрақтардан бастап, кейін негізгі тақырыпқа көшуді ескеру қажет.

Тақырыптық кеңес беру. Кеңес беру мазмұны бойынша әңгімелесуге жақын, бірақ олардың негізгі айырмашылығы – кеңес беру жұмыс түрін жүргізуде тәрбиеші ата – анаға маман ретінде кеңес береді. Кеңес беру жұмыс түрі жоспарланған және жоспарланбаған, жеке және топтық түрінде жүреді. Жоспарланған кеңес беру жұмыс түрі балабақшада жүйелі түрде жүреді, әр жасқа сай жылына 3-4 рет, осы санда жылдық жоспарға сәйкес жалпы кеңес беру жұмыс түрі балабақша бойынша жүргізіледі. Кеңес берудің созылуы – 30-40 минут. Жоспарланбаған түрі ата – ананың немесе педагогтың бастамашылығымен жиі жағдайға байланысты туындайды. Кеңес беру түрі әңгімелесу түрі сияқты педагог тарапынан тиянақты дайындықты талап етеді.

Топтық отбасымен ынтымақтастық жиналысы. Топтық отбасымен ынтымақтастық жиналыста балабақша және отбасы жағдайында балалардың жасына сай тәрбие мазмұнымен, мақсат – міндеттерімен және әдістерімен таныстырады. Топтық ата – аналар жиналысының күн тәртібі сол кезеңде маңызды тақырыпқа педагогикалық әңгімелесу, ата – аналар санынан отбасылық тәжірибеден хабарлама, ағымдағы ұйымдастырушылық мәселелерді талқылауды қамтиды. Оқу жылы бойы 3-4 топтық жиналыс өткізілу ұсынылады. Жиналыс

соңында ата – аналар өз сауалдарын қояды, педагогпен ақылдасады, сонымен қатар, шағым – талаптарын білдіреді.

Жалпы ата – аналар жиналысы. Жиналыс барысында мектепке дейінгі ұйым бойынша жалпы ұйымдастырушы мәселелер талқыланады. Жалпы ата – аналар жиналысын пән мұғалімі, әдіскер және психолог біріге отырып жүргізеді. Жылына аталмыш жиналыс саны – 3 – тен кем болмауы тиіс.

Ата – аналар клубы. Мақсаты: Міндетті түрде мамандардың қатысуымен дәстүрден тыс жағдайда ата – аналармен бала тәрбиесі бойынша өзекті мәселелерді талқылау. Дөңгелек үстел отырысына мамандармен белгілі бір тақырып бойынша талқылауға қатысуға ауызша немесе жазбаша түрде ынтасын білдірген ата – анлар шақырылады. Педагогтар, осы бағыт мамандары және ата – аналар қызықты нысанада өмірлік жағдаяттарды көрсету арқылы моделін береді. Бұл ата – аналарға балалардың тәрбиесі бойынша кәсіби білім беріп қана қоймай, сонымен қатар, педагогтармен және мамандармен сенімді қарым – қатынас құруға мүмкіншілік береді.

Көрнекі насихат. Мектепке дейінгі ұйым жұмысында көрнекі насихат берудің түрлі құралдарын пайдалануға ұсынылады. Осы құралдардың бірі – алдарына нақты педагогикалық мақсатты қою арқылы ата – аналарды балабақшаға жиі қатысуға тарту: топ тәрбиешісінің іс - әрекетін бақылау, құрбы балалардың аралық қарым – қатынасын бақылау, ересек адамдар мен балалар қарым – қатынасын бақылау, өз баласының тәртібін бақылау; балабақша бойынша тұрмыстық жағдаймен танысу.

Ата – аналарды балабақшадағы балалар өмірімен көрнекі таныстыру жылына 3-4 рет белгіленген күндері ұйымдастырылған ашық есік күндері арқылы да жүзеге асады. Аталмыш күндері ата – аналар алдын - ала келісімсіз балабақша өміріне қатысады. Ата – аналар ұйымдастырылған оқу іс - әрекетінің ұйымдастырылуын, балалар ойынын, күн тәртібінің кезеңдерін бақылайды. Соңында шағын ұжымдық сұхбат өтеді, ата – аналар сауалдарын қояды және өз әсерлерімен бөліседі.