Отбасындағы әке беделі туралы тәрбие сағаты

Алматы қаласы Қ.А.Яссауи атындағы №123 мектеп-гимназиясының бастауыш сынып мұғалімі Агибетова Айгерім

Отбасындағы әке беделі

"Әке – асқар тау, ана – баурайындағы бұлақ, бала – жағасындағы құрақ" деген бір ауыз сөзге бүкіл тәрбиенің бастауын қазақ атамыз сыйғыза білген. Асқар таудай әкесін пана тұтқан бала қорқақ болмайды. Ал ана атты бұлақтың мейіріміне қанып өскен ұрпақ өзгеге де мейіріммен қарайды. Қазіргі өскелең ұрпаққа «Әке қандай болуы керек? деген сұрақтар жиі қойылады. Осы сұрақтарға жауап алу мақсатында өзімнің 4 «Д» сынып оқушылары мен тәрбие сағаты өткізілді. Сабақтың басты мақсаты - отбасындағы әке мен ер азаматтың рөлінің мәнін ұғындыру, әрбір тұлғаны тәрбиелеу. Бала бойына әкені сыйлауды,құрметтеуді өнеге тұту сияқты ізгі қасиеттерді сіңіру,адамгершілікке,парасаттылыққа тәрбиелеу. Тәрбие сағатына оқушылар белсене қатысты.

Әке – отбасының асыраушысы, отбасы мүшелерінің тірегі; қамқоршысы. Әкенің мінез - құлқы, өзгелермен қарым – қатынасы, өнері мен білімі баланың көз алдындағы үлгі, өнеге алатын, оған қарап өсетін нысанасы.Ер бала әкесімен сырлас, жолдас, дос. Ол әрқашан бір әрекет жасау үшін әуелі әкесімен сырласады. Ер баланың өсіп, жетіліп, өз алдына жеке тұлға болып қалыптастыруына қоғамдағы өз орнын дұрыс табуына әкенің атқарар еңбегі ерекше отбасының ұйытқысы, берекесі, мейір – шапағат көзі – әке.

Менің сыныбымдағы балаларым әкелерін өте жақсы көреді, әкем мен анам аман болса екен деп әрдайым жақсы тілек тілейді. Әкелерінің берген тәрбиесің үлгі етіп орындауға тырысады. Әр оқушы өз әкесімен мақтануға әрине толық мүмкіндігі бар. Оқушылар өзінің әкелері туралы әңгімелеп, оларды мақтан тұтатындықтарын айта кетті.

Әкелеріне арнап шығарған өлең жолдарын оқыды.Әдия әкесінің бойынан күш - жігерді, батырлықты, батылдықты, қайсарлықты, білімділікті, барлық қасиеттерді көретінің айтты.

Қарап отырсақ әкенің де түр - түрі болады. Бірі ақылды, білімді болса, бірі жігерлі, қайратты, енді бірі батыр да батыл, қайсар болып келеді. Ал енді бірінің бойынан осы айтылғандардың бәрін көруге болады. Барлық адамдар әкені құрметтеуі, қастерлеуі, аялауы, оны өзінен жоғары ұстауы керек. Әкеден артық арман жоқ,

Әкеден артық қорған жоқ,